အီစတာနေ့ ဗုံးခွဲမှုကို မတားဆီးနိုင်ခြင်းမှာ သမ္မတကြောင့်ဟု သီရိလင်္ကာရဲချုပ် ဝေဖန်ပြောဆို

ဇွန် ၂၊ ၂၀၁၉
M-Media

-ပြီးခဲ့တဲ့လမှာ ဖြစ်ပွားခဲ့တဲ့ အီစတာနေ့ ဗုံးခွဲမှုတွေကို တားဆီးဖို့ပျက်ကွက်သူဟာ သမ္မတ မိုင်သရီပါလာ ဆရီစီနာဖြစ်တယ်လို့ တာဝန်က ရပ်ဆိုင်းခံထားရတဲ့ သီရိလင်္ကာရဲချုပ်က တရားရုံးချုပ်ကို တင်သွင်းတဲ့ အစီရင်ခံစာမှာ ရေးသားဖော်ပြထားပါတယ်။

စာမျက်နှာ ၂၀ ပါ အဲဒီ အစီရင်ခံစာကို ရဲချုပ် ပူဂျစ် ဂျာယာဆောင်ဒရာက ပြီးခဲ့တဲ့တစ်ပတ်မှာ တရားရုံးကို တင်သွင်းခဲ့တာဖြစ်ပြီး ဆရီစီနာ လက်အောက်မှာရှိတဲ့ ထောက်လှမ်းရေးအဖွဲ့တွေနဲ့ လုံခြုံရေးအဖွဲ့တွေရဲ့ ဆက်သွယ်ဆောင်ရွက်မှု အားနည်းချက်တွေကို အသေးစိတ် ဖော်ပြထားပါတယ်။

အစွန်းရောက် အစစ်သွေးကြွတွေနဲ့ပတ်သက်ပြီး ရဲတပ်ဖွဲ့ စုံစမ်းထောက်လှမ်းမှုတွေကို ရပ်တန့်ဖို့ သမ္မတကို တိုက်ရိုက်အစီရင်ခံစာတင်ရတဲ့ ထောက်လှမ်းရေးအဖွဲ့ SIS က ပြီးခဲ့တဲ့နှစ်ကတည်းက အမိန့်ပေးခဲ့တယ်လို့ ဂျာယာဆောင်ဒရာက ရေးသားထားပါတယ်။

ရဲတပ်ဖွဲ့က စုံစမ်းထောက်လှမ်းမှုတွေ ပြုလုပ်နေတဲ့ အဖွဲ့တွေထဲမှာ အီစတာနေ့ ဗုံးခွဲတိုက်ခိုက်မှုကို ပြုလုပ်ခဲ့တဲ့ NTJ အဖွဲ့လည်း ပါဝင်ပါတယ်။ ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုတို့အပါအ၀င် နေရာ ၈ နေရာမှာ ပြုလုပ်ခဲ့တဲ့ အသေခံ ဗုံးခွဲမှုတွေကြောင့် လူ ၂၀၀ ကျော် သေဆုံးခဲ့ပြီး အများအပြား ဒဏ်ရာရာခဲ့ပါတယ်။

NTJ က ဒီလို တိုက်ခိုက်မှုတွေ လုပ်ဆောင်မယ့်အကြောင်း အိန္ဒိယက ထောက်လှမ်းရေးသတင်းအချက်အလက်တွေ ပေးပို့ခဲ့ပေမယ့် SIS အကြီးအကဲ နီလန်သာ ဂျာယာဝါဒီနာက ရဲတပ်ဖွဲ့ကို ပြန်လည်မျှဝေတာမျိုး မလုပ်ခဲ့ဘူးလို့လည်း ဂျာယာဆောင်ဒရာက တရားရုံးကို ပေးပို့တဲ့ သူ့ရဲ့ အစီရင်ခံစာမှာ ပြစ်တင်ပြောဆိုထားပါတယ်။

ဆရီစီနာက တိုက်ခိုက်မှုအတွက် တာဝန်ခံမှုမရှိဘူးဆိုတဲ့ အကြောင်းပြချက်နဲ့ ဂျာယာဆောင်ဒရာကို ရာထူးကနေ ရပ်ဆိုင်းခဲ့ပြီး ရှေ့နေချုပ်ကလည်း ဒီကိစ္စကို စုံစမ်းစစ်ဆေးပေးဖို့ တရားရုံးချုပ်ကို တောင်းဆိုခဲ့ပါတယ်။

ဂျာယာဆောင်ဒရာက ဗုံးခွဲမှုအတွက် တာဝန်ခံပြီး နှုတ်ထွက်ပေးမယ်ဆိုရင် သံတမန်ရာထူးတစ်ခုပေးမယ်လို့ ဆရီစီနာဖက်က ကမ်းလှမ်းခဲ့ကြောင်း၊ ဒါပေမယ့် ဒီကိစ္စမှာ မိမိက တာဝန်မရှိတဲ့အတွက် ဒီကမ်းလှမ်းမှုကို ငြင်းဆိုခဲ့ကြောင်းလည်း အစီရင်ခံစာမှာ ထည့်သွင်း ရေးသားထားပါတယ်။

ပြီးခဲ့တဲ့နှစ် အောက်တိုဘာလက သီရိလင်္ကာသမ္မတ ဆရီစီနာနဲ့ ၀န်ကြီးချုပ် ရာနီးလ် ၀စ်ကရီဆင်ဟီတို့အကြား ဖြစ်ပွားခဲ့တဲ့ အာဏာလွန်ဆွဲပွဲပြီးနောက် သမ္မတက သူ့ကို ချောင်ထိုးထားတယ်လို့လည်း ဂျာယာဆောင်ဒရီက ပြောကြားခဲ့ပါတယ်။

ဆရီစီနာဟာ ဗုံးခွဲတိုက်ခိုက်မှုနဲ့ပတ်သက်ပြီး ထောက်လှမ်းရေးအကြီးအကဲ တစ်ဦးဖြစ်တဲ့ ဆီဆီရာ မန်ဒစ်ကို ပြီးခဲ့တဲ့ ရက်အနည်းက ပြစ်တင်ပြောဆိုခဲ့ပါတယ်။ မန်ဒစ်က ဆရီစီနာဟာ တိုက်ခိုက်မှု သတိပေးချက်နဲ့ပတ်သက်ပြီး နိုင်ငံတော် လုံခြုံရေးကောင်စီ အစည်းအဝေးခေါ်ယူကာ ဆွေးနွေးလုပ်ဆောင်ခဲ့ခြင်းမရှိကြောင်း၊ ဒီလိုသာ လုပ်ဆောင်ခဲ့မယ်ဆိုရင် အီစတာနေ့ ဗုံးခွဲမှုတွေကို ရှောင်ရှားနိုင်မှာဖြစ်ကြောင်း လွှတ်တော်မှာ ပြောကြားခဲ့ပါတယ်။

ဆရီစီနာကတော့ မန်ဒစ်ရဲ့ ဒီပြောကြားမှုတွေကို ငြင်းဆိုခဲ့ပါတယ်။

Ref: CNA