လူဖြူအစွန်းရောက် အမျိုးသားရေးဝါဒ ရေးသားပြောဆိုမှုကို Facebook က လုံးဝ ဖယ်ရှားမည်

မတ် ၂၈၊ ၂၀၁၉
M-Media

အစွန်းရောက်အမျိုးသားရေးဝါဒကို ဖယ်ရှားမည်ဟု Facebook Blog တွင် ရေးသားထုတ်ပြန်ထားမှု

– မိမိတို့ပလက်ဖောင်းပေါ်ကနေ လူဖြူအစွန်းရောက် အမျိုးသားရေးဝါဒ၊ ခွဲထွက်ရေးဝါဒကို ချီးကျူးမှု၊ ကိုယ်စားပြုမှုနဲ့ ထောက်ခံအားပေးတဲ့ ရေးသားမှုတွေအားလုံးကို ပယ်ဖျက်သွားမယ်လို့ Facebook က မနေ့မှာ ကြေငြာလိုက်ပြီး နယူးဇီလန်က အကြမ်းဖက်တိုက်ခိုက်မှုကြောင့် ဝေဖန်ခံခဲ့ရတဲ့နောက်ပိုင်း ဒီလိုဆောင်ရွက်ချက် ပေါ်ထွက်လာတာ ဖြစ်ပါတယ်။

Facebook ဟာ American pride ၀ါဒနဲ့ Basque separatism ၀ါဒတို့လို လူမျိုးစုအမှတ်သညာကို ဖော်ထုတ်တဲ့ လူဖြူအမျိုးသားရေးဝါဒ၊ လူမျိုးကိုအခြေခံတဲ့တိုင်းပြည် ထူထောင်ဖို့ ရေးသားဆော်သြမှုတွေကို အရင်က ခွင့်ပြုခဲ့တာ ဖြစ်ပါတယ်။

အရပ်ဖက်အဖွဲ့အစည်းတွေ၊ ပညာရှင်တွေနဲ့ ၃ လတာ ဆွေးနွေးအဖြေရှာမှုနောက်ပိုင်း အမျိုးသားရေးဝါဒဟာ အစွန်းရောက်ဝါဒ၊ အမုန်းဝါဒတွေနဲ့ သိသိသာသာ ကွဲပြားခြားမှု မရှိဘူးဆိုတာ တွေ့ခဲ့ရကြောင်း မနေ့က သူတို့ရဲ့ ဘလော့စာမျက်နှာမှာ Facebook က ရေးသားခဲ့ပါတယ်။

ပလက်ဖောင်းမှာ အကြမ်းဖက်အဖွဲ့တွေ ရှိနေမှု၊ သူတို့ရဲ့ဝါဒဖြန့်မှုတွေကို တားဆီးဟန့်တားရေး ထိထိရောက်ရောက် လုပ်ဆောင်သွားမယ်လို့လည်း Facebook က ကတိပြု ပြောဆိုခဲ့ပါတယ်။ လူဖြူအစွန်းရောက် အမျိုးသားရေးဝါဒနဲ့ ပတ်သက်တဲ့ စာလုံးတွေကို အသုံးပြုသူတွေက ရေးသားတာ၊ ရှာဖွေတာတွေဟာ လက်ယာစွန်းရောက်ဝါဒကို စောင့်ကြည့်နေတဲ့အဖွဲ့ထံ ချက်ခြင်း ရောက်ရှိသွားမယ်လို့လည်း Facebook က ထည့်သွင်း ပြောဆိုခဲ့ပါတယ်။

မတ် ၁၅ ရက်နေ့ နယူးဇီလန်နိုင်ငံ ခရိုက်ချက်မြို့က ဗလီဝတ်ကျောင်းတော်နှစ်လုံးကို လူဖြူအစွန်းရောက်တစ်ဦးက သေနတ်နဲ့ ၀င်ရောက်အကြမ်းဖက်ပစ်ခတ်ခဲ့တဲ့ ဗီဒီယိုကို အချိန်မီ ဖြုတ်မချနိုင်ခဲ့တဲ့အတွက် Facebook ဟာ ပြီးခဲ့တဲ့ သီတင်းပတ်တွေမှာ ဝေဖန်ခံခဲ့ရပါတယ်။

အဲဒီနောက်ပိုင်း ကမ္ဘာ့ခေါင်းဆောင်တွေက အစွန်းရောက်ရေးအဖွဲ့တွေရဲ့ လွှင့်တင်မှုတွေကို တာဝန်ယူမှုရှိရှိ ကိုယ်တွယ်ဆောင်ရွက်သွားဖို့ ဆိုရှယ်မီဒီယာ ကုမ္ပဏီတွေကို တိုက်တွန်းခဲ့ပါတယ်။

လူ ၅၀ သေဆုံးပြီး ၄၀ ကျော် ဒဏ်ရာရရှိခဲ့တဲ့ ခရိုက်ချက်အကြမ်းဖက်မှုကို ကျူးလွန်သူ သြစတေးလျနိုင်ငံသား လူဖြူအစွန်းရောက် ဘရန်တန် တားရန့်ဟာ ဥရောပက လူဖြူအမျိုးသားရေး အစွန်းရောက်အုပ်စုတွေနဲ့ အဆက်အသွယ်ရှိတယ်လို့ ပြီးခဲ့တဲ့ ရက်ပိုင်းအတွင်း ကမ္ဘာ့မီဒီယာတွေက ဖော်ပြခဲ့ပါတယ်။

တားရန့် ပိုက်ဆံလှူခဲ့တဲ့ သြစတြီးယားက လူဖြူအမျိုးသားရေးအဖွဲ့ ခေါင်းဆောင်ရဲ့အိမ်ကို သြစတြီးယား အာဏာပိုင်တွေက အခုတစ်ပတ်အစောပိုင်းမှာ ၀င်ရောက်စီးနင်း ရှာဖွေခဲ့ပါတယ်။

Ref: BBC