ပါလက်စတိုင်းနိုင်ငံပေါ်ပေါက်မှ အရှေ့အလယ်ပိုင်းပြဿနာ ပြေလည်မည်ဟု ဂျော်ဒန်ဘုရင် သတိပေး

မေ ၃၁၊ ၂၀၁၉
M-Media

-အရှေ့အလယ်ပိုင်းဒေသမှာ ငြိမ်းချမ်းရေး ရဖို့အတွက်ဆိုရင် လွတ်လပ်တဲ့ ပါလက်စတိုင်းနိုင်ငံ ဖြစ်ပေါ်လာရေးဟာ မပါမဖြစ် ပါဝင်ရမယ့် အရာဖြစ်တယ်လို့ အမေရိကန်သမ္မတ ဒေါ်နယ်ထရမ့်ရဲ့အကြံပေး ဂျာရဒ် ကက်ရ်ှနာကို ဂျော်ဒန်ဘုရင် အဘ်ဒူလာက ပြောကြားလိုက်ပါတယ်။

ထရမ့်ရဲ့ သားမက်လည်းဖြစ်တဲ့ ကက်ရ်ှနာဟာ ပါလက်စတိုင်း-အစ္စရေး ပြဿနာဖြေရှင်းရေး အဓိကထား ဆောင်ရွက်နေသူ ဖြစ်ပါတယ်။ အမေရိကန်ဟာ လာမယ့်လအတွင်း ဒီကိစ္စအတွက် အဆိုပြုချက်တစ်ခု ထုတ်ပြန်ဖို့ရှိနေပြီး အဲဒီအထဲမှာ ပါလက်စတိုင်းကို လွတ်လပ်တဲ့ အချုပ်အခြာအာဏာပိုင် နိုင်ငံဖြစ်ရေးကိစ္စ ပါဝင်မှာ မဟုတ်ဘူးလို့ သတင်းတွေ ကျယ်ကျယ်ပြန့်ပြန့် ထွက်ပေါ်နေပါတယ်။

ကက်ရ်ှနာဦးဆောင်တဲ့ အမေရိကန်ကိုယ်စားလှယ်အဖွဲ့ကို ဗုဒ္ဓဟူးနေ့က လက်ခံတွေ့ဆုံစဉ် ဘုရင် အဘ်ဒူလာက မထုတ်ပြန်သေးတဲ့ အမေရိကန်ရဲ့ အဆိုပြုချက်နဲ့ပတ်သက်ပြီး အလွန်အမင်း စိုးရိမ်မိကြောင်း ပြောကြားခဲ့သလို၊ ၁၉၆၇ ခုနှစ် စစ်ပွဲမှာ အစ္စရေးက ကျူးကျော်သိမ်းပိုက်ထားတဲ့ ပါလက်စတိုင်းဒေသတွေကနေ တပ်တွေ ရုပ်သိမ်းပေးရမယ်လို့လည်း ပြောဆိုခဲ့ပါတယ်။

“အရှေ့ဂျေရုစလင်ကို မြို့တော်အဖြစ်ထားပြီး၊ ၁၉၆၇ ခုနှစ် ဇွန်လ ၄ ရက်နေ့မတိုင်ခင် ရှိခဲ့တဲ့ နယ်မိတ်အတိုင်း လွတ်လပ်တဲ့ ပါလက်စတိုင်းနိုင်ငံ ပေါ်ပေါက်လာစေမယ့် နှစ်နိုင်ငံတည်ရှိရေးကို အခြေခံ ဆောင်ရွက်မှသာလျှင် ပြီးပြည့်စုံပြီး ရေရှည်တည်တံ့မယ့် ငြိမ်းချမ်းရေးကို ရရှိမှာဖြစ်ကြောင်း ဘုရင်မင်းမြတ်က အလေးထား ပြောကြားခဲ့ပါတယ်” လို့ ဂျော်ဒန်နန်းတော်က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

အရှေ့ဂျေရုစလင်၊ ဂါဇာနဲ့ အနောက်ဖက်ကမ်းတို့ ပါဝင်တဲ့ လွတ်လပ်တဲ့ ပါလက်စတိုင်းနိုင်ငံဟာ အစ္စရေးနဲ့အတူ ယှဉ်တွဲတည်ရှိရေးမူကို ကမ္ဘာ့နိုင်ငံတွေနဲ့အတူ အမေရိကန်က အစဉ်တစ်စိုက် လက်ခံလာပေမယ့် ထရမ့်လက်ထက် ပြီးခဲ့တဲ့နှစ်မှာတော့ ပါလက်စတိုင်းကို အစ္စရေးအောက်မှာ
သွင်းပြီး ပြဿနာပြေလည်အောင် လုပ်လို့ရတယ်လို့ ပြောကြားခဲ့ပါတယ်။

လာမယ့်လ ဘာရိန်းနိုင်ငံ မာနာမာမှာလုပ်မယ့် စီးပွားရေးဖိုရမ်မှာ အမေရိကန်ရဲ့ ပါလက်စတိုင်း-အစ္စရေးပြဿနာ ဖြေရှင်းရေး အဆိုပြုချက် ပထမပိုင်းကို ထုတ်ပြန်မှာ ဖြစ်ပါတယ်။

ဂျော်ဒန်ဘုရင် အဘ်ဒူလာက အဲဒီအဆိုပြုချက်ဟာ ကာလကြာရှည် ရှိခဲ့တဲ့ နှစ်နိုင်ငံတည်ရှိရေးမူကို ငြင်းပယ်မှာ စိုးရိမ်တယ်လို့ ထည့်သွင်း ပြောဆိုခဲ့ပါတယ်။

ထရမ့်ဟာ ပြီးခဲ့တဲ့နှစ်က ဂျေရုစလင်ကို အစ္စရေးမြို့တော်အဖြစ် အသိအမှတ်ပြုခဲ့ပြီး ပါလက်စတိုင်းနဲ့ ကမ္ဘာ့နိုင်ငံတွေက ဒီလုပ်ရပ်ကို ရှုတ်ချခဲ့ပါတယ်။ လာမယ့်လထုတ်ပြန်မယ့် အဆိုပြုချက်ဟာလည်း မျှတမမှုရှိမှာမဟုတ်တဲ့အတွက် လက်မခံဘူးလို့ ပါလက်စတိုင်းတွေက ပြောကြားထားပါတယ်။

Ref: Aljazeera