ကမ္ဘာ့အမြင့်ဆုံး ဧ၀ရက်တောင်ကို ပထမဆုံးအကြိမ် သန့်ရှင်းရေးလုပ်မည်

ဧပြီ ၁၂၊ ၂၀၁၉
M-Media

ဧ၀ရက်တောင်မြင်ကွင်း

– ကမ္ဘာ့အမြင့်ဆုံ ဧ၀ရက်တောင်ပေါ်က အမှိုက်တွေကို ရှင်းလင်းဖို့နဲ့ သေဆုံးသွားတဲ့ ရုပ်အလောင်းတွေကို တောင်အောက် ပြန်လည်ယူဆောင်လာဖို့အတွက်
အဖွဲ့တစ်ခုကို စေလွှတ်သွားမယ်လို့ နီပေါအာဏာပိုင်တွေက မနေ့မှာ ပြောကြားလိုက်ပါတယ်။

ဆယ်စုနှစ်ပေါင်းများစွာ ကြာပြီဖြစ်တဲ့ တောင်တက်စီးပွားရေး နောက်ဆက်တွဲအဖြစ် ဧ၀ရက်တောင်ပေါ်မှာ အမှိုက်ပုံကြီးသဖွယ် ဖြစ်လာနေပါတယ်။ တောင်တက်လမ်းတစ်လျှောက်မှာ ရွက်ဖျင်တဲ အစနတွေ၊ စွန့်ပစ်ထားတဲ့ တောင်တက်ပစ္စည်းတွေ၊ အောက်ဆီဂျင် ဘူးအလွတ်တွေလို ပစ္စည်းတွေတင်မကဘဲ၊ လူ့အညစ်အကြေးတွေပါ ရှိနေတာ ဖြစ်ပါတယ်။

တောင်တက်တဲ့အခါ အမှိုက်ခွန် ကန်ဒေါ်လာ ၄၀၀၀ ထားရှိပြီး၊ တောင်တက်သမားတစ်ယောက်ဟာ တောင်ပေါ်ကနေ ဆင်းလာတဲ့အချိန် အမှိုက် ၈ ကီလို ပြန်သယ်လာမှ ဒီငွေကို ပြန်ပေးတဲ့စနစ်ကို လွန်ခဲ့တဲ့ ၆ နှစ်ကနေစတင်ကာ နီပေါအစိုးရက ကျင့်သုံးခဲ့ပေမယ့် တောင်တက်သမား ထက်ဝက်လောက်သာ အမှိုက်တွေကို ပြန်သယ်လာကြပါတယ်။

“ဧ၀ရက်တောင်အတွက် ကျွန်တော်တို့ ဂုဏ်ယူကြပေမယ့် သန့်ရှင်းရေး မလုပ်ဘူးလို့ စွပ်စွဲခံရပါတယ်။ အခုတော့ ဒီတောင်ကြီးကို အတူတကွ ရှင်းလင်းသွားမှာ ဖြစ်ပါတယ်” လို့ နီပေါ ခရီးသွားလာရေးဦးစီးဌာန အကြီးအကဲ ဒန်ဒူ ရာ့ဂ်ျ ဂီမီရီက ပြောကြားခဲ့ပါတယ်။

ဧ၀ရက်တောင် သန့်ရှင်းရေးအဖွဲ့မှာ အစိုးရ အဖွဲ့အစည်းတွေ၊ တောင်တက်အဖွဲ့တွေ၊ စစ်တပ်နဲ့ ဒေသခံ အဖွဲ့အစည်းတွေလည်း ပါဝင်ကြမှာ ဖြစ်ပါတယ်။ ၁၄ ဦးပါဝင်မယ့် အဲဒီအဖွဲ့ကို ဧပြီလ ၂၅ ရက်နေ့မှာ တောင်ပေါ်ကို စေလွှတ်မှာဖြစ်ပြီး၊ ၁၅ ရက်တာကာလအတွင်း အမှိုက်ပေါင်း ၁၁ တန်လောက် ရှင်းလင်းနိုင်ဖို့ မျှော်မှန်းထားပါတယ်။

တောင်တက်သမားတွေ၊ တောင်ပေါ်မှာ အလုပ်လုပ်နေသူတွေအနေနဲ့ အမှိုက်တွေကို ပြန်သယ်လာရင် မုန့်ဖိုးပေးမယ့်အစီအစဉ်ကိုလည်း နီပေါအစိုးရက ဆောင်ရွက်ထားပါတယ်။ အမှိုက်တွေထဲက ပြန်လည်အသုံးပြုလို့ရတဲ့ အရာတွေကိုတော့ မြို့တော် ခတ္တာမန်ဒူကို လေယာဉ်နဲ့ သယ်ဆောင်မှာ ဖြစ်ပါတယ်။

‘နီပေါတောင်တက်အသင်း’ က တာဝန်ရှိသူ ဆန်တာ ဘီရ် ရှာရ်ပါက အခု အမှိုက်ရှင်းမယ့်အစီအစဉ်ဟာ နီပေါအစိုးရက ပထမဆုံးအကြိမ် ဆောင်ရွက်တာဖြစ်ပြီး နှစ်စဉ် ဆက်လက်လုပ်ဆောင်သွားဖို့ လိုအပ်တယ်လို့ ပြောကြားခဲ့ပါတယ်။

လွန်ခဲ့တဲ့ နှစ်ပေါင်း ၆၆ နှစ်က အက်ဒ်မွန် ဟီလာရီနဲ့ တန်ဇင်နော်ဂေးတို့ ပထမဆုံးအကြိမ် ဧ၀ရက်တောင်ထိပ်ကို တက်ရောက်ခဲ့ပြီးနောက်ပိုင်း ယနေ့အချိန်အထိ လူပေါင်း ၄၀၀၀ ကျော်ဟာ ကမ္ဘာ့အမြင့်ဆုံးတောင်ရဲ့ ထိပ်ကို ရောက်ရှိခဲ့ပြီး ဖြစ်ပါတယ်။ ပြီးခဲ့တဲ့နှစ်က တောင်တက်သမား ၈၀၇ ဦး ဧ၀ရက်တောင်ထိပ် ရောက်ရှိခဲ့ပြီး တစ်နှစ်တာအတွင်း စံချိန်တင်ပမာဏ ဖြစ်ပါတယ်။

ကမ္ဘာကြီးပူနွေးလာမှုကြောင့် ဧ၀ရက်တောင်က နှင်းခဲတွေ အရည်ပျော်ကျလာခဲ့ပြီး နှင်းခဲတွေအောက်မှာ ရှိနေတဲ့ အမှိုက်တွေ၊ လူသေရုပ်အလောင်းတွေလည်း ပေါ်လာပါတယ်။ ဧ၀ရက်တောင်ရဲ့ တိဘက်ဖက်အခြမ်းက တောင်ခြေစခန်းကို တောင်တက်သမား မဟုတ်တဲ့သူတွေ မလာဖို့ တရုတ်က ပြီးခဲ့တဲ့နှစ်မှာ တားမြစ်ခဲ့ပြီး ဧ၀ရက်တောင် သန့်ရှင်းရေးအတွက် ကြိုးပမ်းမှု တစ်စိတ်တစ်ပိုင်းလည်း ဖြစ်ပါတယ်။

တောင်ပေါ်မှာ ညစ်ညမ်းလာတာကြောင့် အဲဒီကနေစီဆင်းတဲ့ ရေတွေမှာ ညစ်ညမ်းမှုတွေ ရှိလာမှာကို သဘာဝပတ်ဝန်းကျင်သမားတွေကစိုးရိမ်နေကြပါတယ်။

Ref: CNA