နည်းပညာမြင့် လေယာဉ်တင်သင်္ဘောသစ်ကို တရုတ်က လျှို့ဝှက် တည်ဆောက်နေ

မေ ၉၊ ၂၀၁၉
M-Media

-တရုတ်ဟာ လက်ရှိ ရှိပြီးသား လေယာဉ်တင်သင်္ဘော ၂ စီးထက် ပိုမိုကြီးမားပြီး ခေတ်ပေါ်နည်းပညာတွေ အသုံးပြုထားတဲ့ လေယာဉ်တင်သင်္ဘောတစ်စင်းကို တည်ဆောက်နေတယ်လို့ အမေရိကန်အခြေစိုက် တတ်သိပညာရှင်များအဖွဲ့ Center for Strategic and International Studies က ဂြိုဟ်တု ပုံရိပ်တွေကို ကိုးကားပြီး ပြောကြားလိုက်ပါတယ်။

လေယာဉ်တင်သင်္ဘောသစ် ဆောက်လုပ်နေတယ်ဆိုတာကို တရုတ်က တရားဝင် ထုတ်ဖော်ပြောဆိုထားတာမျိုး မရှိပေမယ့် ပြီးခဲ့တဲ့နှစ် နိုဝင်ဘာလမှာ တရုတ်နိုင်ငံပါမီဒီယာက ‘မျိုးဆက်သစ် လေယာဉ်တင်သင်္ဘောတစ်စီး’ လာတော့မယ်လို့ အတည်ပြု ပြောကြားခဲ့ပါတယ်။

ပြီးခဲ့တဲ့တစ်ပတ် အမေရိကန် ကာကွယ်ရေးဝန်ကြီးဌာနက ထုတ်ပြန်တဲ့ ကြေငြာချက်မှာ တရုတ်ဟာ ဒီသင်္ဘောသစ်ကို ဆောက်လုပ်နေတယ်လို့ ဖော်ပြထားပါတယ်။

၂၀၁၉ ခုနှစ် ဧပြီလ ၁၇ ရက်နေ့က ရိုက်ယူထားတဲ့ ဂြိုဟ်တုဓာတ်ပုံတွေကို ကိုးကားပြီး CSIS အဖွဲ့က ထုတ်ပြန်တဲ့ အစီရင်ခံစာမှာ တရုတ်ဟာ Type 002 လေယာဉ်တင်သင်္ဘောကို နိုင်ငံတောင်ပိုင်း ကျန်းနန်သင်္ဘောကျင်းမှာ ဆောက်လုပ်နေပြီး၊ အသေးစိတ်အချက်အလက်တွေကို ရရှိဖို့ ခက်ခဲပေမယ့် ဒါဟာ တရုတ်ပြည်သူ့လွတ်မြောက်ရေးတပ်ဖွဲ့ရဲ့ တတိယမြောက် လေယာဉ်တင်သင်္ဘော ဖြစ်ဖွယ်ရှိတယ်လို့ ဖော်ပြထားပါတယ်။

တရုတ်ဟာ လက်ရှိမှာ Type 001 Liaoning လို့ အမည်ရတဲ့ လေယာဉ်တင်သင်္ဘောကို ရေတပ်မှာ အသုံးပြုနေပြီး ဆိုဗီယက်ခေတ်က မပြီးစီးခဲ့တဲ့ သင်္ဘောကို ၀ယ်ယူပြုပြင်ထားတာ ဖြစ်ပါတယ်။

ဒုတိယမြောက်ဖြစ်လာမယ့် Type 001A လေယာဉ်တင်သင်္ဘောကတော့ တရုတ်ပြည်တွင်းမှာ တည်ဆောက်တာဖြစ်ပါတယ်။ လက်ရှိ ဒီသင်္ဘောဟာ ၅ ကြိမ်မြောက် ပင်လယ်ပြင် စမ်းသပ်ခုတ်မောင်းမှု ပြီးစီးသွားပြီဖြစ်ပြီး ၂၀၁၉ ခုနှစ် နှစ်ကုန်ပိုင်းမှာ တပ်တော်ဝင်မယ်လို့ အမေရိကန်က ခန့်မှန်းထားပါတယ်။

ဒီလေယာဉ်တင်သင်္ဘော နှစ်ခုလစုံးဟာ ပုံမှန်သင်္ဘောတွေအတိုင်းသာဖြစ်ပြီး ခေတ်ဟောင်း လေယာဉ်ပျံတက်မှုစနစ် STOBAR ကို အသုံးပြုထားပါတယ်။ လက်ရှိတည်ဆောက်နေတဲ့ Type 002 သင်္ဘောကတော့ ပိုမိုကြီးမားကာ လေယာဉ်တွေ ပိုဆန့်နိုင်မှာဖြစ်သလို အန္တရာယ်ကင်းကင်းနဲ့ အတက်အဆင်းပြုလုပ်နိုင်မယ့် ခေတ်သစ် လေယာဉ်ပျံတက်မှုစနစ် CATOBAR လည်း ပါဝင်လာမယ်လို့ အမေရိကန် ကာကွယ်ရေး ၀န်ကြီးဌာနက သုံးသပ်ထားပါတယ်။

တတိယမြောက် လေယာဉ်တင်သင်္ဘောမှာ CATOBAR စနစ်မျိုး ပါဝင်လာတာဟာ တရုတ်နိုင်ငံအတွက် ကြီးမားတဲ့ ခြေလှမ်းသစ်တစ်ခု လှမ်းနိုင်တာဖြစ်ကြောင်း၊ ဒီလိုနည်းပညာမျိုးကို နိုင်ငံတစ်ချို့ကသာ သုံးနိုင်တဲ့အတွက် ကမ္ဘာ့ စစ်ရေးထိပ်တန်း နိုင်ငံအနည်းစုတွေထဲမှာ တရုတ် ပါဝင်လာစေမှာဖြစ်တယ်လို့ CSIS က တာဝန်ရှိသူ မက်သယူး ဖူနိုင်ဝိုလေးက Business Insider နဲ့ အရင်က အင်တာဗျူးတစ်ခုမှာ ပြောကြားခဲ့ပါတယ်။

Ref : Business Insider