ဧ၀ရက်တောင်တွင် လူကြပ်မှု နောက်ဆက်တွဲပြဿနာကြောင့် သေဆုံးသူ ၁၀ ဦးအထိ ရှိလာ

မေ ၂၅၊ ၂၀၁၉
M-Media

-တောင်တက်ရာသီ လူကြပ်မှုရဲ့ နောက်ဆက်တွဲကြောင့် ဧ၀ရက်တောင်ထိပ်မှာ သေဆုံးသူအရေအတွက်ဟာ အခုလအတွင်း ၁၀ ဦးအထိ ရှိလာခဲ့ပြီလို့ နီပေါအာဏာပိုင်တွေက ထုတ်ပြန်ပြောကြားလိုက်ပါတယ်။

ဒီနေ့မနက်ပိုင်းမှာ အသက် ၄၄ နှစ်အရွယ် ဗြိတိန်တောင်တက်သမား ရော်ဘင် ဟေးနက်စ်ဖစ်ရှာဆိုသူဟာ တောင်ထိပ်ကနေ ပြန်အဆင်း အမြင့် မီတာ ၈၇၀၀ မှာ ရုတ်တရက် လဲကျသေဆုံးခဲ့ပါတယ်။ သောကြာနေ့က အိုင်ယာလန်နိုင်ငံသားတစ်ဦး အမြင့် မီတာ ၇၀၀၀ မှာ သေဆုံးခဲ့သလို၊ အသက် ၃၃ နှစ်အရွယ် နီပေါနိုင်ငံသား တစ်ဦးလည်း တောင်ခြေစခန်းမှာ သေဆုံးခဲ့ပါတယ်။

ပြီးခဲ့တဲ့တစ်ပတ်အတွင်း အိန္ဒိယနိုင်ငံသား အမျိုးသမီး ၂ ဦးနဲ့ အမျိုးသား ၁ ဦးတို့ တောင်ပေါ်ကနေ ပြန်အဆင်းမှာ သေဆုံးခဲ့ကြပြီး၊ အခုလ အစောပိုင်းမှာ အမေရိကန်၊ အိန္ဒိယရဲ့ သြစတြီးယား တောင်တက်သမားတွေလည်း သေဆုံးခဲ့ပါတယ်။ မေလ ၁၆ ရက်နေ့က ပျောက်ဆုံးသွားတဲ့ အိုင်ယာလန်နိုင်ငံသား တောင်တက်သမားတစ်ဦးကိုတော့ အာဏာပိုင်တွေက သေဆုံးပြီလို့ ယူဆခဲ့ကြပါတယ်။

ရာသီဥတုကောင်းမွန်လေ့ရှိတဲ့ အခုလို တောင်တက်ရာသီမှာ ဧ၀ရက်တောင်နဲ့ ဟိမ၀န္တာက အခြား တောင်တွေကို တာင်တက်သမားတွေ ရာနဲ့ချီ တက်ကြတာကြောင့် တောင်ပေါ်မှာ တန်းစီ စောင့်ဆိုင်းရတာတွေ ရှိနေတယ်လို့ နီပေါအာဏာပိုင်တွေက ပြောပါတယ်။ တောင်ပေါ်မှာ အကြာကြီးနေရတာကြောင့် နှင်းကိုက်တာ၊ လေဖိအားကြောင့် ဖြစ်တတ်တဲ့ ရောဂါတွေကို တောင်တက်သမားတွေက ခံစားနေရကြရပြီး နောက်ဆက်တွဲ သေဆုံးမှုတွေလည်း ဖြစ်ပေါ်နေတာ ဖြစ်ပါတယ်။

Ref: Aljazeera