တင်းမာမှုမြင့်တက်လာပြီးနောက် ဆွေးနွေးညှိနှိုင်းရန် အိန္ဒိယကို ပါကစ္စတန် ကမ်းလှမ်း

ဖေဖော်ဝါရီ ၂၈၊ ၂၀၁၉
M-Media

– တိုက်လေယာဉ်တွေကို အပြန်အလှန် ပစ်ချခဲ့တယ်လို့ သတင်းတွေ ထွက်ပေါ်ခဲ့ပြီးတဲ့နောက် လက်ရှိဖြစ်ပေါ်နေတဲ့ တင်းမာမှုတွေကို လျှော့ချဖို့အတွက် ပါကစ္စတန်ဝန်ကြီးချုပ် အင်မရန်းခန်းက အိန္ဒိယကို တိုက်တွန်းလိုက်ပါတယ်။

အိန္ဒိယက ထိန်းချုပ်ထားတဲ့ ကက်ရ်ှမီးယားဒေသမှာ အခုလအစောပိုင်းက ပြည်သူ့စစ်ယာဉ်တန်းကို အသေခံ ဗုံးခွဲတိုက်ခိုက်မှု ဖြစ်ပွားခဲ့ပြီးတဲ့နောက် မြင့်တက်လာတဲ့ နှစ်နိုင်ငံတင်းမာမှုဟာ ဒီကနေ့မှာ တိုက်လေယာဉ်တွေ အပြန်အလှန် ပစ်ချမှုနဲ့အတူ အမြင့်ဆုံးကို ရောက်ရှိလာခဲ့ပါတယ်။

ပါကစ္စတန်က အိန္ဒိယတိုက်လေယာဉ်နှစ်စင်းကို ပစ်ချနိုင်ခဲ့ပြီး လေယာဉ်မှူးနှစ်ဦးကို ဖမ်းဆီးထားတယ်လို့ ထုတ်ပြန်ခဲ့ပါတယ်။ အိန္ဒိယနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ရာဗက်ရ်ှကူးမားက သူတို့ရဲ့ လေယာဉ်မှူးတစ်ဦး ပျောက်ဆုံးနေတယ်လို့ အတည်ပြုခဲ့ပြီး နိုင်ငံအတွင်း စစ်တပ်ပစ်မှတ်တွေကို လာရောက်တိုက်ခိုက်တဲ့ ပါကစ္စတန်တိုက်လေယာဉ်ကို ပစ်ချနိုင်ခဲ့တယ်လို့ ဆိုပါတယ်။

အိန္ဒိယ ကက်ရ်ှမီးယားအခြမ်းက ရဲတပ်ဖွဲ့က လေယာဉ်ပျက်ကျမှုကြောင့် လေယာဉ်မှူးနှစ်ဦးနဲ့ အရပ်သားတစ်ဦးတို့ သေဆုံးခဲ့တယ်လို့ ပြောကြားခဲ့ပြီး၊ လေယာဉ်ဟာ ပါကစ္စတန်ရဲ့ ပစ်ချမှုကြောင့် ပျက်ကျတာလားဆိုတာ အတည်မပြုခဲ့ပါဘူး။

ဒီအဖြစ်အပျက်တွေ ဖြစ်ပွားခဲ့ပြီးတဲ့နောက် ပါကစ္စတန်ဝန်ကြီးချုပ် အင်မရန်းခန်းက ဆွေးနွေးဖို့အတွက် အိန္ဒိယကို ကမ်းလှမ်းခဲ့ပါတယ်။

“စစ်ပွဲဟာ ဘယ်သူ့အတွက်မှ အကျိုးမရှိဘူးဆိုတာ သမိုင်းက သက်သေခံနေပါတယ်။ ကျွန်တော်တို့မှာရှိတဲ့ လက်နက်တွေနဲ့ ဒီအကျိုးမရှိတာကို လုပ်မလားလို့ မေးခွန်းထုတ်လိုပါတယ်။ ဆွေးနွေးပွဲစားပွဲဝိုင်းကို လာရောက်ဖို့အတွက် အိန္ဒိယကို ထပ်မံဖိတ်ခေါ်လိုပါတယ်”

အိန္ဒိယပြည်သူ့စစ် ၄၂ ဦး သေဆုံးခဲ့တဲ့ အသေခံကားဗုံးခွဲမှုဟာ သူတို့လက်ချက်လို့ ပါကစ္စတန်အခြေစိုက် သူပုန်အဖွဲ့ Jaish-e-Mohammed က ပြောကြားခဲ့ပါတယ်။ အိန္ဒိယကတော့ ဒီကိစ္စမှာ ပါကစ္စတန်လက်ချက်မကင်းဘူးလို့စွပ်စွဲထားပါတယ်။

အင်မရန်းခန်းက ဒီဗုံးခွဲမှုအတွက် စုံးစမ်းစစ်ဆေးရေးမှာ ပူးပေါင်းပါဝင်ဖို့ အဆင်သင့်ရှိနေတယ်လို့ ဒီကနေ့မှာ ထပ်မံပြောကြားခဲ့ပါတယ်။

အင်္ဂါနေ့မနက်ပိုင်းမှာ အိန္ဒိယတိုက်လေယာဉ်တွေဟာ ပါကစ္စတန်က ထိန်းချုပ်ထားတဲ့ ကက်ရ်ှမီးယားဖက်ကို ၀င်ရောက်ကာ ဗုံးကြဲခဲ့ပါတယ်။ ဒီစစ်ဆင်ရေးမှာ စစ်သွေးကြွတွေ အများအပြားကို သုတ်သင်နိုင်ခဲ့တယ်လို့ အိန္ဒိယအာဏာပိုင်တွေက ပြောကြားခဲ့ပေမယ့် ပါကစ္စတန်ကတော့ သူတို့ တိုက်လေယာဉ်တွေ ကြားဖြတ်ဟန့်တားမှုကို ရှောင်ကွင်းရင်း အိန္ဒိယလေယာဉ်တွေဟာ လူသူမရှိတဲ့ နေရာတွေကို ဗုံးတွေချခဲ့တာဖြစ်တယ်လို့ ထုတ်ပြန်ပါတယ်။

အိန္ဒိယရဲ့ ဒီလုပ်ရပ်ကို တုန့်ပြန်တယ်လို့ဆိုကာ ပါကစ္စတန်က အိန္ဒိယထိန်းချုပ်ထားတဲ့ ကက်ရ်ှမီးယားက ကွင်းပြင်တွေကို ဗုံးသွားကြဲခဲ့ပါတယ်။

အိန္ဒိယနဲ့ ပါကစ္စတန်တို့ဟာ စစ်ပွဲ ၃ ကြိမ် ဖြစ်ပွားခဲ့ပြီး ၂ ကြိမ်က ကက်ရ်ှမီးယားဒေသကို ပိုင်ဆိုင်တယ်ဆိုတဲ့ အငြင်းပွားမှုကြောင့် ဖြစ်ပါတယ်။

Ref: Aljazeera