ဘန်ကောက်ရှိ နာမည်ကြီးရှော့ပင်းစင်တာတွင် မီးလောင်မှုကြောင့် အနည်းဆုံး ၂ ဦးသေဆုံး

ဧပြီ ၁၀၊ ၂၀၁၉
M-Media

မီးလောင်မှုပုံရိပ်

– ထိုင်းနိုင်ငံ ဘန်ကောက်မြို့လယ်ကောင်က နာမည်ကြီး ဈေးဝယ်စင်တာ Central World မှာ ဒီကနေ့ ညနေပိုင်းက မီးအကြီးအကျယ်လောင်ကျွမ်းမှု ဖြစ်ပွားခဲ့တာကြောင့် အနည်းဆုံး ၂ ဦး သေဆုံးပြီး ဒဏ်ရာရသူ တော်တော်များများ ရှိနေပါတယ်။

Central World ဟာ ဈေးဝယ်စင်တာအပြင် လူနေအိမ်တွေ၊ ဟိုတယ်တွေရှိတဲ့ အဆောက်အဦးဖြစ်ပြီး ၈ လွှာက စာရွက်စာတမ်း ထားတဲ့အခန်းကနေ ညနေ ၆ နာရီလောက်မှာ မီးစတင်လောင်ကျွမ်းတာလို့ ထိုင်းမီဒီယာတစ်ချို့က ဖော်ပြကြပါတယ်။

ဘန်ကောက်မြို့တော်ဝန် အက်စ်ဝင် ကွမ်မူအန်က မီးလောင်မှုအတွင်း အနည်းဆုံး ၃ ဦးသေဆုံးပြီး ၇ ဦး ဒဏ်ရာရတယ်လို့ ပြောကြားခဲ့ပါတယ်။ မီးဘေးကနေ လွတ်မြောက်ဖို့အတွက် ပြတင်းပေါက်ကနေ ခုန်ချရင်း သေဆုံးသွားသူတွေလည်း ရှိနေပါတယ်။ ဈေးဝယ်စင်တာက လူအများအပြားကို ဘေးလွတ်ရာကို အလျင်အမြန် ရွှေ့ပြောင်းနိုင်ခဲ့ပါတယ်။

ဘန်ကောက်မြိုရဲ့ အချက်အခြာနေရာမှာ တည်ရှိတဲ့ Central World ဈေးဝယ်စင်တာဟာ ၂၀၁၀ ခုနှစ် အစိုးရဆန့်ကျင်ရေး ဆန္ဒပြမှုမှာ မီးရှို့ခံခဲ့ရဖူးပါတယ်။

Ref: CNA