ပါကစ္စတန်တိုက်လေယာဉ်ကို ပစ်ချခဲ့သည်ဟု အိန္ဒိယ၏ပြောဆိုမှု မဟုတ်မှန်ကြောင်း အမေရိကန်ပြော

ဧပြီ ၆၊ ၂၀၁၉
M-Media

ပါကစ္စတန်က ပစ်ချခဲ့သည့် အိန္ဒိယ တိုက်လေယာဉ် အစိတ်အပိုင်း

– ဖေဖော်ဝါရီလအတွင်းက ကက်ရ်ှမီးယားဒေသ တင်းမာမှုမှာ ပါကစ္စတန်ရဲ့ F-16 တိုက်လေယာဉ်ကို ပစ်ချခဲ့တယ်ဆိုတဲ့ အိန္ဒိယရဲ့ ပြောဆိုချက်ဟာ မမှန်ကန်ဘူးလို့ အမည်မဖော်လိုတဲ့ အမေရိကန်အစိုးရ တာဝန်ရှိသူတွေကို ကိုးကားပြီး Foreign Policy မဂ္ဂဇင်းက ဖော်ပြပါတယ်။

အိန္ဒိယက ထိန်းချုပ်ထားတဲ့ ကက်ရ်ှမီးယားဒေသမှာ ပါကစ္စတန်အခြေစိုက် သူပုန်အဖွဲ့က ကားဗုံးခွဲရာကနေ အိန္ဒိယ-ပါကစ္စတန် နှစ်နိုင်ငံတင်းမာမှု မြင့်တက်လာခဲ့တာ ဖြစ်ပါတယ်။ ပြည်သူ့စစ် ၄၀ ကျော်သေဆုံးခဲ့တဲ့ အဲဒီဗုံးခွဲမှုမှာ ပါကစ္စတန်ပါဝင်တယ်လို့ အိန္ဒိယက စွပ်စွဲကာ ပါကစ္စတန်ထိန်းချုပ်ထားတဲ့ ကက်ရ်ှမီးယားဖက်ခြမ်းကို တိုက်လေယာဉ်တွေနဲ့ ဗုံးသွားကြဲခဲ့တာပါ။

အဲဒီနောက် အပြန်အလှန်ပစ်ခတ်မှုတွေ ဖြစ်ပွားကာ ပါကစ္စတန်က အိန္ဒိယရဲ့ MiG-21 တိုက်လေယာဉ်နှစ်စီးကို ပစ်ချနိုင်ခဲ့တယ်လို့ ထုတ်ပြန်ပါတယ်။ အိန္ဒိယကတော့ သူတို့ရဲ့ လေယာဉ်တစ်စီးသာ ဆုံးရှုံးခဲ့ပြီး ပါကစ္စတန်က အမေရိကန်လုပ် F16 တိုက်လေယာဉ်တစ်စီးကို ပစ်ချခဲ့တယ်လို့ ပြောပါတယ်။ ပါကစ္စတန်ကတော့ သူတို့ဖက်က လေယာဉ်ဆုံးရှုံးမှု မရှိဘူးလို့ တစ်စိုက်မတ်မတ် ငြင်းဆိုပြီး F16 လေယာဉ်ကို မသုံးခဲ့ဘဲ တရုတ်နဲ့ ဖက်စပ်ထုတ်ထားတဲ့ JF-17 တိုက်လေယာဉ်တွေကိုသာ အသုံးပြုခဲ့တယ်လို့ ထုတ်ပြန် ပြောကြားထားပါတယ်။

ဒီကိစ္စအတွက် အမေရိကန်က စုံစမ်းစစ်ဆေးခဲ့ရာမှာ ပါကစ္စတန်ကိုရောင်းထားတဲ့ F16 တိုက်လေယာဉ် တစ်စီးမှ လျော့နည်းခြင်း မရှိဘူးဆိုတာကို တွေ့ရတယ်လို့ အမေရိကန်အစိုးရ တာဝန်ရှိသူတွေက Foreign Policy မဂ္ဂဇင်းကို ပြောကြားခဲ့ပါတယ်။

“အမှန်တရားဆိုတာ တစ်ချိန် ပေါ်ထွက်လာမှာပါ။ မဟုတ်မမှန် ပြောဆိုခဲ့တာနဲ့ တကယ်တမ်းဆုံးရှုံးတာ သူတို့ဖက်ကဖြစ်တယ်ဆိုတာ အိန္ဒိက ဖွင့်ပြောချိန် တန်ပါပြီ” လို့ ပါကစ္စတန်စစ်တပ် ပြောရေးဆိုခွင့်ရှိသူ အာဆစ်ဖ် ဂဖူးရ်က Twitter စာမျက်နှာမှာ မနေ့က ရေးသားခဲ့ပါတယ်။

Foreign Policy ရဲ့ ဖော်ပြချက်နဲ့ပတ်သက်ပြီး အိန္ဒိယဖက်က တုန့်ပြန်ပြောဆိုတာမျိုး မရှိသေးပါဘူး။

Ref: Times