‘၀’ ငြိမ်းချမ်းရေးအခမ်းအနားသို့ မြန်မာအစိုးရနှင့် စစ်တပ်အကြီးအကဲတို့ တက်ရောက်မည်မဟုတ်

ဧပြီ ၁၆၊ ၂၀၁၉
M-Media

UWSA အကြီးအကဲ ပေါက်ယူချန် (Photo Credit – Irrawaddy)

– ‘၀’ ကိုယ်ပိုင်အုပ်ချုပ်ခွင့်ရဒေသ ပန့်ဆန်းမြို့မှာ မနက်ဖြန် ကျင်းပပြုလုပ်ဖို့ရှိတဲ့ ငြိမ်းချမ်းရေး နှစ် ၃၀ ပြည့် အခမ်းအနားကို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ တက်ရောက်မှာ မဟုတ်ဘူးလို့ သိရပါတယ်။

ကြီးကျယ်တဲ့စစ်ရေးပြမှု ပါဝင်မယ့် အဲဒီအခမ်းအနားကို တက်ရောက်ဖို့အတွက် မြန်မာအစိုးရခေါင်းဆောင်နဲ့ စစ်တပ်ခေါင်းဆောင်တို့ကို ‘၀’ အာဏာပိုင်တွေက ဖိတ်ကြားခဲ့ပါတယ်။ အခမ်းအနားကို တိုင်းရင်းသားလက်နက်ကိုင် ခေါင်းဆောင်တွေ၊ တရုတ်အစိုးရရဲ့ အာရှဆိုင်ရာ ကိုယ်စားလှယ် ဆွန်ကော့ရှန်၊ မြန်မာနဲ့ကပ်နေတဲ့ ယူနန်ပြည်နယ်က အစိုးရတာဝန်ရှိသူတွေအပါအ၀င် လူပေါင်း ၃၀၀၀ လောက် တက်ရောက်ဖို့ ရှိနေပါတယ်။

‘၀’ သွေးစည်းညီညွတ်ရေးတပ်ဖွဲ့ UWSA ကို ၁၉၈၉ ခုနှစ် ဧပြီလ ၁၇ ရက်နေ့မှာ ဖွဲ့စည်းခဲ့တာဖြစ်ပြီး အဲဒီအချိန်က စစ်အစိုးရဖြစ်တဲ့ ‘နိုင်ငံတော် ငြိမ်ဝပ်ပိပြားမှု တည်ဆောက်ရေးအဖွဲ့’ နဲ့ အပစ်ရပ်ရေးစာချုပ်ကို လက်မှတ်ရေးထိုးခဲ့ပါတယ်။ အဲဒီနောက်ပိုင်း UWSA ဟာ တစ်ဖြည်းဖြည်း အင်အားကြီးထွားလာပြီး လက်ရှိမှာ အမြဲတမ်းတပ်ဖွဲ့ဝင်အင်အား ၃ သောင်း၊ အရံတပ်ဖွဲ့ဝင်အင်အား တစ်သောင်းနဲ့ မြန်မာနိုင်ငံမှာ အကြီးဆုံး တိုင်းရင်းသား လက်နက်ကိုင်အဖွဲ့အဖြစ် ရပ်တည်နေပါတယ်။

UWSA ဟာ ဒီမိုကရေစီအစိုးရလက်ထက်မှာ ပေါ်ထွက်လာတဲ့ ‘တစ်နိုင်ငံလုံး အပစ်အခတ်ရပ်ဆဲရေးစာချုပ်’ NCA မှာ လက်မှတ်ရေးထိုးထားခြင်း မရှိပါဘူး။။ ‘ပြည်ထောင်စု နိုင်ငံရေး ဆွေးနွေးညှိနှိုင်းရေးကော်မတီ’ FPNCC ရဲ့ ဥက္ကဌအဖြစ် UWSA က တာဝန်ယူထားသလို၊ အဖွဲ့ထဲမှာ ပါဝင်တဲ့ တိုင်းရင်းသားလက်နက်ကိုင် အချို့ဟာ အစိုးရတပ်နဲ့ တိုက်ပွဲတွေ ဖြစ်ပွားနေပြီး၊ အချို့ကတော့ NCA စာချုပ်ပါ တစ်ချို့ အချက်တွေကို ပြင်ချင်နေပါတယ်။

UWSA ရဲ့ ပြန်ကြားရေးတာဝန်ခံ ဦးညီရမ်းက နှစ် ၃၀ ပြည့် ငြိမ်းချမ်းရေးအခမ်းအနားကို တက်ရောက်ဖို့အတွက် မြန်မာအစိုးရဟာ အဖွဲ့ဝင် ၈ ဦးပါ ကိုယ်စားလှယ်အဖွဲ့ကို စေလွှတ်မှာဖြစ်ပြီး အဲဒီအထဲမှာ အလုပ်သမား၊ လူဝင်မှုကြီးကြပ်ရေးနှင့် ပြည့်သူအင်အား ၀န်ကြီးဌာန ၀န်ကြီး ဦးသိန်းဆွေ၊ ငြိမ်းချမ်းရေးကော်မရှင် ဒုတိယဥက္ကဌ ဦးသိန်းဇော်နဲ့ သမ္မတရုံး ပြောရေးဆိုခွင့်ရှိသူ ဦးဇော်ဌေးတို့ တက်ရောက်မှာဖြစ်တယ်လို့ ပြောကြားခဲ့ပါတယ်။

တပ်မတော်သတင်းမှန်ပြန်ကြားရေးအဖွဲ့ တာဝန်ရှိသူ ဗိုလ်မှူးချုပ် ဇော်မင်းထွန်းက အခမ်းအနားကို ကာကွယ်ရေးဦးစီးချုပ် တက်ရောက်မှာမဟုတ်ဘဲ တပ်မတော်ဖက်က ကိုယ်စားလှယ်အဖွဲ့ စေလွှတ်ဖို့လည်း မသေချာသေးဘူးလို့ ဧရာဝတီ သတင်းဌာနကို ပြောကြားခဲ့ပါတယ်။ ဦးညီရမ်းကတော့ ရှမ်းပြည်နယ် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး လှဦး အခမ်းအနားကို တက်ရောက်မယ်လို့ ပြောကြားခဲ့ပါတယ်။

တိုင်းရင်းသားလက်နက်ကိုင်တွေ အထူးသဖြင့် NCA မထိုးရသေးတဲ့အဖွဲ့တွေက ဖိတ်ကြားတဲ့ အခမ်းအနားမျိုးကို မြန်မာအစိုးရနဲ့ စစ်တပ် ထိပ်ပေါင်းခေါင်းဆောင်တွေ တက်ရောက်လေ့ မရှိပါဘူး။

နိုင်ငံတော်အတိုင်ပင်ခံပုဂ္ဂိုလ် မတက်ရောက်တဲ့အပေါ် စိတ်ပျက်မိတယ်လို့ ‘၀’ ခေါင်းဆောင်တစ်ချို့က ပြောကြားခဲ့ပါတယ်။ အခြားတိုင်းရင်းသားဒေသတွေကို သွားရောက်တာမျိုး ရှိတဲ့အတွက် ဒီပွဲကိုလည်း လာရောက်မယ်လို့ ‘၀’ ခေါင်းဆောင်တွေက မျှော်လင့်ထားပြီး နေရေးထိုင်ရေး အထူးပြင်ဆင်ထားတယ်လို့လည်း ဆိုပါတယ်။

၂၀၀၈ ခုနှစ် ဖွဲ့စည်းပုံအခြေခံဥပဒေအရေ ‘၀’ ဒေသကို အထူးကိုယ်ပိုင်အုပ်ချုပ်ခွင့်ရဒေသအဖြစ် သတ်မှတ်ထားပေမယ့် UWSA အာဏာပိုင်တွေက ပြည်နယ်အဆင့်အထိပေးဖို့ တောင်းဆိုနေပါတယ်။

Ref: Irrawaddy

( Irrawaddy သတင်းဌာန အင်္ဂလိပ်ပိုင်းတွင် ဖော်ပြထားသည့် သတင်းမှ ကောက်နှုတ်ပြန်ဆိုပါသည်)