ဝီဂါမွတ်စလင်များ ဖိနှိပ်ခံရမှုအတွက် အမေရိကန်က တရုတ်ကို အပြင်းထန်ဆုံးအသုံးအနှုန်းဖြင့် ရှုတ်ချ

မေ ၄၊ ၂၀၁၉
M-Media

-နိုင်ငံအနောက်ပိုင်း ရှန်ကျန်းပြည်နယ်က ၀ီဂါမွတ်စလင်တွေကို တရုတ်က အကျဉ်းစခန်းတွေထဲမှာ ထိန်းသိမ်းထားတယ်လို့ အမေရိကန်က ပြောကြားလိုက်ပြီး အရေအတွက်ဟာ သတင်းတွေမှာ ဖော်ပြထားတာထက် ပိုများနေတယ်လို့ ဆိုပါတယ်။

ကုန်သွယ်ရေးအပါအ၀င် ကိစ္စတစ်ချို့နဲ့ပတ်သက်ပြီး နှစ်နိုင်ငံ တင်းမာမှုတွေ မြင့်တက်နေတဲ့အချိန် ဒီလိုဝေဖန်ရှုတ်ချမှုမျိုး ပေါ်ထွက်လာတာပါ။

မနေ့က ပြုလုပ်တဲ့ သတင်းစာရှင်းလင်းပွဲမှာ အမေရိကန် ကာကွယ်ရေးဝန်ကြီးဌာနရဲ့ အာရှရေးရာပေါ်လစီအကြီးအကဲ ရန်ဒဲလ် ရှရီဗာက တရုတ်အစိုးရဟာ ၀ီဂါမွတ်စလင်တွေကို ‘အကျဉ်းစခန်းတွေ’ ထဲမှာ အစုလိုက်အပြုံလိုက် ဖမ်းဆီးချုပ်နှောင်ထားတယ်လို့ ဆိုပါတယ်။ နာဇီတွေက ဂျူးတွေကို ပိတ်လှောင်ထားတဲ့ ‘အကျဉ်းစခန်း’ ဆိုတဲ့ အသုံးအနှုန်းကို သုံးနှုန်းခဲ့တာဟာ ၀ီဂါကိစ္စနဲ့ပတ်သက်ပြီး တရုတ်အပေါ် အမေရိကန်ရဲ့ ရှုတ်ချမှုတွေထဲမှာ အပြင်းထန်ဆုံး ဖြစ်ပါတယ်။

“တရုတ်ကွန်မြူနစ်ပါတီဟာ လုံခြုံရေးတပ်ဖွဲ့တွေကိုသုံးပြီး တရုတ်မွတ်စလင်တွေကို အကျဉ်းစခန်းတွေထဲမှာ အစုလိုက်အပြုံလိုက် အကျဉ်းချထားတာပါ”

သတင်းတွေက ၀ီဂါတစ်သန်းလောက် ပိတ်လှောင်ခံထားရတယ်လို့ ရေးသားကြပေမယ့် တစ်ကယ်တမ်းမှာ ၃ သန်းလောက် ရှိတယ်လို့ ရှရီဗာက ထည့်သွင်းပြောဆိုခဲ့ပါတယ်။ ဘာ့ကြောင့် ‘အကျဉ်းစခန်း’ ဆိုတဲ့ စကားလုံးကို သုံးနှုန်းရသလဲလို့ မေးမြန်းရာမှာ ၀ီဂါ ၁၀ သန်းလောက်ရှိရာမှာ ၃ သန်းလောက်က ဖမ်းဆီးခံထားရတဲ့အတွက် သုံးနှုန်းရတာဖြစ်တယ်လို့ ပြန်လည်ဖြေကြားခဲ့ပါတယ်။

အမေရိကန်ရဲ့ ဒီမှတ်ချက်အတွက် တရုတ်ဖက်က တုန့်ပြန်တာမျိုး မရှိသေးပါဘူး။

ရှင်ကျန်းပြည်နယ်မှာ ၀ီဂါမွတ်စလင်တွေ ဖိနှိပ်ချုပ်ချယ်ခံနေရတယ်ဆိုတဲ့ သတင်းတွေကို တရုတ်အစိုးရက အကြိမ်ကြိမ် ငြင်းဆိုထားပါတယ်။ အကျဉ်းစခန်းတွေမှာ ပိတ်လှောင်ထားတယ်ဆိုတာလည်း မဟုတ်ဘဲ၊ အဆောင်သဘောမျိုးသာဖြစ်ကြောင်း၊ ၀ီဂါတွေကို အစွန်းရောက်တိုက်ဖျက်ရေးဆောင်ရွက်ကာ အသက်မွေးဝမ်းကြောင်းပညာ သင်ကြေားပေးနေတာဖြစ်ကြောင်း
အရင်က တုန့်ပြန်ပြောဆိုထားပါတယ်။

နာဇီခေတ်ကို ပြန်မြင်နေရ

အမေရိကန်နိုင်ငံခြားရေးဝန်ကြီး မိုက် ပွမ်ပီယိုက တရုတ်ရဲ့ ဒီလုပ်ရပ်တွေဟာ နာဇီဂျာမနီလက်ထက် ‘၁၉၃၀ ပြည့်နှစ်တွေ’ နဲ့ သွားတူနေတယ်လို့ ကြာသာပတေးနေ့မှာ ပြောကြားခဲ့ပါတယ်။

ဝီဂါကိစ္စအတွက် ရှင်ကျန်းပြည်နယ် အာဏာပိုင်တွေကို အမေရိကန်က ပိတ်ဆို့အရေးယူမှုတွေ ပြုလုပ်ထားပြီး တရုတ်အစိုးကတော့ ဒီအတွက် တူညီတဲ့ တုန့်ပြန်မှု ပြုလုပ်သွားမယ်လို့ ပြောကြားထားပါတယ်။

တရုတ်ကွန်မြူနစ်အစိုးရဟာ ရှင်ကျန်းပြည်နယ်မှာ ၀ီဂါတွေရဲ့ ဘာသာရေးလိုက်နာကျင့်သုံးမှုနဲ့ ယဉ်ကျေးမှုတွေကို နည်းလမ်းမျိုးစုံနဲ့ တားဆီးပိတ်ပင်နေတယ်လို့ အမေရိကန်က အရင်ကလည်း ပြောကြားခဲ့ဖူးပါတယ်။ လူ့အခွင့်အရေးအဖွဲ့တွေကလည်း ပြည်နယ်အတွင်း လူ့အခွင့်အရေးချိုးဖောက်မှုတွေ ပုံစံအမျိုးမျိုးနဲ့ ရှိနေတယ်လို့ အထောက်အထားတွေ စုဆောင်းကာ ဖော်ပြခဲ့ကြပါတယ်။

Ref: Reuters