တရုတ်နှင့်လုပ်မည့် စီမံကိန်းတစ်ခုတွင် ရင်းဂစ် ၂ ဘီလီယံကျော်သက်သာအောင် မလေးရှားဆောင်ရွက်နိုင်

ဧပြီ ၁၂၊ ၂၀၁၉
M-Media

– အရှေ့ကမ်းရိုးတန်း ရထားလိုင်းစီမံကိန်း ECRL အတွက် တရုတ်နဲ့ မူလသဘောတူထားတဲ့ တန်ဖိုးထက် ၃၂ ရာခိုင်နှုန်းလောက် လျှော့ချကာ စာချုပ်ပြန်ချုပ်နိုင်ခဲ့တယ်လို့ မလေးရှားက ဒီကနေ့မှာ ထုတ်ပြန်ပြောဆိုလုက်ပါတယ်။

မလေးရှားရဲ့ Malaysia Rail Link Sdn Bhd ကုမ္ပဏီနဲ့ တရုတ်ရဲ့ China Communications Construction ကုမ္ပဏီတို့ဟာ လပေါင်းများစွာ ညှိနှိုင်းဆွေးနွေးပြီးတဲ့နောက် ECRL စီမံကိန်းကို မလေးရှားရင်းဂစ် ၄၄ ဘီလီယံနဲ့ ဆောင်ရွက်ဖို့ သဘောတူခဲ့တာ ဖြစ်ပါတယ်။

စီမံကိန်းကို မလေးဝန်ကြီးချုပ်ဟောင်း နာဂျစ်ရာဇတ် လက်ထက်မှာ ရင်းဂစ် ၆၆ ဘီလီယံနဲ့ စာချုပ်ချုပ်ခဲ့တာ ဖြစ်ပါတယ်။ ၀န်ကြီးချုပ်သစ် မဟာသီက တန်ဖိုးဟာ လိုအပ်တာထက် ပိုမို များပြားနေတယ်လို့ ပြောကြားကာ စာချုပ်ကို ယာယီဆိုင်းငံ့ခဲ့ပါတယ်။

“ECRL စီမံကိန်း အဆင့် ၁နဲ့ ၂ ကို ရင်းဂစ် ၄၄ ဘီလီယံ အကုန်အကျခံ ဆောက်လုပ်သွားမယ်လို့ ကြေငြာလိုပါတယ်။ ဒါဟာ မူလတန်ဖိုး ၆၅.၅ ဘီလီယံကနေ ၂၁.၅ ဘီလီယံ သက်သာသွားတာ ဖြစ်ပါတယ်။ ဒီလို သက်သာသွားတာဟာ မလေးရှားအတွက် အကျိုးဖြစ်ထွန်းစေမှာဖြစ်ပြီး တိုင်းပြည်ရဲ့ ဘဏ္ဍာရေး ၀န်ထုတ်ဝန်ပိုးကိုလည်း လျှော့ကျစေမှာ ဖြစ်ပါတယ်” လို့ မလေးရှား ၀န်ကြီးချုပ်ရုံးက ဒီကနေ့ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဒီစီမံကိန်းရဲ့ အသေးစိတ်အချက်အလက်တွေကို လာမယ့် တနင်္လာနေ့မှာ ၀န်ကြီးချုပ် မဟာသီကိုယ်တိုင် သတင်းစာရှင်းလင်းဖို့ ရှိနေပါတယ်။ နိုင်ငံခြားရေးဝန်ကြီးဟောင်း တွန်ဒါအင် ဇိုင်နွတ်ဒင်က သက်သာသွားတဲ့ ငွေကြေးပမာဏဟာ နာမည်ကျော် Petronas Twin Towers နှစ်ခုလောက် ဆောက်လုပ်လို့ရတဲ့ ငွေကြေးဖြစ်တယ်လို့ ပြောကြားခဲ့ပါတယ်။

စုစုပေါင်း ၆၈၈ ကီလိုမီတာအရှည်ရှိမယ့် ဒီရထားလမ်စီမံကိန်း ပထမအဆင့်မှာ ကလန်းဗယ်လီကနေ ကွမ်တန်မြို့အထိ ဖောက်လုပ်မှာဖြစ်ပြီး ဒုတိယအဆင့်မှာတော့ ကွမ်တန်ကနေ ကွာလာ တရန်ဂါနူအထိ ဖောက်လုပ်မှာ ဖြစ်ပါတယ်။ တတိယအဆင့်မှာတော့ ကွာလာ တရန်ဂါနူကနေက ကိုတာဘရူးအထိ ဖောက်လုပ်မှာ ဖြစ်ပါတယ်။

Ref: The Star