Boeing 737 Max 8 လေယာဉ် ပျံသန်းမှုပိတ်သည့် နိုင်ငံပေါင်း ၄၀ ကျော်လာ

မတ် ၁၃၊ ၂၀၁၉
M-Media

Boeing 737 Max 8 လောယာဉ်

– တနင်္ဂနွေနေ့က အီသီယိုးပီးယားနိုင်ငံမှာ ပျက်ကျခဲ့တဲ့ Boeing 737 Max 8 အမျိုးအစားလေယာဉ်ကို ပိတ်ပင်တဲ့နိုင်ငံဟာ လက်ရှိအချိန်မှာ ၄၀ ကျော်လာခဲ့ပြီ ဖြစ်ပါတယ်။

Ethiopian လေကြောင်းလိုင်းက အဲဒီလေယာဉ်ဟာ ကင်ညာကနေ အီသီယိုးပီးယားကိုအသွား ပျံတက်ပြီး ၆ မိနစ်အကြာမှာ ပျက်ကျသွားခဲပြီး လေယာဉ်ပေါ်လိုက်ပါသွားသူ ၁၅၇ ဦးစလုံး သေဆုံးသွားခဲ့ပါတယ်။ ဒါဟာ ၅ လအတွင်း Boeing 737 Max အမျိုးအစားလေယာဉ် ဒုတိယမြောက် ပျက်ကျမှုဖြစ်ပြီး ပြီးခဲ့တဲ့နှစ် အောက်တိုဘာလတုန်းက အင်ဒိုနီးရှားလေကြောင်းလိုင်း Lion Air က အမျိုးအစားတူ လေယာဉ်တစ်စင်း ပျက်ကျခဲ့ဖူးပါတယ်။

အီသီယိုးပီးယားကလေယာဉ် ပျက်ကျပြီးတဲ့နောက် Boeing 737 Max လေယာဉ်ရဲ့ ဘေးအန္တရာယ်ကင်းရှင်းမှုတွေအပေါ် သံသယတွေ မြင့်တက်လာတာကြောင့် ကမ္ဘာ့နိုင်ငံတွေက ဒီလေယာဉ် အသုံးပြုမှုကို ရပ်ဆိုင်းတာတွေ ပြုလုပ်လာပါတယ်။

ဥရောပသမဂ္ဂက သူတို့အနေနဲ့ Boeing 737 Max လေယာဉ်ပျံသန်းမှုကို ရပ်ဆိုင်းထားမယ်လို့ မနေ့က ကြေငြာချက် ထုတ်ပြန်ခဲ့ပါတယ်။ ဒီကြေငြာချက်ထွက်မလာခင်ကတည်းက သြစတြီးယား၊ ပြင်သစ်၊ အီတလီ၊ ဂျာမနီ၊ အိုက်စလက်၊ အိုင်ယာလန်၊ ယူကေ၊ နယ်သာလန်တို့လို အဖွဲ့ဝင်နိုင်ငံတွေ၊ သြစတေးလျ၊ မလေးရှား၊ စင်ကာပူ၊ အိုမန်၊ တူရကီနိုင်ငံတို့က သူတို့နိုင်ငံ အခြေစိုက် လေကြောင်းလိုင်းတွေမှာ ဒီလေယာဉ် မပျံသန်းဖို့ အမိန့်ထုတ်ခဲ့ပါတယ်။

တစ်ချို့နိုင်ငံတွေက Max 8 အမျိုးအစားကိုသာ ပျံသန်းခွင့်ပိတ်ပေမယ့်၊ နိုင်ငံတစ်ချို့က 737 Max မော်ဒယ်အောက်က အမျိုးအစား အားလုံးကို ပျံသန်းခွင့် ပိတ်ထားပါတယ်။

Boeing 737 Max လေယာဉ်ပျံသန်းမှု ရပ်ဆိုင်းတဲ့ နိုင်ငံတွေထဲမှာ တရုတ်က အစောဆုံးဖြစ်ပြီး အီသီယိုးပီးယားအဖြစ်အပျက် ဖြစ်ပွားပြီး နောက်တစ်ရက်အကြာမှာပဲ ပိတ်ပင်ခဲ့တာ ဖြစ်ပါတယ်။ Boeing 737 Max 8 လေယာဉ်တွေကို အများဆုံးအသုံးပြုတဲ့နိုင်ငံတွေထဲမှာ တရုတ်လည်းပါဝင်ပြီး ၉၇ စင်း ရှိနေပါတယ်။

နိုင်ငံကြီးတွေထဲမှာ ကနေဒါနဲ့ အမေရိကန်တို့ကသာ Boeing 737 Max လေယာဉ်တွေကို ဆက်လက်အသုံးပြုနေတာ ဖြစ်ပါတယ်။

အီသီယိုးပီးယားနဲ့ အင်ဒိုနီးရှားက Boeing 737 Max 8 လေယာဉ် ပျက်ကျမှုတွေဟာ ဆက်စပ်နေတယ်ဆိုတဲ့ အထောက်အထားမျိုး မရှိပေမယ့် လေယာဉ်အမျိုးအစားတူညီမှု၊ ပျံတက်ပြီး သိပ်မကြာခင်မှာ ပျက်ကျမှု စတဲ့ တူညီနေတဲ့ အချက်တွေကြောင့် စိုးရိမ်မှုတွေ ရှိလာခဲ့ပြီး ကြိုတင်ကာကွယ်တဲ့အနေနဲ့ အခုလို ပျံသန်းခွင့် ယာယီရပ်ဆိုင်းရတာ ဖြစ်ပါတယ်။

အမေရိကန်အာဏာပိုင်တွေကတော့ Boeing 737 Max 8 လေယာဉ်တွေကို ပြန်လည်စစ်ဆေးဖို့ ဘိုးအင်းကုမ္ပဏီကို အမိန့်ပေးထားပါတယ်။

လက်ရှိ Boeing 737 Max 8 လေယာဉ်ကို ပျံသန်းမှု ပိတ်ပင်ထားတဲ့ နိုင်ငံတွေထဲက တစ်ချို့ကတော့ သြစတေးလျ၊ သြစတြီးယား၊ ဘယ်လ်ဂျီယံ၊ ဘရာဇီးလ်၊ တရုတ်၊ ပြင်သစ်၊ ဂျာမနီ၊ အီဂျစ်၊ ဥရောပသမဂ္ဂ၊ အိုက်စလန်၊ အိုင်ယာလန်၊ အီတလီ၊ အိန္ဒိယ၊ အင်ဒိုနီးရှား၊ မလေးရှား၊ နယူးဇီလန်၊ နယ်သာလန်၊ အိုမန်၊ ပိုလန်၊ စင်ကာပူ၊ တူရကီ၊ ယူအေအီးနဲ့ ယူကေတို့ ဖြစ်ပါတယ်။

Ref: CNN