ချင်းပြည်နယ်၏ ပထမဆုံး လေဆိပ်ကို ၂၀၂၀ တွင် ဖွင့်လှစ်နိုင်ရန် ဆောင်ရွက်နေ

ဖေဖော်ဝါရီ ၂၈၊ ၂၀၁၉
M-Media

ရန်ကုန်လေဆိပ်မြင်ကွင်း

– ချင်းပြည်နယ်ရဲ့ အဓိကလေဆိပ်တစ်ခုဖြစ်လာမယ့် ဖလမ်းမြို့က Surbung လေဆိပ်ကို ၂၀၂၀ ခုနှစ် စက်တင်ဘာလမှာ ဖွင့်လှစ်သွားမယ်လို့ အရပ်ဖက်လေကြောင်း ဦးစီးဌာန ဒုတိယညွှန်ကြားရေးမှူး ဦးရဲထွဋ်အောင်က ပြောကြားလိုပါတယ်။

ငွေကျပ် ဘီလီယံ ၃၀ လောက် ကုန်ကျမယ့် ဒီလေဆိပ်ကို ၂၀၁၆-၁၇ မှာ စတင်ဆောက်လုပ်ခဲ့တာဖြစ်ပြီး၊ ၂၀၂၁-၂၂ မှာ ပြီးစီးဖို့ ရည်ရွယ်ခဲ့တာ ဖြစ်ပါတယ်။ ဒါပေမယ့် ပြီးခဲ့တဲ့လမှာ နိုင်ငံတော အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတ ဦးဝင်းမြင့်တို့က ၂၀၂၀ စက်တင်ဘာလမှ စတင်အသုံးပြုနိုင်ရေး ဆောင်ရွက်ဖို့ ညွှန်ကြားခဲ့ပါတယ်။

ညွှန်ကြားရေးမှူး ဦးရဲထွဋ်အောင်က လတ်တလောဘက်ဂျက် ငွေကျပ် ၅ ဘီလီယံသာရှိသေးပြီး သတ်မှတ်ရက်အတွင်း ပြီးစီးဖို့ဆိုရင် နောက်ထပ် ၁၀ ဘီလီယံလောက် လိုအပ်ကြောင်း၊ ဒီအတွက် ၀န်းကြီးဌာနကို တင်ပြတောင်းခံထားကြောင်း ပြောကြားခဲ့ပါတယ်။

လက်ရှိမှာ လေယာဉ်ပြေးလမ်း၊ လေယာဉ်ဆိုက်ကပ်ရာနေရာနဲ့ သက်ဆိုင်ရာ အဆောက်အဦးတွေကို ဆောက်လုပ်နေပြီး၊ လေကြောင်း ထိန်သိမ်းရေးစနစ်၊ ကိရိယာ တန်ဆာပလာတွေ၊ ပြေးလမ်းမီး စတာတွေအတွက် ဘက်ဂျက်လိုနေတယ်လို့ ညွှန်ကြားရေးမှူးက ပြောပါတယ်။

Surbung လေဆိပ်ကို ဖလမ်းမြို့က ၁၂၈၉ ဧကရှိတဲ့ မြေပေါ်မှာ ဆောက်လုပ်နေတာဖြစ်ပြီး ပြေးလမ်းက မီတာ ၂၀၀၀ ရှည်လျားမှာ ဖြစ်ပါတယ်။

နိုင်ငံရဲ့ အဆင်းရဲဆုံးပြည်နယ်တွေထဲမှာပါတဲ့ ချင်းပြည်နယ်မှာ မြို့နယ် ၉ ခုရှိပြီး လမ်းပမ်းဆက်သွယ်ရေး အခက်အခဲကြောင့် ပြည်သူတွေဟာ ပြည်နယ်အတွင်း သွားလာဖို့ မလွယ်ကူဘဲ မိုးတွင်းမှာဆိုရင် ရေကြီးမှုတွေ၊ မြေပြိုမှုတွေကြောင့် တစ်ချို့ဒေသကလူတွေ လုံးဝ ခရီးသွားလို့ မရပါဘူး။ နိုင်ငံအတွင်း အခြားနေရာတွေနဲ့ နိုင်ငံရပ်ခြားသွားမယ်ဆိုရင် အနီးစပ်ဆုံး လေယာဉ်ကွင်းရှိတဲ့ ကလေးမြို့ကို သွားရပါတယ်။

ချင်းပြည်နယ်မှာ နှလုံးသားပုံစံ နာမည်ကျော် ရိဒ်ရေကန်နဲ့ နတ်မတောင် အမျိုးသားပန်းခြံလည်း ရှိတဲ့အတွက် ဖလမ်းမြို့က လေဆိပ် ပြီးစီးသွားရင် ခရီးသွားတွေ ပိုမိုမြင့်တက်လာဖို့ မျှော်လင့်နေပါတယ်။

Ref: mmtimes