တစ်ကျော့ပြန် အီဘိုလာကြောင့် ကွန်ဂိုတွင် သေဆုံးသူ တစ်ထောင်ကျော်ပြီ

မေ ၄၊ ၂၀၁၉
M-Media

-တစ်ကျော့ပြန်ဖြစ်ပွားတဲ့ အီဘိုလာရောဂါကြောင့် သေဆုံးသူအရေအတွက်ဟာ တစ်ထောင်ကျော်ရှိပြီလို့ အာဖရိကတိုက် ကွန်ဂိုနိုင်ငံ ကျန်းမာရေးဝန်ကြီးဌာနက မနေ့မှာ ထုတ်ပြန်ကြေငြာလိုက်ပါတယ်။

ကွန်ဂိုမှာပြီးခဲ့တဲ့နှစ် သြဂုတ်လကတည်းက အီဘိုလာ တစ်ကျော့ပြန် ဖြစ်ပွားခဲ့တာ ဖြစ်ပါတယ်။
ရောဂါကူးစက်နေသူတွေထဲက ၁၄ ဦး သောကြာနေ့မှာ ထပ်မံသေဆုံးခဲ့ပြီး စုစုပေါင်း သေဆုံးသူအရေအတွက်ဟာ ၁၀၀၈ ဦးအထိ ရှိလာပြီ ဖြစ်ပါတယ်။ ရောဂါကူးစက်နေသူ ၁၄၅၀ က တစ်ထောင်ကျော် သေဆုံးခဲ့တာပါ။

ပြီးခဲ့တဲ့ တနင်္ဂနွေနေ့က ကုန်ဆုံးခဲ့တဲ့ သီတင်းတစ်ပတ်တာ ကာလအတွင်း အီဘိုလာ နောက်ထပ် ကူးစက်မှု အရေအတွက်ဟာ ၁၂၆ ဦးအထိ ရှိလာတာကြောင့် သောကြာနေ့မနက်ပိုင်းမှာ ကမ္ဘာ့ကျန်းမာရေးအဖွဲ့ WHO က သတိပေးခဲ့ပါတယ်။

ကွန်ဂိုကျန်းမာရေးန်ဝကြီးဌာနရဲ့ ပြောရေးဆိုခွင့်ရှိသူက ပြီးခဲ့တဲ့ သီတင်းပတ်တွေအတွင်း အီဘိုလာကုသပေးတဲ့ ကျန်းမာရေးဝန်ထမ်းတွေကို လက်နက်ကိုင်တွေက တိုက်ခိုက်တာ၊ ကုသမှုကို နှောက်ယှက်တာကြောင့် ကူးစက်သူ အရေအတွက် တိုးမြင့်လာရခြင်း ဖြစ်တယ်လို့ ပြောကြားခဲ့ပါတယ်။

ကွန်ဂိုမှာ ကျန်းမာရေးဝန်ထမ်းတွေဟာ အီဘိုလာကာကွယ်ဆေး လိုက်လံထိုးနှံပေးနေပြီး ယနေ့အချိန်အထိ လူ တစ်သိန်းတစ်သောင်းနီးပါး ကာကွယ်ဆေး ထိုးထားပါတယ်။ ကာကွယ်ဆေးဟာ စမ်းသပ်ဆဲအဆင့်မှာသာ ရှိပေမယ့် ၉၇.၅ ရာခိုင်နှုန်းလောက် အောင်မြင်မယ်လို့ မျှော်လင့်ထားပါတယ်။

အနောက်အာဖရိကနိုင်ငံတွေဖြစ်တဲ့ ဂီရီ၊ ဆီရာလီယိုနီနဲ့ လိုက်ဘေးရီးယားတို့မှာ ၂၀၁၃ ခုနှစ်ကနေ ၂၀၁၆ ခုနှစ်အတွင်း အီဘိုလာကူးစက်မှု အကြီးအကျယ်ဖြစ်ပွားခဲ့ပြီး လူပေါင်း ၁၁၃၀၀ လောက် သေဆုံးခဲ့ပါတယ်။ ဒါဟာ သမိုင်းတစ်လျှောက် အာဖရိကမှာ အီဘိုလာကြောင့်သေဆုံးမှု ဒုတိယမြောက်အများဆုံး ဖြစ်ပါတယ်။

Ref: Aljazeera