အစွန်းရောက်တွေကြောင့် ၀ါလုံးသိမ်းအရမ်းခံနေရပြီဖြစ်တဲ့ သီရိလင်္ကာ မွတ်စလင်များ

ဧပြီ ၂၆၊ ၂၀၁၉
M-Media

ကိုလံဘိုမြို့မှ ဗလီဝတ်ကျောင်းတော်တစ်လုံး

– သီရိလင်္ကာနိုင်ငံမှာ ပြီးခဲ့တဲ့ တနင်္ဂနွေနေ့က ဖြစ်ပွားခဲ့တဲ့ ဗုံးပေါက်ကွဲမှုတွေဟာ မွတ်စလင်အစွန်းရောက်တွေရဲ့ လက်ချက်ဖြစ်တယ်လို့ သတင်းထွက်ပေါ်လာပြီးနောက်ပိုင်း နိုင်ငံတစ်ဝှမ်း မွတ်စလင်တွေကို လက်တုန့်ပြန် တိုက်ခိုက်ဖို့ ကြိုးစားမှုတွေ ဖြစ်လာပါတယ်။

တိုက်ခိုက်မှုကို နိုင်ငံအတွင်း မွတ်စလင်အဖွဲ့နှစ်ခုဖြစ်တဲ့ National Thowheed Jamaat နဲ့ Jammiyathul Millathu Ibrahim တို့က ပူးပေါင်းလုပ်ဆောင်တာဖြစ်တယ်လို့ သီရိလင်္ကာအစိုးရက ထုတ်ပြန်ခဲ့ပါတယ်။ IS အကြမ်းဖက်အဖွဲ့က ဖောက်ခွဲမှုတွေဟာ သူတို့ရဲ့လက်ချက် ဖြစ်တယ်လို့ ပြောဆိုထားပေမယ့် အာဏာပိုင်တွေက ဒီလိုပါဝင်မှုအတိုင်းအတာ ဘယ်လောက်အထိရှိလဲ ဆိုတာကို စုံစမ်းစစ်ဆေးမှုတွေ ပြုလုပ်နေပါတယ်။

ဒီအဖြစ်အပျက်အတွက် လက်တုန့်ပြန်တိုက်ခိုက်ခံရမှာကို နိုင်ငံတစ်ဝှမ်းက မွတ်စလင်တွေက စိုးရိမ်နေပြီး တစ်ချို့နေရာတွေမှာ  လူအုပ်ကြီးက မွတ်စလင်တွေရဲ့ နေအိမ်တွေကို တိုက်ခိုက်ဖျက်ဆီးမှုလည်း ရှိနေပါတယ်။

မြို့တော် ကိုလံဘိုမှာ နေထိုင်တဲ့ မိုဟာမက် ဟာဆန်က တိုက်ခိုက်မှုဖြစ်ပွားပြီးနောက်ပိုင်း အိမ်အပြင်ကို သိပ်မထွက်တော့ဘူးလို့ ပြောပါတယ်။ အသက် ၄၁ နှစ်အရွယ်သူဟာ ပုံနှိပ်လုပ်ငန်း လုပ်ကိုင်သူဖြစ်ပြီး မိသားစုက အိမ်ထဲမှာပဲနေဖို့ လိုလားနေတာ ဖြစ်ပါတယ်။

“အပြင်သွားရင် အသက်ရှင်လျက် ပြန်လာနိုင်ပါ့မလားဆိုတာကို သူတို့က စိုးရိမ်နေတာ”

ဗုံးခွဲမှုတွေဟာ မတ်လအတွင်းက နယူးဇီလန်နိုင်ငံ ခရိုက်ချက်မြို့က ဗလီဝတ်ကျောင်းတော် ၂ လုံးမှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုကို လက်တုန့်ပြန်တာ ဖြစ်တယ်လို့ စုံစမ်းစစ်ဆေးမှုမှာ တွေ့ရကြောင်း နယူးဇီလန် ကာကွယ်ရေးဝန်ကြီးက အင်္ဂါနေ့ သတင်းစာရှင်းလင်းပွဲမှာ ပြောဆိုခဲ့ပါတယ်။

တိုက်ခိုက်မှုကို ဦးဆောင်လုပ်ခဲ့တဲ့ National Thowheed Jamaat(NTJ) အကြောင်းနဲ့ ဒီအဖွဲ့မှာ ပါဝင်သူတွေရဲ့ လုပ်ရှားဆောင်ရွက်မှုတွေကို နိုင်ငံရဲ့ အကြီးဆုံး အစ္စလာမ်ဘာသာရေးအဖွဲ့ ‘သီရိလင်္ကာ မွတ်စလင်ကောင်စီ’ က လွန်ခဲ့တဲ့ ၃ နှစ်အရင်ကတည်းက သီရိလင်္ကာ စစ်ထောက်လှမ်းရေးအဖွဲ့ကို အသိပေး အကြောင်းကြားထားပြီး ဖြစ်ပါတယ်။

တိုက်ခိုက်မှုမဖြစ်ပွားခင် ၁၀ ရက်အလိုကလည်း တိုက်ခိုက်မှုနဲ့ပတ်သက်တဲ့ အသေးစိတ်အချက်အလက်တွေကို နိုင်ငံခြား ထောက်လှမ်းရေးဌာနတွေကနေတစ်ဆင့် သတင်းရခဲ့ပေမယ့် သီရိလင်္ကာအစိုးရဟာ ထိထိရောက်ရောက် ဟန့်တားခဲ့ခြင်း မရှိပါဘူး။

သီရိင်္လင်္ကာက မွတ်စလင်တွေဟာ တိုက်ခိုက်မှုကို ပြင်းပြင်းထန်ထန် ရှုတ်ချခဲ့ပေမယ့် လက်တုန့်ပြန်ခံရမှာကိုလည်း ကြောက်ရွံ့နေပါတယ်။

အသက် ၆၀ အရွယ် ဇာရီနာဘေဂွန်က ပြဿနာတွေဖြစ်ပွားပြီးကတည်းက ညဘက်ဆိုရင် ကောင်းကောင်း အိပ်မပျော်ဘူးလို့ ပြောကြားခဲ့ပါတယ်။

“မွတ်စလင်တွေအပေါ် သူတို့ ဒေါသထွက်နေတယ်ဆိုတာ ကျွန်မသိပါတယ်။ ရင်ခွင်ပိုက်ကလေးငယ်လေးတွေပါ အသတ်ခံလိုက်ရတာကိုး။ သူတို့(တိုက်ခိုက်သူတွေ)ရဲ့စိတ်ထဲမှာ ဒီလောက်အထိ အမုန်းတရား ကိန်းအောင်းနေမယ်လို့ ကျွန်မ မထင်ထားမိဘူး။ အမုန်းကြောင့် အမုန်းထပ်မဖြစ်တာ ပိုကောင်းတာပေါ့ရှင်”

NTJ ခေါင်းဆောင်ဖြစ်တဲ့ ဇာဟ်ရန် ဟာရှင်ဟာ အစွန်းရောက်စကားတွေ ပြောကြားသိမ်းသွင်းနေတယ်ဆိုတာကို သီရိလင်္ကာမွတ်စလင်ကောင်စီ ဒုတိယဥက္ကဌ ဟီလ်မီ အဟ်မဒ်ကိုယ်တိုင် ထောက်လှမ်းရေးကို သတင်းသွားပေးခဲ့တာ ဖြစ်ပါတယ်။

“ဒီလူက တစ်ယောက်တည်းလှုပ်ရှားတာဗျ။ ကုရ်အာန်သင်ပေးတယ်ဆိုတဲ့ပုံစံနဲ့ လူငယ်တွေကို သူက ဦးနှောက်ဆေးခဲ့တာ”

အဖိနှိပ်ခံများ

သီရိလင်္ကာနိုင်ငံရဲ့ ၂၂ သန်းသော လူဦးရေမှာ အများစုက ဗုဒ္ဓဘာသာဝင်တွေဖြစ်ပြီး အစ္စလာမ်ဘာသာဝင်၊ ခရစ်ယာန်ဘာသာဝင်နဲ့ ဟိန္ဒူဘာသာဝင်တွေက လူနည်းစု ဖြစ်ပါတယ်။

တမီလ်လူမျိုးတွေရဲ့ ၁၀ စုနှစ်ချီ ကြာမြင့်ခဲ့တဲ့ ခွဲထွက်ရေးကြိုးပမ်းမှုကြောင့် သီရိလင်္ကာနိုင်ငံမှာ ပြည်တွင်းစစ်ကြာရှည်ခဲ့ပြီး ၂၀၀၉ ခုနှစ် တမီလ်ကျားသူပုန်တွေကို အစိုးရက အပြီးသတ် ရှင်းလင်းနိုင်တဲ့အချိန်ရောက်မှ စစ်ပွဲ အဆုံးသတ်သွားတာ ဖြစ်ပါတယ်။ တမီလ်ကျားသူပုန်တွေကြောင့် ဟိန္ဒူဘာသာဝင်ဖြစ်တဲ့ တမီလ်တွေ၊ အစ္စလာမ်ဘာသာဝင်ဖြစ်တဲ့ တမီလ်တွေဟာ လူများစု ဆင်ဟာလီတွေရဲ့ ဖိနှိပ်ချုပ်ချယ်မှုကို ခံခဲ့ရပါတယ်။

တစ်ဖက်မှာလည်း တမီလ်ကျားသူပုန်တွေက အစ္စလာမ်ဘာသာဝင်တွေကို အစိုးဘက်တော်သားလို့ စွပ်စွဲကာ  ညှင်းပမ်းနှိပ်စက်မှု၊ သတ်ဖြတ်မှုတွေ ဆယ်စုနှစ်ချီ ပြုလုပ်ခဲ့ပါတယ်။ ၂၀၀၉ ခုနှစ် တမီလ်ကျားသူပုန်အဖွဲ့ ချုပ်ငြိမ်းသွားပြီးတဲ့နောက်မှာလည်း အစ္စလာမ်ဘာသာဝင်တွေနဲ့ ခရစ်ယာန်ဘာသာဝင်တွေဟာ ဗုဒ္ဓဘာသာဘုန်းကြီးတွေ ဦးဆောင်တဲ့ အစွန်းရောက်အဖွဲ့ BBS ရဲ့ အကြမ်းဖက်တိုက်ခိုက်မှုတွေကို ထပ်မံခံစားခဲ့ရပါတယ်။

တနင်္ဂနွေနေ့ ဗုံးခွဲတိုက်ခိုက်မှုအပြီးမှာတော့ ၀န်ကြီးချုပ် ရာနီးလ် ၀စ်ကရီမီဆင်ဟီ အပါအ၀င် သီရိလင်္ကာ ခေါင်းဆောင်တွေက တည်တည်ငြိမ်ငြိမ်နဲ့ ညီညီညွတ်ညွတ်ရှိကြဖို့ ပြည်သူလူထုကို တိုက်တွန်းခဲ့ပါတယ်။

“မွတ်စလင်အများစုက ဒီလုပ်ရပ်ကို ရှုတ်ချခဲ့ပြီး တမီလ်တွေ၊ ဆင်ဟာလီတွေလို ဒေါသထွက်နေကြတာပါ”

လက်ရှိမှာတော့ နိုင်ငံတစ်ဝှမ်းက မွတ်စလင်တွေဟာ စိုးရိမ်ကြောင့်ကြမှုတွေနဲ့ နေထိုင်နေရပါတယ်။

ကိုလံဘိုမြို့က ‘ဂျွမ္မာ’ ဗလီဝတ်ကျောင်းတော်ရဲ့ တာဝန်ရှိသူ အာရ်အက်ဖ် အမီရ်က မွတ်စလင်လူ့အဖွဲ့အစည်းဟာ လုံခြုံမှုကို လိုအပ်တယ်လို့ ပြောကြားခဲ့ပါတယ်။

“ကျွန်တော်တို့ ဦးထုပ်ဆောင်းထားတာကို တစ်ယောက်ယောက်မြင်သွားရင်ရန်သူလို့ သတ်မှတ်တိုက်ခိုက်လာနိုင်တာကြောင့်  ကျွန်တော်တို့ဟာ စိုးရိမ်ရတဲ့အနေအထားမှာ နေထိုင်နေရပါတယ်။ အားလုံးကိုပြောချင်တာက ကျွန်တော်တို့ဟာ ခင်ဗျားတို့ရဲ့ရန်သူ မဟုတ်ပါဘူး။ အာရှရဲ့ ပုလဲလို့တင်စားခံရတဲ့ ဒီမြေဟာ ကျွန်တော်တို့ မွေးရပ်မြေပါ။ ဒီအတိုင်းပဲ ကျွန်တော်တို့ ဆက်ရှိချင်ပါတယ်”

နိုင်ငံအနောက်ဖက်ကမ်းရိုးတန်း နီဂွမ်ဘိုမြို့မှာ နေထိုင်တဲ့ ပါကစ္စတန်နွယ်ဖွား မွတ်စလင်တွေဟာ ဒေသခံတွေရဲ့ တိုက်ခိုက်မှုကြောင့် ပြီးခဲ့တဲ့ရက်ပိုင်းအတွင်း ဘေးလွတ်ရာကို ရွှေ့ပြောင်းခဲ့ရပါတယ်။

သီရိလင်္ကာ အစ္စလာမ်ဘာသာရေးခေါင်းဆောင်တွေက သောကြာနေ့ ဗလီတွေမှာ စုပေါင်းဝတ်ပြုတာမျိုး မလုပ်ဘဲ မိမိတို့ရဲ့ နေအိမ်တွေမှာသာ ၀တ်ပြုကြဖို့၊ ရဲတပ်ဖွဲ့က လုံခြုံရေးဆောင်ရွက်ရာမှာ အနှောက်အယှက် မဖြစ်စေရေး မျက်နှာအုပ်တဲ့ နီကာ့ဘ်ခြုံထည် မ၀င်ဆင်ကြဖို့ မွတ်စလင် အမျိုးသား၊ အမျိုးသမီးတွေကို တိုက်တွန်းထားပါတယ်။

Ref : Aljazeera