အစွန်းရောက်ဝါဒကို မိမိတို့ကိုယ်တိုင် တားဆီးရမည်ဟု ကမ္ဘာ့မွတ်စလင်လိဂ် အကြီးအကဲ ပြော

ဧပြီ ၁၄၊ ၂၀၁၉
M-Media

MWL အကြီးအကဲ အလ်-အီဆာ

– အစ္စလာမ့်လူ့အဖွဲ့အစည်းအတွင်းက အစွန်းရောက်တွေရဲ့ ၀ါဒဖြန့်မှုကို မွတ်စလင်တွေက သတိထား ကာကွယ်သွားရမှာဖြစ်ပြီး ငြိမ်းချမ်းရေးနဲ့ သဟဇာတဖြစ်မှုကသာ တည်ငြိမ်းအေးချမ်းမှု၊ သာယာဝပြောမှုကို ဆောင်ကျဉ်းပေးနိုင်မယ်လို့ ကမ္ဘာ့မွတ်စလင်လိဂ် (MWL) အကြီးအကဲက ပြောကြားလိုက်ပါတယ်။

MWL ဥက္ကဌ မိုဟာမက် ဘင် အဘ်ဒူလ်ကရင် အလ်-အီဆာဟာ ရုရှားနိုင်ငံကို ရောက်ရှိနေတာပါ။ သောကြာနေ့က ကာဇန် ကိုယ်ပိုင်အုပ်ချုပ်ခွင့်ရပြည်နယ် ဂျာမေဗလီကြီးမှာ ဟောကြားခဲ့တဲ့ တရားဒေသနာမှာ အီဆာက စစ်မှန်တဲ့ အစ္စလာမ်ဘာသာဝင်တွေဆိုတာ စည်းလုံးညီညွတ်ရေးကို လုပ်ဆောင်သူ၊ တရားဥပဒေကို လိုက်နာသူ၊ ဘာသာလူမျိုး မခွဲခြားဘဲ လူတိုင်းနဲ့ သဟဇာဖြစ်အောင် နေထိုင်သူ ဖြစ်ယ်လို့ ပြောကြားခဲ့ပါတယ်။

သမိုင်းမှာ ဖြစ်ခဲ့တဲ့ အဖြစ်အပျက်တွေကို အတေးအမှတ်မထားဖို့ အလ်-အီဆာက တိုက်တွန်းခဲ့သလို အစွန်းရောက်တွေရဲ့ ၀ါဒဖြန့်မှုကို မွတ်စလင်တွေက သတိထား ကာကွယ်ရမှာဖြစ်ကြောင်း၊ ငြိမ်းချမ်းရေးနဲ့ သဟဇာတ ဖြစ်မှုကသာ တည်ငြိမ်အေးချမ်းမှုနဲ့ သာယာဝပြောမှုကို ဆောင်ကျဉ်းပေးနိုင်မှာဖြစ်ကြောင်း ထည့်သွင်းပြောဆိုခဲ့ပါတယ်။

ပြည်သူလူထုအားလုံး အကျိုးရှိဖို့အတွက် အပြန်အလှန်နားလည်မှု တည်ဆောက်ဖို့ အလ်-အီဆာက ဒေသနာမှာ မှာကြားခဲ့ပါတယ်။

လူတွေ အသိပညာနည်းနေရင် အစွန်းရောက်ဝါဒက အလွယ်တကူ အောင်ပွဲခံနိုင်မှာဖြစ်ကြောင်း MWL အကြီးအကဲက ထောက်ပြခဲ့ပြီး မွတ်စလင်တွေအနေနဲ့ ပဋိပက္ခတွေမှာ မပါဝင်ဖို့၊ အသိပညာ၊ အတတ်ပညာတွေကိုသင်ယူဖို့၊ သမိုင်းကနေ သင်ခန်းစာယူဖို့လည်း တိုက်တွန်းခဲ့ပါတယ်။

Ref: Arab News