မြန်မာနိုင်ငံ၏ ကဏ္ဍအသီးသီးတွင် အမုန်းတရားပြန့်နေပြီး လွတ်လပ်မှုဘောင်ကျဉ်းလာဟု ကုလ အထူးကိုယ်စားလှယ်ပြော

မတ် ၆၊ ၂၀၁၉
M-Media

မြန်မာနိုင်ငံဆိုင်ရာ ကုလအထူးကိုယ်စားလှယ် ယန်းဟီးလီ

– မြန်မာနိုင်ငံမှာ လူမျိုးရေးအမုန်းတရားတွေဟာ နယ်ပယ်တိုင်းမှာ စိုးရိမ်စရာကောင်းလောက်အောင် ပြန့်နှံ့နေပြီး၊ လွတ်လပ်မှုဘောင်လည်း ကျဉ်းလာတယ်လို့ မြန်မာနိုင်ငံဆိုင်ရာ ကုလအထူးကိုယ်စားလှယ် ယန်းဟီလီက ပြောကြားလိုက်ပါတယ်။

“နယ်ပယ်တိုင်းမှာ အမုန်းတရားတွေ ပြန့်နှံ့နေတာ၊ အထူးသဖြင့် အစိုးရ အကြီးတန်း တာဝန်ရှိသူတွေကိုယ်တိုင် အမုန်းစကားပြောနေတာက စိုးရိမ်စရာပါ” လို့  မနေ့ကထုတ်ပြန်တဲ့ ကြေငြာချက်မှာ လီက ပြောကြားခဲ့ပါတယ်။

နိုဝင်ဘာလက မြိုင်ကြီးငူဆရာတော်ရဲ့ အန္တိမဈာပန အခမ်းအနားမှာ သာသနာရေးနဲ့ ယဉ်ကျေးမှုဝန်ကြီး သူရဦးအောင်ကိုက ‘အစွန်းရောက်ဘာသာကြီးတစ်ခု’ လို့ သုံးနှုန်းမှုကို ယန်ဟီးလီက ရည်ညွှန်းခဲ့တာ ဖြစ်ပါတယ်။

အစိုးရ မူလတန်းကျေင်း သင်ရိုးတွေမှာ ခွဲခြားဆက်ဆံတဲ့၊ သွေးထိုးလှုံ့ဆော်ပေးတဲ့ သင်ခန်းစာတွေ ပါဝင်မှုကိုလည်း လီက ထောက်ပြ ဝေဖန်ခဲ့ပါတယ်။

“ဥပမာအားဖြင့် စတုတ္ထတန်းမှာ ‘၀ံသာနုစိတ်ဓာတ်’ ဆိုတဲ့ သင်ခန်းစာပါတယ်။ အမျိုးသားရေး စိတ်ဓာတ်ကို ဆိုလိုတာပါ။ သင်ခန်းစာမှာ ‘သွေးနှောတာကို ငါတို့မုန်း လူမျိုးအညွန့်တုံး’ ဆိုတာကို ထည့်ထားတယ်။ ကလေးတွေကို ဒီလိုသင်ပေးတာဟာ လူမျိုးကြီးဝါဒနဲ့ လူ့အဖွဲ့အစည်းအတွင်း သဟဇာတပြိုကွဲအောင် လှုံ့ဆော်ပေးနေတာမျိုးပါ”

စစ်တပ်နဲ့ ဆက်နွယ်နေတဲ့အဖွဲ့တွေ၊ အစိုးရအဖွဲ့ဝင်တွေဟာ Facebook ကနေတစ်ဆင့် အမုန်းစကားတွေ၊ သတင်းအချက်အလက်အမှားတွေကို ဖြန့်ဖြူးနေတယ်လို့ ယန်ဟီးလီက ထည့်သွင်းပြောကြားခဲ့ပြီး မြန်မာနိုင်ငံက လူ့အခွင့်အရေးကို ပိုမိုကာကွယ်ပေးဖို့လည်း Facebook ကို တိုက်တွန်းခဲ့ပါတယ်။

ယန်ဟီးလီကို မြန်မာနိုင်ငံက ပြည်ဝင်ခွင့်မပေးတော့ဘဲ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်တဲ့ အစိုးရကလည်း လီရဲ့ လာရောက်မှုဟာ အပြုသဘောမဆောင်ကြောင်း၊ သူမ အရင်က ထုတ်ပြန်ခဲ့တဲ့ အစီရင်ခံစာတွေဟာ “ကျိုးကြောင်းမညီညွတ်ဘဲ ဘက်လိုက်မှု ရှိနေကြောင်း” ပြီးခဲ့တဲ့ဒီဇင်ဘာလက ပြောကြားခဲ့ပါတယ်။

ယန်ဟီးလီက မြန်မာနိုင်ငံမှာ လူ့အခွင့်အရေး ပိုမိုတိုးတက်ဖို့အတွက် နိုင်ငံတကာအသိုင်းအ၀ိုင်းက ကူညီဖို့ မနေ့က အစီရင်ခံစာမှာ တိုက်တွန်းခဲ့ပါတယ်။

“မြန်မာနိုင်ငံက ပြည်သူတွေဟာ ညှင်းပမ်းမှုတွေ၊ နိုင်ငံတကာက လစ်လှူရှုမှုတွေ ဒါမှမဟုတ် အရေးယူမှု နှောင့်နှေး ကြန့်ကြာတာတွေကို ဆယ်စုနှစ်ချီ ကြံ့ကြံ့ခံခဲ့ရပါတယ်”

မနေ့က ထုတ်ပြန်တဲ့ ယန်ဟီးလီရဲ့ အစီရင်ခံစာကို မတ်လ ၁၁ ရက်နေ့ ကုလ လူ့အခွင့်အရေးဆိုင်ရာ ကောင်စီမှာ တင်ပြမှာဖြစ်ပြီး မြန်မာအစိုးရကတော့ ဒီအစီရင်ခံစာအတွက် မှတ်ချက်ပေးတာမျိုး မရှိသေးပါဘူး။

ဘေးကင်းဇုန်က ဘေးမကင်းနိုင်

မြန်မာနိုင်ငံကနေ ထွက်ပြေးသွားရတဲ့ ရိုဟင်ဂျာ ၇ သိန်းကျော် နေရပ်ပြန်နိုင်ရေး ရခိုင်ပြည်နယ်မှာ ‘ဘေးကင်းဇုန်’ တစ်ခု ဖန်တီးပေးဖို့အတွက် ဘင်္ဂလားဒေ့ရ်ှနိုင်ငံက အဆိုပြုထားပြီး ယန်ဟီးလီကတော့ ရိုဟင်ဂျာတွေ ‘သူတို့ သဘောဆန္ဒအလျောက်၊ ဂုဏ်သိက္ခာရှိရှိ၊ အန္တရာယ်ကင်းကင်း ပြန်နိုင်ဖို့ အခြေအနေမျိုး’ မရှိဘူးလို့ ဆိုပါတယ်။

‘ဘေးကင်းဇုန်’ ဟာ ရိုဟင်ဂျာတွေရဲ့ လွတ်လပ်စွာ သွားလာလှုပ်ရှားမှုကို ပိုမိုကျဉ်းမြောင်းစေမှာဖြစ်သလို၊ အခြားလူ့အဖွဲ့အစည်းတွေနဲ့ သီးခြားခွဲထားရာ ရောက်ကာ ရိုဟင်ဂျာတွေ ပိုမိုထိခိုက်ခံစားရလိမ့်မယ်လို့လည်း သူမက ထောက်ပြခဲ့ပါတယ်။

မြန်မာနိုင်ငံ မြောက်ပိုင်းနဲ့ အရှေ့ပိုင်းမှာ စစ်တပ်နဲ့ တိုင်းရင်းသားလက်နက်ကိုင်တွေအကြား ဆက်လက်ဖြစ်ပွားနေတဲ့ တိုက်ခိုက်မှုတွေအတွက် စိုးရိမ်တယ်လို့လည်း ယန်းဟီးလီရဲ့ အစီရင်ခံစာမှာ ဖော်ပြခဲ့ပါတယ်။

ဒီမိုကရေစီဘောင်ကျဉ်း

မြန်မာနိုင်ငံမှာ နိုင်ငံရေးလှုပ်ရှားဆောင်ရွက်မှုကြောင့် ဖမ်းဆီး အကျဉ်းကျခံရသူတွေ ပိုမိုများပြားလာတယ်လို့လည်း ယန်းဟီးလီက ထောက်ပြခဲ့ပါတယ်။

နိုင်ငံရေးဆောင်ရွက်မှုကြောင့် ၃၃ ဦး ထောင်ချခံထားရကာ၊ ၃၁၁ ဦးက တရားရင်ဆိုင်နေရပြီး ဒီလိုအခြေအနေမျိုးဟာ ‘ဒီမိုကရေစီ လူ့အဖွဲ့အစည်းတစ်ခုမှာ လုံးဝ လက်သင့်မခံနိုင်စရာ ကိစ္စ’ ဖြစ်တယ်လို့လည်း သူမက ဝေဖန်ခဲ့ပါတယ်။

“အစိုးရကို ဝေဖန်ထောက်ပြတဲ့ ပြောဆိုမှုဘောင်ကို ကျဉ်းလိုက်တာဟာ အာဏာအလွဲသုံးစားမှုကို မထိန်းကျောင်းနိုင်တာမျိုး၊ မြန်မာနိုင်ငံရဲ့ ဒီမိုကရေစီ အသွင်ကူးပြောင်းမှုကို ထိခိုက်တာမျိုး ဖြစ်လာနိုင်ပါတယ်”

ပိတ်ဆို့မှုများကို ထောက်ခံ

မြန်မာနိုင်ငံရဲ့ ကျောက်စိမ်းတူးဖော်မှုလုပ်ငန်းမှာ စစ်တပ်က ကြိုးကိုင်ထားတဲ့ လုပ်ငန်းစုတွေဖြစ်တဲ့ ‘ပြည်ထောင်စု မြန်မာနိုင်ငံ စီးပွားရေးဦးပိုင်လီမိတက်’၊ ‘မြန်မာ့ စီးပွားရေးကော်ပိုရေးရှင်း’ တို့အပေါ် ပိတ်ဆို့မှုတွေ ထပ်မံလုပ်ဆောင်ရေး စဉ်စားသင့်တယ်လို့ လီက အကြံပြုခဲ့ပါတယ်။

၂၀၁၁ ခုနှစ်ကနေစပြီး နိုင်ငံတကာ ရင်းနှီးမြှုပ်နှံမှုတွေ ပိုမိုရရှိလာတဲ့ အဲဒီလုပ်ငန်းစုနှစ်ခုဟာ စစ်တပ်ကို ‘စာရင်းပျောက်ငွေ’ ထောက်ပံ့နေကြောင်း၊ သဘာဝသယံဇာတ ကုန်ခန်းအောင် လုပ်ဆောင်နေကြောင်း ယန်ဟီးလီက ထည့်သွင်း ပြောဆိုခဲ့ပါတယ်။ မြန်မာနိုင်ငံက သဘာဝသယံဇာတလုပ်ငန်းဟာ လူ့အခွင့်အရေးချိုးဖောက်မှုတွေ ကျယ်ကျယ်ပြန့်ပြန့် ရှိနေတယ်လို့လည်း သတင်းတွေ ထွက်ဖူးပါတယ်။

“သယံဇာတ တူးဖော်မှုကရတဲ့ အကျိုး၊ အမြတ် စာရင်းအင်းမရှိမှု၊ စစ်တပ်ပိုင် လုပ်ငန်းတွေ၊ စစ်တပ်နဲ့ ဆက်နွယ်နေတဲ့ လုပ်ငန်းတွေက စီးပွားရေးအကျိုးစီးပွားတွေဟာ မြန်မာနိုင်ငံက လူ့အခွင့်အရေး အခြေအနေအတွက် စိုးရိမ်စရာ ဖြစ်ပါတယ်။ ဒီမိုကရေစီကို ဟန့်တားနေပြီး၊ ကြီးမားတဲ့ရာဇ၀တ်မှုကို အထိန်းအကွပ်မရှိ ကျူးလွန်နေတဲ့ အဖွဲ့အစည်းတစ်ခုအပေါ် ဒီလုပ်ငန်းတွေက သြဇာလွှမ်းမိုးနေပါတယ်” လို့ ယန်းဟီးလီက ပြောကြားခဲ့ပါတယ်။

Ref: Aljazeera