တရုတ်ထောက်လှမ်းရေးက ဟွာဝေးကို ထောက်ပံ့နေသည်ဟု အမေရိကန် စွပ်စွဲ

ဧပြီ ၂၁၊ ၂၀၁၉
M-Media

– တရုတ် ထိပ်တန်း ဆက်သွယ်ရေးကုမ္ပဏီဖြစ်တဲ့ Huawei ဟာ တရုတ်အစိုးရ ထောက်လှမ်းရေးရဲ့ အထောက်အပံ့ကို ရယူထားတယ်လို့ အမေရိကန် ဗဟိုထောက်လှမ်းရေးအေဂျင်စီ CIA က စွပ်စွဲခဲ့ကြောင်း Times သတင်းဌာနက မနေ့မှာ ဖော်ပြခဲ့ပါတယ်။

တရုတ် အမျိုးသား လုံခြုံရေးကော်မရှင်၊ တရုတ်ပြည်သူ့လွတ်မြောက်ရေးတပ်ဖွဲ့နဲ့ တရုတ်အစိုးရထောက်လှမ်းရေးရဲ့ အခြားဌာတစ်ခု စုစုပေါင်း အဖွဲ့ ၃ ဖွဲ့ထံကနေ Huawei က ငွေကြေး အထောက်အပံ့ ရယူနေတယ်လို့ CIA က ပြောပါတယ်။ Huawei ကို တရုတ်အစိုးရက ကျောထောက်နောက်ခံပြုထားတယ်ဆိုတဲ့ သတင်းကို အခုနှစ်အစောပိုင်းတုန်းကလည်း CIA က ဗြိတိန်၊ သြစတေးလျ၊ ကနေဒါနဲ့ နယူးဇီလန်တို့အပါအ၀င် Five-Eyes ထောက်လှမ်းရေးသတင်းဖလှယ်တဲ့ အဖွဲ့ကို မျှဝေခဲ့ပါတယ်။

Huawei ကတော့ ဒီစွပ်စွဲတွေကို ငြင်းဆိုထားပါတယ်။

“အထောက်အထားမဲ့ တရားလက်လွတ်စွပ်စွဲချက်တွေအတွက် Huawei က မှတ်ချက်မပေးချင်ပါဘူး” လို့ ကုမ္ပဏီ တာဝန်ရှိသူတစ်ဦးက Times သတင်းဌာနကို ပြောကြားခဲ့ပါတယ်။

Huawei ကုမ္ပဏီထုတ် ဆက်သွယ်ရေး ပစ္စည်းတွေကို တရုတ်အစိုးရ ထောက်လှမ်းရေးအတွက် အသုံးပြုနိုင်တယ်လို့ အမေရိကန်အစိုးရက စိုးရိမ်နေတာပါ။ အမေရိကန် အာဏာပိုင်တွေက Huawei ဟာ ပိတ်ဆို့မှုတွေကို ချိုးဖောက်နေလားဆိုတာကိုလည်း စုံစမ်းစစ်ဆေးမှုတွေ ပြုလုပ်နေပါတယ်။

ကုမ္ပဏီကို တည်ထောင်သူရဲ့သမီးဖြစ်ပြီး လက်ရှိမှာ ဘဏ္ဍာရေးအကြီးအကဲအဖြစ် တာဝန်ထမ်းဆောင်နေတဲ့ မန်ဝမ်ကျိုးကို ကနေဒါက ပြီးခဲ့တဲ့နှစ် ဒီဇင်ဘာလမှာ ဖမ်းဆီးခဲ့ပြီး ဘဏ်လုပ်ငန်း မသမာမှု၊ ပိတ်ဆို့မှုတွေကို ချိုးဖောက်ကာ အီရန်နဲ့ ဆက်သွယ်ဆောင်ရွက်မှုတွေအတွက် တရားစွဲဆိုထားပါတယ်။

သူမက စွပ်စွဲချက်တွေကို ငြင်းဆိုခဲ့ပြီး ဖခင်ဖြစ်သူကလည်း ဒီဖမ်းဆီးမှုမှာ နိုင်ငံရေးလှုံ့ဆော်မှု ပါဝင်တယ်လို့ ပြောကြားထားပါတယ်။

Ref : Reuters