နိုင်ငံခြားသားများအတွက် ခံစားခွင့်ပိုမိုပါဝင်မည့် အမြဲတမ်းနေထိုင်ခွင့် ပါမစ်သစ်ကို ဆော်ဒီထုတ်ပေးမည်

မေ ၉၊ ၂၀၁၉
M-Media

-နိုင်ငံခြားက စွန့်ဦးတီလုပ်ငန်းရှင်တွေ၊ ရင်းနှီးမြှုပ်နှံသူတွေနဲ့ ကျွမ်းကျင်လုပ်သားတွေအတွက် အရင်ကထက် ခံစားခွင့်တွေ ပိုမိုပါဝင်မယ့် အမြဲတမ်းနေထိုင်ခွင့်ပါမစ်အသစ် ထုတ်ပေးရေး ဥပဒေတစ်ခုကို ဆော်ဒီအတိုင်ပင်ခံကောင်စီက မနေ့မှာ အတည်ပြုလိုက်ပါတယ်။

ဒီဥပဒေကြောင့် နိုင်ငံခြား လုပ်ငန်းရှင်တွေ၊ အလုပ်သမားတွေဟာ ဆော်ဒီနိုင်ငံသား လုပ်ငန်းရှင်၊ အာမခံပေးသူတွေ မလိုအပ်ဘဲ အမြဲတမ်းနေထိုင်ခွင့်ပါမစ်ကို လျှောက်ထားနိုင်တော့မှာ ဖြစ်ပါတယ်။ အဲဒီ အမြဲတမ်းနေထိုင်ခွင့်လက်မှတ်ကို Privileged Iqama လို့ ခေါ်ဝေါ်ပြီး အမေရိကန်က Green Card နဲ့ ဆင်တူပါတယ်။

ပါမစ်ရရှိသူတွေဟာ ဆော်ဒီမှာ အမြဲတမ်းနေထိုင်ခွင့်အပြင် ၀န်ထမ်းခန့်ထားခွင့်၊ မြေယာ၊ အဆောက်အဦးနဲ့ အစီးအနင်းတွေ ပိုင်ဆိုင်ခွင့်၊ နိုင်ငံအတွင်း အချိန်မရွေး ၀င်ထွက်သွားလာခွင့်၊ မိသားစုနဲ့ ဆွေမျိုးတွေကို အလည်ဗီဇာနဲ့ ခေါ်ယူခွင့်တွေလို အခြား အခွင့်အရေးတွေကိုလည်း ခံစားနိုင်မှာ ဖြစ်ပါတယ်။

ဆော်ဒီရဲ့ အမြဲတမ်းနေထိုင်ခွင့်ပါမစ်မှာ နှစ်မျိုးရှိပြီး တစ်မျိုးက အချိန်ကန့်သတ်မထားတဲ့ ပါမစ်နဲ့ နောက်တစ်မျိုးက တစ်နှစ်သက်တမ်းရှိပြီး နှစ်စဉ် သက်တမ်းတိုးနိုင်မယ့် ပါမစ်တို့ ဖြစ်ပါတယ်။ လျှောက်ထားလိုသူတွေအနေနဲ့ သက်တမ်းမကုန်သေးတဲ့ နိုင်ငံကူးလက်မှတ်၊ ဆေးမှတ်တမ်း၊ ရာဇ၀တ်မှုကင်းရှင်းမှုမှတ်တမ်း၊ Credit မှတ်တမ်းတွေ လိုအပ်ပါတယ်။

၂၀၁၃ ခုနှစ် မှတ်တမ်းတွေအရ ဆော်ဒီအာရေဗျမှာ နိုင်ငံခြားအလုပ်သမား ၉ သန်းလောက်ရှိပြီး အများစုဟာ တောင်အာရှ၊ အရှေ့တောင်အာရှနဲ့ အာဖရိက နိုင်ငံတွေက ဖြစ်ပါတယ်။

Ref: Alarabiya