ပါလက်စတိုင်းအစိုးရကို ဒေါ်လာ သန်း ၁၀၀ ကူညီမည်ဟု အာရပ်လိဂ် ကတိပြု

ဧပြီ ၂၂၊ ၂၀၁၉
M-Media

– အစ္စရေးက အခွန်ငွေတွေမပေးတာကြောင့် ငွေကြေးအကြပ်အတည်းဖြစ်နေတဲ့ ပါလက်စတိုင်းအာဏာပိုင်အဖွဲ့ PA အတွက် ရန်ပုံငွေ ကန်ဒေါ်လာ သန်း ၁၀၀ ပေးအပ်သွားမယ်လို့ အာရပ်လိဂ်အဖွဲ့က ကတိပြု ပြောဆိုလိုက်ပါတယ်။

ပါလက်စတိုင်းပိုင်နက်တွေမှာ PA အတွက် အစ္စရေးက အခွန်ကောက်ပေးကာ ဒီငွေတွေကို ပါလက်စတိုင်းအာဏာပိုင်အဖွဲ့ဆီ လွှဲပေးတာ ဖြစ်ပါတယ်။ ဒါပေမယ့် ဖေဖော်ဝါရီလအတွင်းမှာပေးရမယ့် ကန်ဒေါ်လာ ၁၃၈ သန်းကို အစ္စရေးက PA ကို လွှဲမပေးခဲ့ပါဘူး။

အစ္စရေးကဖမ်းဆီးထားတဲ့ ပါလက်စတိုင်းနိုင်ငံရေးအကျဉ်းသားတွေရဲ့ မိသားစုတွေကို PA က ထောက်ပံ့တာကြောင့် အခွန်တွေကို လွှဲမပေးတာဖြစ်တယ်လို့ အစ္စရေးက ပြောပါတယ်။ ပါလက်စတိုင်းကတော့ အိမ်ထောင်ဦးစီးတွေ ဖမ်းဆီးခံရတာကြောင့် အခက်အခဲဖြစ်နေသူတွေ သက်သာချောင်ချိရေးအတွက် ထောက်ပံ့ငွေ ပေးရတာဖြစ်တယ်လို့ PA က တုန့်ပြန် ပြောဆိုထားပါတယ်။

“ပါလက်စတိုင်းက ရင်ဆိုင်နေရတဲ့ နိုင်ငံရေးနဲ့ ဘဏ္ဍာရေးဖိအားတွေကို ကျော်လွှားနိုင်ရေး ဘက်ဂျက်ပြည့်မီဖို့ အာရပ်တိုင်းပြည်တွေက ထောက်ပံ့ပေးသွားမယ်ဆိုတာ ကျွန်တော်တို့ အတည်ပြုပါတယ်။ “လို့ အီဂျစ်နိုင်ငံ ကိုင်ရိုမြို့မှာပြုလုပ်တဲ့ မနေ့ကအစည်းအဝေးမှာ အာရပ်လိဂ်က ပြောကြားခဲ့ပါတယ်။

အစ္စရေးရဲ့ ကျူးကျော်သိမ်းပိုက်မှုတွေကြောင့် အိုးအိမ်စွန့်ခွာ ထွက်ပြေးရတဲ့ ပါလက်စတိုင်းတွေကို ကူညီနေတဲ့ ကုလအဖွဲ့အစည်းတွေအပေါ် ထောက်ပံ့မှုကို အမေရိကန်က မနှစ်မှာ လျှော့ခဲ့ပြီးတဲ့နောက် ပါလက်စတိုင်းပြည်သူတွေဟာ ပိုမိုကြပ်တည်းမှုတွေနဲ့ ရင်ဆိုင်နေရတာ ဖြစ်ပါတယ်။ အစ္စရေးက အခွန်ငွေတွေကို ပါလက်စတိုင်းအာဏာပိုင်တွေထံ လွှဲမပေးမှုကလည်း အခြေအနေကို ပိုမိုဆိုးရွားစေခဲ့ပါတယ်။

ဒေါ်နယ်ထရမ့်အစိုးရဟာ ပါလက်စတိုင်း-အစ္စရေး ငြိမ်းချမ်းရေး အဆိုပြုချက်တစ်ခုကို မကြာခင် ထုတ်ပြန်ဖို့ ရှိနေပြီး လွတ်လပ်တဲ့ ပါလက်စတိုင်းနိုင်ငံ ဖြစ်ပေါ်လာရေး အာမခံချက်မျိုး ပါဝင်ဖို့ မရှိဘူးလို့ သတင်းတွေလည်း ထွက်နေပါတယ်။

ဂျေရုစလင်ကို အစ္စရေးရဲ့မြို့တော်အဖြစ် သတ်မှတ်မှုအပါအ၀င် ထရမ့်အစိုးရရဲ့ အစ္စရေးကို မျက်နှာသာပေးတဲ့ လုပ်ရပ်တစ်ချို့ကြောင့် အမေရိကန်ဟာ ယုံကြည်ရလောက်တဲ့ စေ့စပ်ညှိနှိုင်းသူ မဟုတ်တော့ဘူးလို့ ပါလက်စတိုင်း ခေါင်းဆောင်တွေက ပြောကြားထားပါတယ်။

Ref: Aljazeera