ခရိုက်ချက်အကြမ်းဖက်မှု တစ်ပတ်ပြည့် အောက်မေ့ဖွယ်အခမ်းအနား ကျင်းပ

မတ် ၂၂၊ ၂၀၁၉
M-Media

နယူးဇီလန်နိုင်ငံရှိ ဗလီဝတ်ကျောင်းတော်တစ်လုံးရှေ့တွင် လွမ်းသူ့ပန်းစည်းများ တွေ့ရစဉ်

– ခရိုက်ချက်က ဗလီဝတ်ကျောင်းတော်နှစ်လုံး အကြမ်းဖက်တိုက်ခိုက်ခံရမှု တစ်ပတ်တိတိ ပြည့်မြောက်တဲ့ ဒီနေ့မှာတော့ အခင်းဖြစ်ပွားရာ အလ်-နူရီ ဗလီဝတ်ကျောင်းတော်ရဲ့ရှေ့ ပန်းခြံမှာ သောကြာနေ့ဝတ်ပြုမှုနဲ့အတူ အောက်မေ့ဖွယ် အခမ်အနားတစ်ခု ပြုလုပ်ခဲ့ပြီး လူသောင်းချီ တက်ရောက်ခဲ့ပါတယ်။

ပြီးခဲ့တဲ့တစ်ပတ် သောကြာနေ့က ခရိုက်ချက်မြို့လယ်ကောင် အလ်-နူရီဗလီဝတ်ကျောင်းတော်နဲ့ မြို့ပြင်က လင်ဝုဒ် ဗလီဝတ်ကျောင်းတော်တို့ကို လူဖြူအစွန်းရောက်တစ်ဦးက သေနတ်နဲ့ ၀င်ရောက် အကြမ်းဖက်ခဲ့တဲ့အတွက် အနည်းဆုံး လူ ၅၀ သေဆုံးကာ ၄၀ ကျော် ဒဏ်ရာရရှိခဲ့ပါတယ်။

သေဆုံးသွားသူတွေထဲက သားအဖနှစ်ဦးရဲ့ ဈာပနအခမ်းအနားကို ဒီကနေ့မနက်ပိုင်းက ပြုလုပ်ခဲ့ပြီး ကျန် ၂၀ ကျော်ရဲ့ ရုပ်အလောင်းတွေကိုတော့ နေ့လည်ပိုင်းမှာ မြေမြှုပ် သဂြီုဟ်ခဲ့ပါတယ်။

ဒီကနေ့ကျင်းပတဲ့ အောက်မေ့ဖွယ်အခမ်းအနားကို နယူးဇီလန်ဝန်ကြီးချုပ် ဂျာစင်ဒါ အာရ်ဒန်နဲ့ အစိုးရအရာရှိတွေ၊ မွတ်စလင်ခေါင်းဆောင်တွေ၊ နိုင်ငံတစ်ဝှမ်းက အစ္စလာမ်ဘာသာဝင်တွေနဲ့ အစ္စလာမ်ဘာသာဝင်မဟုတ်သူ ၂ သောင်းကျော်လောက် တက်ရောက်ခဲ့ပါတယ်။ လုံခြုံရေးတာဝန်ယူတဲ့ ရဲမေတွေအပါအ၀င် အခမ်းအနားကို တက်ရောက်လာတဲ့ အမျိုးသမီး တော်တော်များများဟာ ပုဝါတွေဆောင်းကာ အစ္စလာမ်ဘာသာဝင်တွေနဲ့ တစ်သားတည်းရှိကြောင်း ပြသခဲ့ပါတယ်။

သောကြာနေ့ ၀တ်ပြုဖို့ နှိုးဆော်သံ (အာဇန်) ကို နိုင်ငံပိုင်မီဒီယာတွေက တိုက်ရိုက် ထုတ်လွှင့်ခဲ့ပြီး ၀တ်ပြုဖို့ နှိုးဆော်ပြီးတဲ့နောက် တစ်နိုင်ငံလုံးက ၂ မိနစ်တာ ငြိမ်သက်ကာ အကြမ်းဖက်ခံရသူတွေကို ဂုဏ်ပြုခဲ့ပါတယ်။

ငါတို့ဟာ တစ်သွေးတည်း

တိုက်ခိုက်မှု ဖြစ်ပြီးပြီးချင်းမှာပဲ ဒီလုပ်ရပ်ကို အကြမ်းဖက်လုပ်ရပ်အဖြစ် ကြေငြာခဲ့တဲ့ နယူးဇီလန်ဝန်ကြီးချုပ် ဂျာစင်ဒါ အာရ်ဒန်က ဒီကနေ့ပြလုပ်တဲ့ အောက်မေ့ဖွယ်
အခမ်းအနားမှာ မိမိတို့ဟာ တစ်သွေးတည်းတစ်သားတည်းဖြစ်တယ်လို့ ပြောကြားခဲ့ပါတယ်။

“ယုံကြည်သူတွေဟာ ခန္ဓာကိုယ်တစ်ခုပမာဖြစ်တယ်။ အစိတ်အပိုင်းတစ်ခု ထိခိုက်ရင် ခန္ဓာကိုယ်တစ်ခုလုံးက ဒီနာကျင်မှုကိုခံစားရတယ်လို့ တမန်တော် မုဟမ္မဒ်သခင်က မိန့်ကြားခဲ့တာရှိပါတယ်။ နယူးဇီလန်ဟာ ရှင်တို့အားလုံးနဲ့အတူ နာကျင်ခံစားရပါတယ်။ ကျွန်မတို့အားလုံးဟာ တစ်သွေး တစ်သားတည်းပါ”

ပြိုလဲမည်မဟုတ်

အကြမ်းဖက်မှုကနေ အသက်ရှင်လွတ်မြောက်ခဲ့တဲ့ အလ်-နူရ် ဗလီဝတ်ကျောင်းတော် ရှေ့ဆောင်အီမာမ် ဂမာလ် ဖူဒါက ကမ္ဘာ့ ပြည်သူလူထုရဲ့ မေတ္တာစိတ်တွေကို ချီးကျူးခဲ့ပါတယ်။

“ပြီးခဲ့တဲ့တစ်ပတ် သောကြာနေ့က ဒီဗလီမှာ အမုန်းတရား၊ အကြမ်းဖက်သမားရဲ့မျက်လုံးက အမုန်းမီးတွေကို ကျွန်တော် မြင်တွေ့ခဲ့ရတယ်။ အဲဒီအမုန်းမီးကြောင့် အပြစ်မဲ့ လူ ၅၀ အသက်စွန့်ခဲ့ရပြီး ၄၀ ကျော်ဒဏ်ရာရခဲ့ကာ ကမ္ဘာတစ်ဝှမ်းလုံးက သန်းပေါင်းများစွာသော ပြည်သူတွေရဲ့ နှလုံးသားတွေလည်း ကွဲကြေခဲ့ရပါတယ်။ ဒီကနေ့ ဒီနေရာမှာပဲ ထောင်ပေါင်းများစွာသော နယူးဇီလန်နိုင်ငံသားတွေရဲ့ မျက်လုံးထဲက မေတ္တာ၊ ဂရုဏာတွေကို ကျွန်တော် မြင်နေရပါပြီ။ ကျွန်တော်တို့နဲ့
လူချင်းမနီးပေမယ့်၊ နှလုံးသားချင်းနီးနေကြတဲ့ ကမ္ဘာတစ်ဝှမ်းက သန်းပေါင်းများစွာသော လူသားတွေရဲ့ စိတ်နှလုံးမှာ မေတ္တာစိတ်တွေ ယိုဖိတ်နေတာကိုလည်း ကျွန်တော် မြင်နေရပါတယ်”

အကြမ်းဖက်သမားတွေဟာ သူတို့ရဲ့ အတွေးအခေါ်တွေနဲ့ နယူးဇီလန်ကို သွေးခွဲဖို့ ကြိုးစားခဲ့ပေမယ့် နယူးဇီလန်ဟာ မပြိုကွဲခဲ့ဘဲ ပိုမိုစည်းလုံးညီညွတ်ကာ ဒါကို ကမ္ဘာကြီးက အတုယူရမယ်လို့လည်း ဂမာလ် ဖူဒါက တရားဒေသနာမှာ ထပ်လောင်း ပြောကြားခဲ့ပါတယ်။

“နှလုံးသားတွေ ကွဲကြေခဲ့ရပေမယ့် ကျွန်တော်တို့ ပြိုလဲသွားမှာ မဟုတ်ပါဘူး။ ကျွန်တော်တို့ ဆက်လက်ရှင်သန်နေမယ်။ စည်းလုံးနေမယ်။ ဘယ်သူကမှ ကျွန်တော်တို့ကို သွေးခွဲလို့ မရပါဘူး။ တစ်ယောက်ကိုတစ်ယောက် မေတ္တာထားမယ်။ ဖေးမကူညီ သွားပါမယ်”

နိုင်ငံတစ်ဝှမ်းက ပြည်သူအားလုံးပါဝင်တဲ့ ဒီကနေ့ အောက်မေ့ဖွယ်အခမ်းအနားဟာ လူသားဝါဒပဋိဉာဏ်ကို ကိုင်စွဲထားတယ်ဆိုတာ ပြသတာဖြစ်တယ်လို့ ရှေ့ဆောင်အီမာမ်ကဆိုပြီး နယူးဇီလန်ပြည်သူတွေ၊ အစိုးရ၊ ရဲတပ်ဖွဲ့၊ ပတ်ဝန်းကျင်က ပြည်သူတွေအပါအ၀င် ကူညီဖေးမသူအားလုံးကို ကျေးဇူးတင်တယ်လို့ ပြောကြားခဲ့ပါတယ်။

“လူသားအချင်းအချင်းရဲ့ကျေးဇူးကို မသိတတ်သမျှကာလပတ်လုံး ဘုရားသခင်ရဲ့ ကျေးဇူးတော်ကိုလည်း နားလည် သိတတ်မှာ မဟုတ်ဘူးလို့ ကျွန်တော်တို့ရဲ့ တမန်တော် မုဟမ္မဒ်သခင်က သွန်သင်ထားပါတယ်။ နယူးဇီလန် ပြည်သူအားလုံးကို ကျေးဇူးတင်တယ်။ ခင်းဗျားတို့ရဲ့မျက်ရည်၊ ခင်ဗျားတို့ရဲ့ Haka အက၊ ခင်ဗျားတို့ရဲ့ လွမ်းသူ့ပန်းစည်းတွေ၊ မေတ္တာ၊ ဂရုဏာတွေ အားလုံးအတွက် ကျေးဇူးတင်ပါတယ်။ ၀န်ကြီးချုပ်ကိုလည်း ကျေးဇူးတင်ပါတယ်။ ၀န်ကြီးချုပ်ရဲ့ ဦးဆောင်မှုဟာ ကမ္ဘာ့ခေါင်းဆောင်တွေအတွက် စံနမူနာ ယူစရာပါ။ ကျွန်တော်တို့ရဲ့ မိသားစုတွေကို ဖေးမပေးတဲ့အတွက်၊ ပုဝါဆောင်းပြီး ကျွန်တော်တို့ကို ဂုဏ်ပြုတဲ့အတွက်၊ ဂရုဏာမျက်ရည်တွေ၊ ဂရုဏာစကားတွေအတွက်၊ ကျွန်တော်တို့နဲ့ တစ်သားတည်းရှိတဲ့အတွက် ၀န်ကြီးချုပ်ကို ကျေဇူး အထူးတင်ရှိပါတယ်”

အကြမ်းဖက်တိုက်ခိုက်မှုကို ကျူးလွန်ခဲ့တဲ့ သြစတေးလျနိုင်ငံသား လူဖြူအစွန်းရောက် ဘရန်တန် တားရန့်ကို နယူးဇီလန်က လူသတ်မှုနဲ့ စွဲချက်တင်ထားပါတယ်။ အကြမ်းဖက်မှုဖြစ်ပွားခဲ့ပြီးတဲ့နောက် နယူးဇီလန်အစိုးရဟာ သေနတ်ကိုင်ဆောင်ခွင့် ဥပဒေကို တင်းကြပ်ခဲ့ပြီး ချေမှုန်းရေးရိုင်ဖယ်တွေနဲ့ ဆီးမီးအော်တိုသေနတ်တွေကို ရောင်းချခွင့် ပိတ်ပင်ခဲ့ပါတယ်။

Ref: Reuters, CNN