IS အကြမ်းဖက်အဖွဲ့အပေါ် အောင်ပွဲရရန် သိပ်မကြာတော့ဟု SDF အဖွဲ့ ပြော

မတ် ၁၉၊ ၂၀၁၉
M-Media

SDF တပ်ဖွဲ့ဝင်များ

– IS အကြမ်းဖက်အဖွဲ့ရဲ့ ဆီးရီးယားနိုင်ငံက နောက်ဆုံးခြေကုပ်ဒေသ အစိတ်အပိုင်း တော်တော်များများကို သိမ်းယူထားနိုင်ပြီး မကြာခင်မှာ အပြီးသတ်ရှင်းလင်းနိုင်တော့မယ်လို့ စစ်ဆင်ရေးဆောင်ရွက်နေတဲ့ ဆီးရီးယား ဒီမိုကရက်တစ်တပ်ဖွဲ့ SDF က ပြောကြားလိုက်ပါတယ်။

ကာ့ဒ်တပ်ဖွဲ့ YPG ဦးဆောင်ပြီး အမေရိကန်က ကျောထောက်နောက်ခံပြုထားတဲ့ SDF အဖွဲ့ဟာ ဆီးရီးယားနိုင်ငံအရှေ့ပိုင်း ဒီအက်ဇိုရ်ပြည်နယ်က IS သိမ်းပိုက်ထားတဲ့ ဘဂ်ဟုဇ်ဒေသကို ပြီးခဲ့တဲ့နှစ် နှောင်းပိုင်းကတည်းက ပိတ်ဆို့ထားတာ ဖြစ်ပါတယ်။ အရပ်သားတွေကို ကယ်ထုတ်မှု၊ IS အဖွဲ့ရဲ့ ခုခံတိုက်ခိုက်မှုတွေကြောင့် နောက်ဆုံးအဆင့် စစ်ဆင်ရေးကို ဖေဖော်ဝါရီလမှ စတင်နိုင်ခဲ့ပါတယ်။

လက်ရှိအချိန်မှာ ဘဂ်ဟုဇ်ဒေသရဲ့ အစိတ်အပိုင်း တော်တော်များများကို သိမ်းပိုက်ထားနိုင်တယ်လို့ SDF က ပြန်ကြားရေးတာဝန်ခံ မူစတာဖာ ဘာလီက ပြောပါတယ်။

“အောင်ပွဲမရသေးပေမယ့် IS ကိုတိုက်ခိုက်မှုမှာ သိသိသာသာ တိုးတက်မှုတွေ ရှိတယ်ဆိုတာ ပြောကြားလိုပါတယ်” လို့ ဘာလီက Twitter စာမျက်နှာမှာ ရေးသားခဲ့ပါတယ်။

အကြမ်းဖက်သမားတွေအားလုံး ရှင်းလင်းနိုင်ဖို့ ဘယ်လောက်ကြာမြင့်မလဲလို့ ရိုက်တာသတင်းဌာနက မေးမြန်းရာမှာ ဘာလီက စစ်ဆင်ရေး မကြာခင် ပြီးဆုံးမယ်လို့ ပြောကြားခဲ့ပါတယ်။

“တိုက်ပွဲတွေ အဆုံးမသတ်သေးပါဘူး။ (ယူဖရေးတီး) မြစ်ဘေးမှာ တစ်ချို့တစ်လေ ပုန်းနေတာတွေ ရှိပါတယ်။ အကြမ်းဖက်သမား အချို့က ကလေးတွေကို ဖမ်းထားပြီး လူသားတံတိုင်း လုပ်ထားတယ်။ အပြန်အလှန်တိုက်ခိုက်မှုတွေက ဖြစ်လိုက်၊ ရပ်လိုက်ပါ”

IS အကြမ်းဖက်အဖွဲ့ဟာ ၂၀၁၄ ခုနှစ်မှာ အီရတ်နဲ့ ဆီးရီးယားနိုင်ငံတွေရဲ့ ၃ ပုံတစ်ပုံကို သိမ်းယူနိုင်ခဲ့ပါတယ်။ အီရတ်နိုင်ငံက ၂၀၁၇ ခုနှစ်နှောင်းပိုင်းမှာ IS အဖွဲ့ကို လုံးဝ ရှင်းလင်းနိုင်ခဲ့ပါတယ်။ လက်ရှိ ဆီးရီးယားနိုင်ငံ ဘဂ်ဟုဇ်ဒေသကို SDF အဖွဲ့က ပြန်လည်သိမ်းပိုက်နိုင်ရင် အရှေ့အလယ်ပိုင်းမှာ IS အကြမ်းဖက်အဖွဲ့ လုံးဝ အမြစ်ပြတ်သွားမှာ ဖြစ်ပါတယ်။

Ref: Reuters