နှစ် ၃၀ အတွင်း ပထမဆုံး ဆော်ဒီကောင်စစ်ဝန်ရုံး အီရတ်တွင် ဖွင့်လှစ်

ဧပြီ ၅၊ ၂၀၁၉
M-Media

ကောင်စစ်ဝန်ရုံးဖွင့်ပွဲမြင်ကွင်း

– နှစ်ပေါင်း ၃၀ အတွင်း ပထမဆုံအကြိမ်အဖြစ် ဆော်ဒီအာရေဗျဟာ အီရတ်နိုင်ငံမှာ ကောင်စစ်ဝန်ရုံးတစ်ခုကို ပြန်လည်ဖွင့်လှစ်လိုက်ပြီး ကန်ဒေါ်လာ ၁ ဘီလီယံဖိုး အကူအညီပေးသွားမယ်လို့လည်း ကတိပြုခဲ့ပါတယ်။

ကောင်စစ်ဝန်ရုံးကို ဘဂ္ဂဒတ်မြို့က လုံခြုံရေး အထူးတင်းကြပ်ထားတဲ့ ‘အစိမ်းရောင်ဇုံ’ မှာ မနေ့က ဖွင့်လှစ်ခဲ့ပြီး ဆော်ဒီ ကုန်သွယ်ရေးဝန်ကြီး မာဂျစ် ဘင် အဘ်ဒူလာ အလ်-ကာဆာဘီနဲ့ အီရတ် နိုင်ငံခြားရေးဝန်ကြီး မိုဟာမက် အလ်-ဟာကင်တို့ တက်ရောက်ခဲ့ပါတယ်။

အလ်-ကာဆာဘီက ကောင်စစ်ဝန်ရုံး ပြန်လည်ဖွင့်လှစ်နိုင်ခြင်းဟာ နိုင်ငံဆက်ဆံရေးမှာ ကဏ္ဍသစ်တစ်ရပ် စတင်နိုင်ခဲ့တာဖြစ်တယ်လို့ ပြောကြားခဲ့ပါတယ်။ အီရတ်နိုင်ငံက ဖွံ့ဖြိုးရေး စီမံကိန်းတွေအတွက် ကန်ဒေါ်လာ ၁ ဘီလီယံ ချေးငွေထုတ်ပေးမှာဖြစ်ပြီး ပို့ကုန်တိုးတက်ရေး ကန်ဒေါ်လာ သန်း ၅၀၀ထောက်ပံ့ကာ ဘဂ္ဂဒတ်မြို့ ဆင်ခြေဖုံးမှာ လူတစ်သိန်း ကြည့်ရှုနိုင်တဲ့ အားကစားကွင်းတစ်ခု ဆောက်လုပ်ပေးသွားမယ်လို့ ကာဆာဘီက ထည့်သွင်းပြောဆိုခဲ့ပါတယ်။

အာဏာရှင် ဆက်ဒမ်ဟူစိန်လက်ထက် ၁၉၉၀ မှာ အီရတ်က ကူဝိတ်ကို ကျူးကျော်တိုက်ခိုက်ပြီးတဲ့နောက် ဆော်ဒီနဲ့ အီရတ်တို့ သံတမန်အဆက်အသွယ် ပြတ်တောက်သွားခဲ့တာ ဖြစ်ပါတယ်။ ၂၀၁၅ ခုနှစ်မှာ သံအဆက်အသွယ် ပြန်လည်ထူထောင်ခဲ့ပြီး ၂၀၁၇ ခုနှစ်မှာတော့ အဲဒီတုန်းက ဆော်ဒီနိုင်ငံခြားရေးဝန်ကြီး အဒဲလ် အလ်-ဂျူဘီရ်ဟာ အီရတ်နိုင်ငံကို ပထမဆုံး လာရောက်လည်ပတ်ခဲ့ပါတယ်။

ကာဆာဘီက အီရတ်မြို့ကြီးတွေမှာ နောက်ထပ် ကောင်စစ်ဝန်ရုံး ၃ ခု ဖွင့်လှစ်ဖို့ အစီအစဉ်ရှိတယ်လို့ ပြောကြားခဲ့ပါတယ်။

အီရတ်ကိုရောက်နေတဲ့ ဆော်ဒီကိုယ်စားလှယ်အဖွဲ့ဟာ အီရတ်သမ္မတ အဒဲလ် အဘ်ဒူလ် မဟ်ဒီ၊ အစိုးရအကြီးတန်းတာဝန်ရှိသူတွေ၊ အီရတ်စီးပွားရေး လုပ်ငန်းရှင်တွေနဲ့ တွေ့ဆုံခဲ့ပါတယ်။ အီရတ်နိုင်ငံခြားရေး ၀န်ကြီးဌာန ပြောရေးဆိုခွင့်ရှိသူ အဟ်မဒ် ရှာဟ်ဖ်က အခုလို ဆော်ဒီကောင်စစ်ဝန်ရုံး ဖွင့်လှစ်လိုက်တဲ့အတွက် ဘုရားဖူးခရီးသွားတွေနဲ့ ရင်းနှီးမြှုပ်နှံသူတွေအတွက် အဆင်ပြေမှာဖြစ်ကြောင်း၊ နှစ်နိုင်ငံ နယ်စပ်ကိုလည်း ကုန်သွယ်ရေးအတွက် ပြန်လည်ဖွင့်လှစ်ဖို့ လုပ်ဆောင်နေကြောင်း ပြောကြားခဲ့ပါတယ်။

Ref: Aljazeera