ကမ္ဘာ့အကြီးဆုံး လေယာဉ်ပျံကို အောင်မြင်စွာ စမ်းသပ်ပျံသန်း

ဧပြီ ၁၄၊ ၂၀၁၉
M-Media

– ဂြိုဟ်တုတွေကို မြေပြင်ကထက် ဝေဟင်ကနေ လွှတ်တင်နိုင်ဖို့အတွက် ရည်ရွယ်တည်ဆောက်ထားတဲ့ ကမ္ဘာ့အကြီးဆုံး လေယာဉ်ပျံကို မနေ့က အောင်မြင်စွာ လွှတ်တင်နိုင်ခဲ့ပါတယ်။

Roc လို့ အမည်ပေးထားတဲ့ အဲဒီ ဧရာမ လေယာဉ်ပျံကြီးဟာ ကိုယ်ထည်နှစ်ခုပါဝင်ပြီး တောင်ပံနှစ်ဖက် အကွာအဝေးက အမေရိကန်ဘောလုံးအားကစားနည်း ကစားတဲ့ ကွင်းလောက် ရှိပါတယ်။ အင်ဂျင် ၆ လုံး တပ်ဆင်ထားပြီး ကယ်လီဖိုးနီးယားပြည်နယ် မိုဂျာဗီ သဲကန္တရာကနေ စမ်းသပ်ပျံတက်ခဲ့တာ ဖြစ်ပါတယ်။

လေပေါ်မှာ နှစ်နာရီ ကြာမြင့်ခဲ့တဲ့ အဲဒီလေယာဉ်ပျံဟာ အမြင့် ၅၁၈၂ မီတာအထိ ရောက်ခဲ့ပြီး အမြင့်ဆုံးမြန်နှုန်းဖြစ်တဲ့ တစ်နာရီကို ၃၀၄ ကီလိုမီတာနဲ့ မောင်းနှင်ခဲ့ပါတယ်။ မိုဂျာဗီလေကြောင်းနဲ့ အာကာသစခန်းမှာ ပြန်လည်ဆင်းသက်ခဲ့ပြီး ရာနဲ့ချီတဲ့ လူတွေက စောင့်ကြို သြဘာပေးခဲ့ပါတယ်။

လေယာဉ်ကို တည်ဆောက်ခဲ့တဲ့ Stratolaunch လုပ်ငန်းကို မိုက်ခရိုဆော့ဖ် ပူးတွဲတည်ထောင်သူ ပေါလ်အလန်က ၂၀၁၁ ခုနှစ်မှာ တည်ထောင်ခဲ့တာဖြစ်ပါတယ်။ ပေါလ်အလန်ဟာ ပြီးခဲ့တဲ့နှစ် အောက်တိုဘာလမှာ ကွယ်လွန်သွားခဲ့ပါတယ်။ ဂြိုဟ်တုတွေကို မြေပြင်က လွှတ်တင်တာထက် ဝေဟင်ကနေ လွယ်လွယ်ကူကူ မြန်မြန်ဆန်ဆန် လွှတ်တင်နိုင်ဖို့ ရည်ရွယ်ကာ ဒီလေယာဉ်ကို တည်ဆောက်ခဲ့တာပါ။

ဒီလေယာဉ်ကြောင့် ဂြိုဟ်တုတွေ လွှတ်တင်တဲ့အခါမှာ ဒုံးပျံ အသုံးပြုစရာမလိုတော့သလို ရာသီဥတုကောင်းအောင်လည်း စောင့်စရာမလိုတော့ဘဲ တိမ်တွေအပေါ် ရာသီဥတု ကောင်းတဲ့နေရာအထိ တက်နိုင်မှာ ဖြစ်ပါတယ်။ အမှန်တကယ် အသုံးပြုတဲ့အချိန်ကျရင် စမ်းသပ်ပျံသန်းတဲ့ အမြင့်ထက် နှစ်ဆ ၁၀၉၇၀ မီတာအထိ တက်နိုင်မှာပါ။ ဘယ်ဖက်ကိုယ်ထည်က လေယာဉ်ပျံသန်းမှု အချက်အလက် သိမ်းဆည်းရာနေရာဖြစ်ပြီး ညာဖက်ကိုယ်ထယ်မှာ ၀န်တင်နိုင်မှာ ဖြစ်ပါတယ်။ Roc ဟာ ၀န်တန်ချိန် ၂၅၀ တန်လောက် သယ်ဆောင်နိုင်မှာ ဖြစ်ပါတယ်။

Ref: Aljazeera