ကွန်ဂိုတွင် အီဘိုလာဖြစ်ပွားမှု တစ်ခြားနိုင်ငံများသို့ ကူးစက်နိုင်သည်ဟု WHO သတိပေး

မေ ၁၁၊ ၂၀၁၉
M-Media

-အာဖရိက အနောက်ခြမ်း ကွန်ဂိုနိုင်ငံမှာ ကျန်းမာရေးဝန်ထမ်းတွေ၊ ကျန်းမာရေးစင်တာတွေကို လက်နက်ကိုင်အဖွဲ့တွေက တိုက်ခိုက်မှု ဆက်လုပ်နေမယ်ဆိုရင် အီဘိုလာဟာ နယ်စပ်ကနေတစ်ခြားနိုင်ငံတွေအထိ ပြန့်နှံ့သွားနိုင်တယ်လို့ ကမ္ဘာ့ကျန်းမာရေးအဖွဲ့ WHO က သတိပေးလိုက်ပါတယ်။

လက်ရှိ ကွန်ဂိုနိုင်ငံမှာ ဖြစ်ပွားနေတဲ့ အီဘိုလာရောဂါ ကူးစက်မှုဟာ သမိုင်းတစ်လျှောက် ဒုတိယအဆိုးဆုံးဖြစ်ပြီး ၉ လတာအတွင်း လူပေါင်း ၁၁၀၅ ဦး သေဆုံးခဲ့ပြီ ဖြစ်ပါတယ်။ နိုင်ငံရေး မတည်ငြိမ်မှု၊ ကျန်းမာရေးဝန်ထမ်းတွေအပေါ် ပြည်သူလူထုက မယုံကြည်မှုတွေကြောင့် ရောဂါကူးစက်မှု တားဆီးရေး ဆောင်ရွက်ချက်တွေဟာ မျှော်မှန်းထားသလောက် ထိရောက်မှုမရှိ ဖြစ်နေပါတယ်။

မနေ့ကထုတ်ပြန်တဲ့ ကြေငြာချက်မှာ WHO က စီစဉ်ထားတဲ့ ဆောင်ရွက်ချက်တွေ ပြီးမြောက်မှုမရှိရင် နယ်စပ်က မြောက်ပိုင်းကီဗူနဲ့ အီတူရီ ပြည်နယ်တို့ကိုကျော်ကာ ရ၀မ်ဒါ၊ ယူဂန်ဒါနဲ့ တောင်ဆူဒန်တို့အထိ ပြန့်နှံ့သွားနိုင်တယ်လို့ ဖော်ပြခဲ့ပါတယ်။

လတ်တလော ရောဂါပြန့်နှံ့မှု အနေအထားအတွက် စိုးရိမ်မိတယ်လို့လည်း WHO ရဲ့ ညွှန်ကြားရေးမှူးချုပ် တီဒရို့စ် အဒ်ဟန်နွမ်က ပြောကြားခဲ့ပါတယ်။

“ကူးစက်မှု မြင့်မားလာတာကြောင့် ကွန်ဂိုကနေ ပတ်ဝန်းကျင်နိုင်ငံတွေကို ရောဂါပြန့်နှံ့မယ့်အန္တရာယ်ကလည်း မြင့်တက်လာပါတယ်။ ဒီအခြေအနေဆိုးကို ရပ်တန့်နိုင်တဲ့ အနေအထား ကျွန်တော်တို့မှာ ရှိနေပေမယ့် ဆောင်ရွက်ချက်တွေကို တိုက်ခိုက်မှု ဆက်လုပ်နေမယ်ဆိုရင် ရပ်တန့်ဖို့ တော်တော်လေး ခက်ခဲသွားပါလိမ့်မယ်”

အီဘိုလာရောဂါ အဓိကဖြစ်ပွားနေတဲ့ ဘူတမ်ဘိုမြို့က ကုသရေးစင်တာကို သူပုန်အဖွဲ့ Mai-Mai က အခုသီတင်းပတ်အစောပိုင်းမှာ ၀င်ရောက်တိုက်ခဲ့ပါတယ်။ မေလ ၃ ရက်နေ့ကလည်း ဘူတမ်ဘိုမြို့အရှေ့ပိုင်းက ကတ္တ၀ါမြို့မှာ ရောဂါကြောင့် သေဆုံးသူကို မြေမြှုပ်တဲ့အဖွဲ့ကို တိုက်ခိုက်မှု ဖြစ်ပွားခဲ့တာကြောင့် ဆေးဘက်ဆိုင်ရာ လုပ်ငန်းတွေကို ၅ ရက်ကြာ ရပ်ဆိုင်းခဲ့ရပါတယ်။

Ref: Aljazeera