တိဘက်ဒေသနှင့်ပတ်သက်၍ အမေရိကန်၏ ထုတ်ပြန်ချက်ကို တရုတ် ပယ်ချ

မတ် ၂၆၊ ၂၀၁၉
M-Media

– တိဘက်မှာ ဖိနှိပ်မှုတွေရှိနေပြီး ပြင်ပက ၀င်ရောက်မှုကို ပိတ်ပင်ထားတယ်ဆိုတဲ့ အမေရိကန်ရဲ့ ထုတ်ပြန်ချက်ဟာ တစ်ဖက်သက် စွပ်စွဲချက်သာဖြစ်တယ်လို့ တရုတ်အစိုးရက ဒီကနေ့မှာ ဝေဖန်ခဲ့ပြီး၊ တိဘက်အရေးကို ၀င်စွက်ရင် နှစ်နိုင်ငံဆက်ဆံရေးကို ထိခိုက်လိမ့်မယ်လို့ သတိပေးခဲ့ပါတယ်။

မနေ့က အမေရိကန်ရဲ့ ထုတ်ပြန်ချက်မှာ သံတမန်တွေ၊ ဂျာနယ်လစ်တွေ၊ သာမန်ပြည်သူလူထုတွေကို တရုတ်အစိုးရက ၀င်ရောက်ခွင့် မပေးတာ အပါအ၀င် တိဘက်ဒေသကို သီးခြားဖြစ်အောင် တရုတ်အစိုးရက လုပ်ဆောင်ထားတာတွေကို အသေးစိတ် ဖော်ပြထားပါတယ်။

ပြီးခဲ့တဲ့နှစ်အတွင်း အမေရိကန်သံအမတ် တယ်ရီ ဘရန်စတဒ်အပါအ၀င် အမေရိကန်က တိဘက်ဒေသကို ၀င်ရောက်ဖို့ ၉ ကြိမ် တောင်းဆိုခဲ့ရာမှာ ၅ ကြိမ် ပယ်ချခံခဲ့ရတယ်လို့ အစီရင်ခံစာမှာ ဖော်ပြထားပါတယ်။

ဒီကနေ့ ဘေဂျင်းမှာပြုလုပ်တဲ့ သတင်းစာရှင်းလင်းပွဲမှာ တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဂျန်ရှောင်က အမေရိကန်ရဲ့ ဒီအစီရင်ခံစာဟာ ‘အရှိတရားတွေကို အလေးမထားဘဲ တစ်ဖက်သက် စွပ်စွဲချက်တွေသာ ဖြစ်ကြောင်း၊ မိမိတို့အနေနဲ့ လုံးဝ လက်ခံမှာမဟုတ်ကြောင်း’ ပြောကြားခဲ့ပါတယ်။

“တိဘက်နဲ့သက်ဆိုင်တဲ့ ကိစ္စတွေကို အသုံးချပြီး တရုတ်ရဲ့ ပြည်တွင်းရေးကို ၀င်ရောက်စွက်ဖက်တာကို ရပ်တန့်ဖို့ အမေရိကန်ကို ကျွန်တော်တို့ တိုက်တွန်းပါတယ်။ တရုတ်-အမေရိကန် ဆက်ဆံရေး၊ ပူးပေါင်းဆောင်ရွက်ရေးနဲ့ နှစ်နိုင်ငံ အပြန်အလှန်ဆက်ဆံရေးတွေကို မထိခိုက်စေဖို့ပါ”

တရုတ်အစိုးရဟာ တိဘက်ဒေသမှာ နိုင်ငံရေးနဲ့ ဘာသာရေးဖိနှိပ်မှုတွေ လုပ်ဆောင်နေတယ်လုိ့လည်း အမေရိကန်ရဲ့ အစီရင်ခံစာမှာ ဖော်ပြထားပါတယ်။

တရုတ်ရဲ့ ဖိနှိပ်မှုကို ဆန့်ကျင်ကြောင်း ပြသတဲ့အနေနဲ့ တိဘက်မှာ မိမိကိုယ်ကို မီးရှို့သတ်သေသူအရေအတွက်ဟာ ၂၀၀၉ ခုနှစ်ကနေစလို့ အနည်းဆုံး ၁၅၀ ရှိခဲ့ပြီး အများစုဟာ သေဆုံးခဲ့ကြပါတယ်။

ဒါပေမယ့် တရုတ်ကတော့ တိဘက်ဟာ လွတ်လပ်ခွင့်တွေကို ပိုမိုခံစားနေရပြီး စီးပွားရေးတိုးတက်မှုလည်း ရှိနေကြောင်း တိဘက်ဒေသကို ၀င်ရောက်ခွင့်ကန့်သတ်တာဟာ ပထ၀ီအနေအထားနဲ့ ရာသီဥတုကြောင့်ဖြစ်ပြီး ခရီးသွားတွေနဲ့ စီးပွားရေးလုပ်ငန်းတွေကို ပိုမိုကြိုဆိုကြောင်း ကာကွယ်ပြောဆိုထားပါတယ်။

အမေရိကန်ဟာ ပြီးခဲ့တဲ့နှစ် ဒီဇင်ဘာလက Reciprocal Access to Tibet Act ဥပဒေကို ပြဌာန်းခဲ့ပါတယ်။ ဥပဒေအရ တိဘက်ဒေသကို ၀င်ရောက်ခွင့်ကိစ္စကို စောင့်ကြည့်ကာ ကန့်သတ်ချုပ်ချယ်တဲ့ ပေါ်လစီတွေ ချမှတ်သူ တရုတ်အာဏာပိုင်တွေကို အရေးယူမှာပါ။ တရုတ်ကတော့ ဒီဥပဒေကို ပြင်းပြင်းထန်ထန် ကန့်ကွက်ခဲ့ပါတယ်။

ဂျန်ရှောင်က ဒီဥပဒေဟာ တရုတ်ရဲ့ ပြည်တွင်းရေးကို သိသိသာသာ ၀င်ရောက်စွက်ဖက်တာဖြစ်ပြီး တိဘက်ခွဲထွက်ရေးသမားတွေကို မှားယွင်းတဲ့သတင်းစကား ပေးနေတာဖြစ်တယ်လို့ ဒီကနေ့မှာ ထည့်သွင်းပြောဆိုခဲ့ပါတယ်။

Ref: CNA