နောက်ဆုံးပေါ်အမေရိကန်တိုက်လေယာဉ် ဂျပန်တွင်ပျက်ကျ

ဧပြီ ၁၀၊ ၂၀၁၉
M-Media

F-35 တိုက်လေယာဉ်

– အမေရိကန်လုပ် နောက်ဆုံးပေါ် တိုက်လေယာဉ် F-35 တစ်စင်းဟာ မနေ့က ဂျပန်နိုင်ငံမှာ လေ့ကျင့်ပျံသန်းရင်း ပျက်ကျခဲ့ပြီး အာဏာပိုင်တွေက လေယာဉ်မှူးနဲ့ လေယာဉ် အစိတ်အပိုင်း ရှာဖွေမှုတွေ ပြုလုပ်နေပါတယ်။

နိုင်ငံမြောက်ပိုင်း Misawa လေတပ်စခန်းကနေ ပျံသန်းပြီး သိပ်မကြာခင်မှာ ရေဒါကနေ ပျောက်ဆုံးသွားတာဖြစ်ပြီး မပျောက်ခင် လေယာဉ်မှူးက လေ့ကျင့်မယ့်အစီအစဉ်ကို ဖျက်သိမ်းဖို့ သတင်းပေးပို့ခဲ့တယ်လို့ ဂျပန်စစ်ဖက် တာဝန်ရှိသူတွေက ပြောပါတယ်။

ကာကွယ်ရေးဝန်ကြီး တာကာရှီ အီဝါယာက ပျောက်ဆုံးသွားတဲ့ F-35 လေယာဉ်က အစိတ်အပိုင်းတစ်ချို့ကို ဒီကနေ့မနက်ပိုင်းမှာ တွေ့ခဲ့တယ်လို့ ပြောကြားခဲ့ပါတယ်။

လေယာဉ်မှူးဟာ အသက် ၄၀ ကျော်အရွယ်ဖြစ်ပြီး လေယာဉ်မောင်းချိန် နာရီ ၃၂၀၀ ရှိကြောင်း ဂျပန်ကာကွယ်ရေးဝန်ကြီးဌာနက ထုတ်ပြန်ခဲ့ပေမယ့် အမည်ဖော်ပြခြင်း မရှိပါဘူး။ လက်ရှိမှာတော့ လေယာဉ်မှူးနဲ့ လေယာဉ်အစိတ်အပိုင်းတွေကို ရှာဖွေနေပါတယ်။

အမေရိကန်ကုမ္ပဏီ Lockheed Martin က ထုတ်လုပ်တဲ့ F-35 တိုက်လေယာဉ်ဟာ ကမ္ဘာ့ အဆန်းသစ်ဆုံး အင်ဂျင်၊ လေကြောင်းဆိုင်ရာ နည်းပညာတွေနဲ့ လက်နက်စနစ်တွေ တပ်ဆင်ထားတဲ့ ကိုယ်ပျောက်လေယာဉ် ဖြစ်ပါတယ်။ အမေရိကန်စစ်တပ်က ဒီလေယာဉ်ဟာ ထုတ်ခဲ့သမျှ တိုက်လေယာဉ်အားလုံးမှာ အကြမ်းခံဆုံး၊ စိတ်ချရဆုံးဖြစ်တယ်လို့ သတ်မှတ်ထားပါတယ်။

၂၀၁၈ ခုနှစ် သြဂုတ်လအထိ Lockheed Martin ဟာ F-35 တိုက်လေယာဉ် စုစုပေါင်း အစင်း ၃၁၀ ကျော်ကို ကမ္ဘာတစ်ဝှမ်းက စစ်တပ်တွေဆီ ရောင်းချထားပါတယ်။ ကန်ဒေါ်လာ သန်း ၁၀၀ တန် အဲဒီတိုက်လေယာဉ်ကို ဂျပန်က ပြီးခဲ့တဲ့ ၁၁ ရက်ကမှ စတင်အသုံးပြုတာဖြစ်ပြီး Misawa လေတပ်စခန်းမှာ စုစုပေါင်း ၁၃ စင်း ထားရှိထားပါတယ်။

အီဝါယာက မနေ့က F-35 လေယာဉ် ပျက်ကျမှုအတွက် စုံစမ်းစစ်းဆေးမှု ပြီးတဲ့အချိန်အထိ ကျန်တဲ့ ၁၂ စင်းကို ပျံသန်းမှု ရပ်ဆိုင်းထားမယ်လို့ ပြောကြားခဲ့ပါတယ်။ ပျက်ကျမှုဟာ လေယာဉ်ထုတ်လုပ်မှု လုပ်ငန်းမှာ မှားယွင်းချွတ်ချော်မှုတွေ ရှိခဲ့လို့ဖြစ်တယ်လို့ အမေရိကန် စစ်ရေးကျွမ်းကျင်သူတစ်ချို့က သုံးသပ်ထားပါတယ်။

Ref: CNN