အစ္စလာမ်ကြောက်ရောဂါ မြင့်တက်မှုအတွက် မိမိကိုယ်ကို ပြန်သုံးသပ်ရန် မွတ်စလင်များကို မဟာသီ တိုက်တွန်း

မတ် ၂၅၊ ၂၀၁၉
M-Media

အင်တာဗျူးတွင် တွေ့ရသည့် မလေးရှားဝန်ကြီးချုပ် မဟာသီယာ မိုဟာမက်

– ကမ္ဘာတစ်ဝှမ်း အစ္စလာမ်ကြောက်ရောဂါ မြင့်တက်လာတာနဲ့ပတ်သက်ပြီး ဝေဖန်သူတွေကို အပြစ်တင်ဖို့ထက် မိမိတို့ရဲ့ လုပ်ရပ်တွေကို ပြန်လည်ဆန်းစစ်သင့်တယ်လို့ မလေးရှားဝန်ကြီးချုပ် မဟာသီယာမိုဟာမက်က အစ္စလာမ်ဘာသာဝင်တွေကို တိုက်တွန်းဆော်သြလိုက်ပါတယ်။

မဟာသီဟာ ပါကစ္စတန်ကို ၃ ရက်ကြာ အလည်အပတ်ရောက်ရှိနေတဲ့အချိန် ပါကစ္စတန်သတင်းဌာန PTV World နဲ့ မနေ့ကအင်တာဗျူးမှာ ဒီလို ဖြေကြားခဲ့တာ ဖြစ်ပါတယ်။

“မွတ်စလင်ဆိုတဲ့အမည်နဲ့ ထိုက်တန်အောင် ကျွန်တော်တို့ နေထိုင်ကြလို့လား။ အစ္စလာမ်အပေါ် အမုန်းလျော့စေချင်ရင် ကျွန်တော်တို့ ဘာအမှားတွေ လုပ်ခဲ့လဲဆိုတာကို ရှာဖွေဖော်ထုတ်ဖို့ လိုပါတယ်။ ဒါပေမယ့် ငါတို့ ဘာမှမမှားဘူးလို့သာ ကျွန်တော်တို့က ပြောချင်ကြတယ်”

မွတ်စလင်တွေအနေနဲ့ မိမိတို့ရဲ့ လုပ်မှားကိုင်မှားတွေကို ရပ်တန့်ဖို့၊ ကောင်းမြတ်တဲ့ ကိုယ်ကျင့်သီလနဲ့ တစ်ပါးသူတွေကို ဆက်ဆံဖို့၊ အကြမ်းမဖက်ရဆိုတဲ့ အစ္စလာမ်သာသနာနဲ့ သွန်သင်ချက်တွေကို လိုက်နာဖို့လည်း မဟာသီက ထည့်သွင်းပြောဆိုခဲ့ပါတယ်။

“အစ္စလာမ်သာသနာဟာ ဘယ်လိုလဲဆိုတာကို အကျိုးသင့်အကြောင်းသင့် ရှင်းပြနိုင်တဲ့လူတွေ လိုအပ်ပါတယ်။ အကြမ်းဖက်မှုကို ခွင့်မပြုဖို့ အစ္စလာမ်က သွန်သင်တယ်။ ဒါပေမယ့် ကျွန်တော်တို့က ဒီသွန်သင်ချက်ကို မလိုက်နာပါဘူး”

အင်တာနက်ကိုအသုံးပြုပြီး အစ္စလာမ့်သတင်းစကားတွေ ပါးဖို့လည်း မဟာသီက တိုက်တွန်းခဲ့ပါတယ်။

“ကိုယ့်အကြောင်းကို ကိုယ်ကပြောနိုင်ရမယ်။ ဒါမှ ကိုယ့်ကိုမနှစ်မြို့တဲ့ နိုင်ငံခြားတိုင်းပြည်တွေက ၀ါဒဖြန့်လို့ မရမှာ”

PTV World နဲ့ အင်တာဗျူးမှာ မဟာသီက ပါကစ္စတန်-မလေးရှား ကာကွယ်ရေးပူးပေါင်းဆောင်ရွက်ဖို့ အရေးကြီးတယ်လို့ ဖြေကြားခဲ့သလို၊ မွတ်စလင်နိုင်ငံတွေဟာ ကာကွယ်ရေးအတွက် အခြားတိုင်းပြည်တွေအပေါ် မီခိုနေရမှုကိုလည်း ထောက်ပြခဲ့ပါတယ်။

“မွတ်စလင်နိုင်ငံတွေဟာ အခြားနိုင်ငံတွေကနေ လက်နက်တွေ ၀ယ်ယူနေရတယ်။ ဒါ့ကြောင့်ပဲ ကိုယ့်နိုင်ငံ ကာကွယ်ရေးအတွက် သူများနိုင်ငံအပေါ် မှီခိုရတာတွေ ဖြစ်လာတာပါ”

Ref: Free Malaysia Today