ကလေးများအပေါ် လိင်စော်ကားမှုဖြင့် ဗာတီကန်မှ ထိပ်တန်း ခရစ်ယာန်ဘုန်းကြီး ထောင် ၆ နှစ်ကျ 

မတ် ၁၃၊ ၂၀၁၉
M-Media

သြစတေးလျ ကာဒီနယ် ဂျော့ဂ်ျ ပဲလ်

– တစ်ချိန်က ဗာတီကန်ရဲ့ ဘဏ္ဍာရေးအကြီးအကဲနဲ့ ပုပ်ရဟန်းမင်းကြီးရဲ့ အကြံပေး ဖြစ်ခဲ့တဲ့ သြစတေးလျ ကာဒီနယ် ဂျော့ဂ်ျ ပဲလ်ဟာ ကက်သလစ်ဘုရားကျောင်းမှာ ကျူးလွန်ခဲ့တဲ့ ကလေးငယ်အပေါ် လိင်ပိုင်းဆိုင်ရာ စော်ကားမှုအတွက် ဒီကနေ့မှာ ထောင်ဒဏ် ၆ နှစ် ချမှတ်ခံလိုက်ရပါတယ်။

အသက် ၇၇ နှစ်အရွယ်ရှိတဲ့ ပဲလ်ဟာ ပြီးခဲ့တဲ့နှစ် ဒီဇင်ဘာလက တရားစွဲခံရတာဖြစ်ပြီး ၁၉၉၆ ခုနှစ်က မဲလ်ဘုန်းမြို့ ခရစ်ယာန်ကက်သလစ်ဘုရားကျောင်း St Patrick မှာ အရွယ်မရောက်သေးတဲ့ ယောက်ျားလေး ၂ ဦးကို လိင်ပိုင်းဆိုင်ရာ စော်ကားမှု စွဲချက် ၅ ခုအတွက် အပြစ်ရှိကြောင်း တွေ့ခဲ့ရတယ်လို့ ဂျူရီအဖွဲ့က
ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဂျူရီအဖွဲ့အကြီးအကဲ တရားသူကြီး ပီတာကစ်က ပဲလ်ရဲ့လုပ်ရပ်ဟာ ကျူးလွန်ခံရတဲ့ ယောက်ျားလေးနှစ်ဦးရဲ့ ဘ၀အပေါ် သိသိသာသာ ရိုက်ခတ်မှုရှိခဲ့တယ်လို့ ပြောကြားခဲ့ပါတယ်။ အဲဒီအထဲက တစ်ဦးဟာ မူးယစ်ဆေးစွဲပြီး သေဆုံးသွားတာ ဖြစ်ပါတယ်။

ပဲလ်ဟာ ထောင်ဒဏ် အမြင့်ဆုံး နှစ် ၅၀ အထိ ချမှတ်နိုင်တဲ့ စွဲချက်တွေနဲ့ တရားစွဲဆိုခံခဲ့ရတာပါ။

ခရစ်ယာန်ကက်သလစ် သာသနာပိုင်အဖွဲ့ရဲ့ တတိယအမြင့်ဆုံးတာဝန်ကို ထမ်းဆောင်ခဲ့သူ ပဲလ်ဟာ ကက်သလစ်ဘုန်းကြီးတွေ လိင်ပိုင်းဆိုင်ရာ စော်ကားတဲ့ပြဿနာမှာ အရေးယူခံရတဲ့ ရာထူးအမြင့်ဆုံးပုဂ္ဂိုလ်လည်း ဖြစ်ပါတယ်။ ပဲလ်ဟာ ကလေးငယ်တွေအပေါ် လိင်ပိုင်းဆိုင်ရာ ကျူးလွန်ခဲ့တယ်ဆိုတဲ့သတင်းတွေ ထွက်ပေါ်လာပြီးတဲ့နောက် ပြီးခဲ့တဲ့သြဂုတ်လမှာ ပုပ်ရဟန်းမင်းကြီး ဖရန်စစ်က သူ့ကို ဗာတီကန် ဘဏ္ဍာစိုးရာထူးကနေ ထုတ်ပယ်ခဲ့ပါတယ်။

ပဲလ်ဟာ ခရစ်ယာန်ကက်သလစ် သာသနာရဲ့ အဓိကရပ်တည်ချက်တွေဖြစ်တဲ့ လိင်တူလက်ထပ်မှု ဆန့်ကျင်ရေး၊ အမျိုးသမီးများ ရဟန်းဘ၀ခံယူမှု ဆန့်ကျင်ရေးတွေကို တက်တက်ကြွကြွ လုပ်ဆောင်ခဲ့သူလည်း ဖြစ်ပါတယ်။

ကျူးလွန်ခံရသူများ ဖွင့်ဟ

“ကမ္ဘာတစ်ဝှမ်းမှာ ကလေးငယ်တွေအပေါ် ကျူးလွန်မှု စွဲချက်တွေနဲ့ တရားစွဲခံထားရတဲ့ ခရစ်ယာန်ဘုန်းကြီးပေါင်း ၇ ထောင်လောက် ရှိပါတယ်။ ဒီပြဿနာရဲ့ နောက်ဆက်တွဲအကျိုးတွေကို ဒီလူတွေ ခံစားဖို့အချိန် ကျပြီလို့ ကျွန်တော်ထင်ပါတယ်” လို့ တစ်ချိန်က ဒီလိုကိစ္စမျိုး ကျူးလွန်ခံခဲ့ရသူ ဂျွန်လောရင့်စ်က ပြောကြားခဲ့ပါတယ်။ သူဟာ ပဲလ်ကို အမိန့်ချမယ့် တရားရုံးမှာ လာရောက် ဆန္ဒပြသူတွေထဲက တစ်ဦးလည်း ဖြစ်ပါတယ်။

ကက်သလစ်ဘုန်းကြီးတွေရဲ့ လိင်ပိုင်းဆိုင်ရာ စော်ကားမှုကို ခံရသူတွေအများစုနဲ့ ဖွဲ့စည်းထားတဲ့ Care Leavers Australiasia Network အဖွဲ့က ပဲလ်ရဲ့ပြစ်ဒဏ်ဟာ မလုံလောက်ပေမယ့်၊ သူ အကျဉ်းထောင်ကိုသွားရမှာကို ပျော်ရွှင်မိတယ်လို့ ပြောကြားခဲ့ပါတယ်။

ခရစ်ယာန်ကက်သလစ်သာသနာအတွင်း ဘုန်းကြီးတွေ လိင်ပိုင်းဆိုင်ရာ စော်ကားခဲ့မှုနဲ့ပတ်သက်လို့ သြစတေးလျအစိုးရက ကော်မရှင်ဖွဲ့ စုံစမ်းစစ်ဆေးခဲ့ပါတယ်။ အဲဒီလို စစ်ဆေးရာမှာ ၁၉၅၀ ခုနှစ်ကနေ ၂၀၁၁ ခုနှစ်အတွင်း သြစတေးလျက ကက်သလစ်ဘုန်းကြီးတွေရဲ့ ၇ ရာခိုင်နှုန်းလောက်ဟာ ကလေးငယ်တွေအပေါ် လိင်ပိုင်းဆိုင်ရာ ကျူးလွန်မှုပေါင်းမြောက်များစွာ လုပ်ဆောင်ခဲ့တယ်ဆိုတာကို တွေ့ခဲ့ရပြီး မိန်းကလေးတွေဆိုရင် အသက် ၁၁ နှစ်၊ ယောက်ျားလေးတွေဆိုရင် အသက် ၁၂ လောက်အထိ ငယ်ရွယ်သူတွေပါ ကျူးလွန်ခံရသူတွေထဲမှာ ပါဝင်ခဲ့ပါတယ်။

ဒီကိစ္စနဲ့ပတ်သက်လို့ ကမ္ဘာတစ်ဝှမ်းက ကက်သလစ် ကာဒီနယ်တွေကို ဖိတ်ခေါ်ကာ ဖေဖော်ဝါရီလက ဗာတီကန်မှာ အစည်းအဝေးတစ်ခု ကျင်းပခဲ့ပြီး ဘုန်းကြီးတွေက ကလေးငယ်တွေအပေါ် လိင်ပိုင်းဆိုင်ရာ ကျူးလွန်မှုတွေကို အမြစ်ပြတ် ဖြေရှင်းသွားမယ်လို့ ပုပ်ရဟန်းမင်းကြီးက ကတိပေးခဲ့ပါတယ်။

Ref: Aljazeera