အိန္ဒိယရွေးကောက်ပွဲတွင် ၀န်ကြီးချုပ် မိုဒီ၏ပါတီ ထပ်မံအနိုင်ရရှိ

မေ ၂၄၊ ၂၀၁၉
M-Media

-ဧပြီလကတည်းက စတင်ကျင်းပခဲ့တဲ့ အိန္ဒိယရွေးကောက်ပွဲမှာ ၀န်ကြီးချုပ်မိုဒီ ဦးဆောင်တဲ့ ဟိန္ဒူအမျိုးသားရေးပါတီ BJP က သောင်ပြိုကမ်းပြို အနိုင်ရတယ်ဆိုတဲ့ သတင်းတွေ ထွက်ပေါ်လာခဲ့ပြီး မိုဒီက ပြီးပြည့်စုံတဲ့ အနာဂတ်တစ်ခုဆီ လျှောက်လှမ်းသွားမယ်လို့ ကတိပြု ပြောကြားခဲ့ပါတယ်။

ရွေးကောက်ပွဲ နောက်ဆုံးရလဒ် ပေါ်ထွက်မလာသေးပေမယ့် လက်ရှိ မဲရေတွက်မှုအရ အောက်လွှတ်တော် အမတ်အရေအတွက် ၅၄၃ နေရာမှာ BJP ပါတီက အများစု အနိုင်ရရမယ့် အမတ်နေရာထက် ကျော်လွန်ကာ ၃၀၂ နေရာ ရရှိထားတယ်ဆိုတာ တွေ့ခဲ့ရပါတယ်။

BJP ရဲ့ အဓိကပြိုင်ဘက် ကွန်ဂရက်ပါတီက ၅၁ နေရာသာ အနိုင်ရရှိထားပြီး ပါတီခေါင်းဆောင် ရာဟူးလ်ဂန္ဒီက ရွေးကောက်ပွဲရှုံးနိမ့်ကြောင်း လက်ခံခဲ့သလို၊ မိုဒီကိုလည်း ဂုဏ်ပြုခဲ့ပါတယ်။

“အတူအကွ ရှေ့ဆက်ကြမယ်။ အတူတကွ အောင်မြင်အောင်လုပ်ကြမယ်။ အင်အားတောင့်တင်းပြီး၊ ပြီးပြည့်စုံတဲ့ အိန္ဒိယနိုင်ငံကို အတူတကွ တည်ဆောက်ကြမယ်။ အိန္ဒိယနိုင်ငံ တစ်ဖန်ပြန်အောင်ပွဲခံပါပြီ” လို့ ၀န်ကြီးချုပ် မိုဒီက Twitter စာမျက်နှာမှာ ရေးသားခဲ့ပါတယ်။

ရလဒ်ပေါ်ထွက်လာခဲ့ပြီးတဲ့နောက် မြို့တော်ဒေလီက BJP ဌာနချုပ်ရှေ့မှာ လူပေါင်းများစွာ စုဝေးအောင်ပွဲခံခဲ့ကြပါတယ်။ BJP ပါတီဟာ ၂၀၁၄ ခုနှစ်ကထက်ယှဉ်ရင် အခုရွေးကောက်ပွဲမှာ စွမ်းဆောင်ရည် ပိုမိုကောင်းမွန်ခဲ့ပါတယ်။

“ဒါဟာ မိုဒီရဲ့အောင်ပွဲ မဟုတ်ပါဘူး။ ပြည်သူတွေရဲ့ မျှော်လင့်ချက်၊ အားကိုးမှုတွေရဲ့ အောင်ပွဲပါ။ ရွေးကောက်ပွဲမှာ ဘာတွေပဲဖြစ်ခဲ့ဖြစ်ခဲ့ နောက်ချန်ထားပြီး ရှေ့ဆက်လျှောက်ရပါမယ်။ ခါးသီးတဲ့ အတိုက်အခံတွေအပါအ၀င် လူတိုင်းကို လက်တွဲခေါ်ရမှာပါ” လို့ မိုဒီက နယူးဒေလီက BJP ရုံးချုပ်ရှေ့မှာ အောင်ပွဲခံသူတွေကို ပြောကြားခဲ့ပါတယ်။

Ref: Aljazeera