အရှေ့အလယ်ပိုင်းတွင် တပ်ထပ်ချမည့် အမေရိကန်၏ အစီအစဉ် အလွန်အန္တရာယ်ရှိဟု အီရန်ပြော

မေ ၂၅၊ ၂၀၁၉
M-Media

-အရှေ့အလယ်ပိုင်းမှာ တပ်တွေ ထပ်တိုးချမယ့် အမေရိကန်ရဲ့ အစီအစဉ်ဟာ နိုင်ငံတကာ ငြိမ်းချမ်းရေးအတွက် အလွန် အန္တရာယ်များတဲ့လုပ်ရပ် ဖြစ်တယ်လို့ အီရန်နိုင်ငံခြားရေးဝန်ကြီး ဂျာဗဒ်ဇာရစ်ဖ်က ပြောကြားလိုက်ပါတယ်။

အမေရိကန်က အရှေ့အလယ်ပိုင်းဒေသမှာ နောက်ထပ် တပ်ဖွဲ့ဝင် ၁၅၀၀ ချထားမယ်လို့ မနေ့က ထုတ်ပြန်ပြောကြားခဲ့ပြီး အီရန်ရဲ့ ရန်ကနေ ကာကွယ်ဖို့ ဆောင်ရွက်မှု တစ်စိတ်တစ်ပိုင်းဖြစ်တယ်လို့ ဆိုပါတယ်။

ဇာရစ်ဖ်ကတော့ အမေရိကန်ရဲ့ တပ်တွေ ထပ်တိုးချထားမယ့် အစီအစဉ်ကို ဝေဖန်ခဲ့ပါတယ်။

“ကျွန်တော်တို့ ဒေသအတွင်းမှာ အမေရိကန်ရဲ့ တည်ရှိမှုကို တိုးချဲ့တာဟာ နိုင်ငံတကာ ငြိမ်းချမ်းရေးနဲ့ လုံခြုံရေးအတွက် တော်တော်လေးကို အန္တရာယ်ရှိပြီး ဒါကို ဖြေရှင်းရပါမယ်”

တပ်တွေ ထပ်တိုးချထားဖို့ အမေရိကန်က အကြောင်းပြချက် ပေးရာမှာ မေလ ၁၂ ရက်နေ့က ယူအေအီးနိုင်ငံ ဖူဂျိုင်ရာ ကမ်းလွန်မှာ ရေနံတင်သင်္ဘော ၄ စင်း တိုက်ခိုက်ခံရမှုလည်း ပါဝင်ပါတယ်။ တိုက်ခိုက်မှုအတွင်း သူတို့ သင်္ဘော ၂ စီးဟာ ဆိုးဆိုးရွားရွား ထိခိုက်ခဲ့တယ်လို့ ဆော်ဒီအာရေဗျက ထုတ်ပြန်ထားပါတယ်။

အမေရိကန်တာဝန်ရှိသူတွေက တိုက်ခိုက်မှုမှာ အီရန်ပါဝင်တယ်ဆိုတာ ကနဦး သုံးသပ်မှုတွေအရ သိရတယ်လို့ ထုတ်ပြန်ထားပေမယ့် အသေးစိတ်အချက်အလက်တွေကတော့ ထွက်မလာသေးပါဘူး။

သမ္မတထရမ့်က တပ်တွေ ထပ်တိုးချထားဖို့ စီစဉ်မှုဟာ အရှေ့အလယ်ပိုင်းမှာရှိနေတဲ့ အမေရိကန်တပ်တွေရဲ့ လုံခြုံရေးအတွက် ဖြစ်တယ်လို့ မနေ့က ဂျပန်ကို မသွားရောက်ခင် သတင်းစာရှင်းလင်းပွဲမှာ ပြောကြားခဲ့ပါတယ်။

၂၀၁၅ ခုနှစ် နျူသဘောတူညီချက်နေ နှုတ်ထွက်ကြောင်း ပြီးခဲ့တဲ့နှစ် မေလမှာ ထရမ့်က ပြောကြားခဲ့ပြီးတဲ့နောက်ပိုင်း အမေရိကန်နဲ့ အီရန်တို့အကြား တင်းမာမှုတွေ မြင့်တက်လာတာပါ။ အမေရိကန်ဟာ အီရန်အပေါ် ပြင်းထန်တဲ့ စီးပွားရေးပိတ်ဆို့မှုတွေ ပြန်လုပ်ခဲ့သလို အခုလမှာတော့ အရှေ့အလယ်ပိုင်းဒေသမှာ လေယာဉ်တင်သင်္ဘော၊ ဗုံးကြဲလေယာဉ်နဲ့ ပက်ထရီယော့ ဒုံးခွင်းစနစ် ချထားတာတွေ လုပ်ဆောင်ခဲ့ပါတယ်။

Ref: Aljazeera