ပြည်နယ်အတွင်း လူ့အခွင့်အရေးချိုးဖောက်မှုများကို ကုလကိုယ်စားလှယ်ထံ တင်ပြခွင့်မရဟု ရခိုင်အရပ်ဖက်အဖွဲ့များပြော

မေ ၁၇၊ ၂၀၁၉
M-Media

-ရခိုင်ပြည်နယ်က လတ်တလော တိုက်ပွဲတွေကြောင့် ဒုက္ခရောက်နေသူတွေရဲ့ မြေပြင် ပကတိအခြေအနေနဲ့ မြန်မာစစ်တပ်ရဲ့ လူ့အခွင့်အရေးချိုးဖောက်မှုတွေကို ကုလကိုယ်စားလှယ်ထံ တိုက်ရိုက်တင်ပြခွင့်မရခဲ့ဘူးလို့ ရခိုင်အရပ်ဖက်အဖွဲ့အစည်းတွေက ဝေဖန်ပြောကြားလိုက်ပါတယ်။

ကုလသမဂ္ဂ လူသားချင်း စာနာထောက်ထားမှုဆိုင်ရာ လက်ထောက်အထွေထွေအတွင်းရေးမှူးဖြစ်ပြီး အရေးပေါ် ကယ်ဆယ်ရေးဆိုင်ရာ လက်ထောက်ညှိနှိုင်းရေးမှူးလည်းဖြစ်တဲ့ အူရ်ဆူလာ မူလာဟာ မြန်မာနိုင်ငံကို မေလ ၉ ရက်နေ့ကစတင်ပြီး ၆ ရက်ကြာ လေ့လာရေးခရီး လာရောက်ခဲ့ပါတယ်။

ရှမ်းပြည်နယ်၊ ကချင်ပြည်နယ်နဲ့ ရခိုင်ပြည်နယ်တို့ကို သွားရောက်လေ့လာရာမှာ ရှမ်းပြည်နယ်နဲ့ ကချင်ပြည်နယ်တို့မှာ ခရီးစဉ်ချောမွေ့ခဲ့ပေမယ့် တနင်္လာနေ့က ရခိုင်ပြည်နယ်မြောက်ပိုင်းကို သွားရောက်မှုအတွင်း စစ်ပွဲကြောင့် အိုးအိမ်စွန့်ခွာထွက်ပြေးရတဲ့ ရခိုင်လူမျိုးတွေနေထိုင်ရာ စခန်းတွေကို ၀င်ရောက်ခွင့် မရခဲ့ပါဘူး။ မြန်မာအစိုးရအာဏာပိုင်တွေကတော့ သူမရဲ့ လုံခြုံရေးကြောင့် ၀င်ရောက်ခွင့်မပြုတာ ဖြစ်တယ်လို့ ပြောကြားခဲ့ပါတယ်။

ခရီးစဉ်အပြီး ထုတ်ပြန်တဲ့ ကြေငြာချက်မှာ မူလာက ကချင်ပြည်နယ်က ဒုက္ခသည်စခန်းတွေမှာ စိန်ခေါ်မှုတွေနဲ့ ရင်ဆိုင်နေရသလို၊ ရခိုင်ပြည်နယ်စစ်တွေက ရိုဟင်ဂျာဒုက္ခသည်စခန်းတွေမှာလည်း လွတ်လပ်စွာ သွားလာခွင့်မရတာ၊ ကျန်းမာရေးစောင့်ရှောက်မှုနဲ့ ပညာသင်ကြားခွင့်မရတာ တွေ ရှိနေတယ်လို့ ဖော်ပြခဲ့ပါတယ်။

စစ်တွေအခြေစိုက် ရခိုင်လူမှုကူညီရေးအသင်းတစ်ခုဖြစ်တဲ့ ‘၀ံလက်ဖောင်ဒေးရှင်း’ က ဦးခိုင်ကောင်းစံက သူတို့ဟာ မူလာနဲ့ တိုက်ရိုက်မတွေ့ရဘဲ ကုလရဲ့ လူသားချင်း စာနာထောက်ထားမှုဆိုင်ရာရုံး UNOCHA ရဲ့ မြန်မာနိုင်ငံဆိုင်ရာ ဌာနေကိုယ်စားလှယ်က မူလာထံ တင်ပြပေးမယ်လို့ဆိုကာ အရပ်ဖက်အဖွဲ့အစည်း ၆ ခုထံကနေ အချက်အလက်တွေ တောင်းယူသွားတယ်လို့ ပြောကြားခဲ့ပါတယ်။

သတင်းအချက်အလက်တွေကို စနစ်တကျ မှတ်တမ်းတင်ထားတဲ့ Rakhine Ethnic Congress (REC) အဖွဲ့က ဒုက္ခသည်စခန်းတွေမှာ နေထိုင်နေရတဲ့သူတွေအတွက် အကူအညီပေးပို့မှုတွေကို အစိုးရစစ်တပ်နဲ့ အစိုးရအာဏာပိုင်တွေက မကြာခဏ ပိတ်ပင်မှုတွေ
ရှိနေကြောင်း ကမ္ဘ္ဘာ့ စားနပ်ရိက္ခာ အစီအစဉ် (WFP) နဲ့ နိုင်ငံတကာ ကြက်ခြေနီအဖွဲ့ (ICRC) တို့က အကူအညီအချို့ကလွဲရင် အခြား နိုင်ငံတကာအဖွဲ့အစည်းတွေ၊ ဒေသတွင်းက အရက်ဖက်အဖွဲ့အစည်းတွေရဲ့ အကူအညီကိုလည်း ခွင့်မပြုကြောင်း UNOCHA ကို ပြောကြားခဲ့ပါတယ်။

ရခိုင်ပြည်နယ်မှာ လူသားချင်း စာနာထောက်ထားမှု၊ ဖွံ့ဖြိုးတိုးတက်ရေးနဲ့ ငြိမ်းချမ်းရေး ဆောင်ရွက်နေတဲ့ Rakhine Coordination Group အဖွဲ့နဲ့ တွေ့ဆုံခဲ့တဲ့ ဓာတ်ပုံကို တနင်္လာနေ့မှာ မူလာက Twitter စာမျက်နှာမှာ လွှင့်တင်ခဲ့ပေမယ့် ရခိုင်အရပ်ဖက်အဖွဲ့အစည်းတွေကတော့
တွေ့ဆုံပွဲမှာ ဒေသတွင်းက ကိုယ်စားလှယ်တွေမပါဝင်ဘဲ နိုင်ငံတကာ အကူအညီပေးရေးအဖွဲ့တွေက လူတွေပဲ ပါဝင်တယ်လို့ ဆိုပါတယ်။

ပြည်နယ်အတွင်း လတ်တလောဖြစ်နေတဲ့ လူသားချင်းစာနာထောက်ထားမှုဆိုင်ရာ ပြဿနာတွေနဲ့ လူ့အခွင့်အရေး ချိုးဖောက်မှုတွေကို ပိုမိုနားလည်ဖို့ဆိုရင် ကုလကိုယ်စားလှယ်တွေအနေနဲ့ အောက်ခြေအုပ်စုတွေရဲ့ အသံကို နားထောင်သင့်ကြောင်း ဦးခိုင်ကောင်းစံက ပြောကြားခဲ့ပါတယ်။

မူလာကို ရခိုင်ပြည်နယ်တစ်ဝှမ်းလုံး သွားခွင့်မပေးတဲ့ အစိုးရအာဏာပိုင်တွေကို ဦးခိုင်ကောင်းစံက ဝေဖန်ခဲ့ပြီး မြောက်ဦးမြို့က ထောင်နဲ့ချီတဲ့ ဒုက္ခသည်တွေကို သွားတွေ့ခွင့်ပေးသင့်ကြောင်းလည်း ထည့်သွင်းပြောဆိုခဲ့ပါတယ်။

ပြီးခဲ့တဲ့နှစ်နှောင်းပိုင်းကစတင်ကာ ရခိုင်ပြည်နယ်အတွင်း အစိုးရစစ်တပ်နဲ့ ရခိုင်လက်နက်ကိုင်တပ်ဖွဲ့ AA တို့အကြား တိုက်ပွဲတွေ မကြာခဏ ဖြစ်ပွားခဲ့တာကြောင့် အိုးအိမ်စွန့်ခွာထွက်ပြေးရသူ အရေအတွက်ဟာ ၄ သောင်းအထိ ရှိလာပြီး၊ အားကစားကွင်းတွေ၊ ဘုန်းကြီးကျောင်းတွေ၊ စာသင်ကျောင်းတွေ၊ လယ်ကွင်းတွေထဲက ယာယီတဲတွေမှာ ခိုလှုံနေရပါတယ်။

Rakhine Ethnic Congress (REC) က တာဝန်ရှိသူ ကိုဇော်ဇော်ထွန်းက အစိုးရနဲ့ နိုင်ငံတကာ အကူအညီပေးရေးအဖွဲ့တွေဟာ ဒုက္ခသည်တွေနေထိုင်ဖို့ သင့်လျော်တဲ့ ရောထိုင်ခင်းမျိုး မဖန်တီးပေးဘူးလို့ ဝေဖန်ခဲ့ပြီး မိုးရာသီရောက်တော့မှာဖြစ်တဲ့အတွက် ဒုက္ခသည်တွေဟာ အန္တရာယ်ရှိနေတယ်လို့ ပြောကြားခဲ့ပါတယ်။

Ref: Irrawaddy

(Irrawaddy အင်္ဂလိပ်ပိုင်းမှသတင်းကို ကောက်နှုတ်ပြန်ဆိုပါသည်)