ရုရှားထံမှ S-400 ဒုံးခွင်းနစ် ၀ယ်ယူမှု ပြီးစီးသွားပြီဟု တူရကီသမ္မတ ပြော

ဇွန် ၁၃၊ ၂၀၁၉
M-Media

-S-400 ဒုံးခွင်းစနစ်ကို ရုရှားထံကနေ ၀ယ်ယူမှု ပြီးစီးသွားပြီဖြစ်ပြီး လာမယ့်လမှာ စတင် ပို့ဆောင်ပေးလိမ့်မယ်လို့ တူရကီသမ္မတ အာဒိုဂန်က မနေ့မှာ ပြောကြားလိုက်ပါတယ်။

အဲဒီ ဒုံးခွင်းစနစ် ၀ယ်ယူမယ့်ကိစ္စနဲ့ပတ်သက်လို့ တူရကီနဲ့ အမေရိကန်တို့ဟာ ပြီးခဲ့တဲ့ လအနည်းငယ်က စတင်ကာ တင်းမာမှုတွေ ဖြစ်ပွားခဲ့ပါတယ်။ S-400 ဟာ နေတိုးအဖွဲ့ရဲ့ ကာကွယ်ရေး အစီအစဉ်နဲ့ ကိုက်ညီမှာမဟုတ်ဘူးလို့ အမေရိကန်က ပြောကြားထားပါတယ်။

“တူရကီက S-400 ဒုံးခွင်းစနစ်ကို အပြီးသတ် ၀ယ်ယူပြီးပါပြီ။ ဒီသဘောတူညီချက်က ရရှိပြီးသား သဘောတူညီချက်လည်း ဖြစ်ပါတယ်။ နောက်လမှာ ကျွန်တော်တို့တိုင်းပြည်ကို ရောက်လာမယ်လို့ မျှော်လင့်ထားပါတယ်” အာဒိုဂန်က မနေ့မှာ ပြောကြားခဲ့ပါတယ်။

အမေရိကန်က ရုရှားနဲ့ ဒီသဘောတူညီချက်ကို ဖျက်သိမ်းဖို့အတွက် တူရကီကို ဇူလိုင်လ ၃ ရက်နေ့အထိ အချိန်ပေးထားပြီး မလိုက်နာဘူးဆိုရင် F-35 တိုက်လေယာဉ်တွေ မရောင်းတော့ဘူးလို့ ပြီးခဲ့တဲ့ သောကြာနေ့မှာ သတိပေးခဲ့ပါတယ်။ အမေရိကန်အစိုးရ တာဝန်ရှိသူတစ်ဦးက တူရကီလေယာဉ်မှူးတွေကို F-35 တိုက်လေယာဉ်မောင်းသင်တန်း ပေးနေမှုကို ရပ်ဆိုင်းလိုက်ပြီလို့လည်း တနင်္လာနေ့မှာ ထပ်မံ ပြောကြားခဲ့ပါတယ်။

တူရကီဟာ အမေရိကန်ထံကနေ နောက်ဆုံးပေါ် F-35 တိုက်လေယာဉ် အစီး ၁၀၀ လောက်ဝယ်ဖို့ စီစဉ်ထားတာ ဖြစ်ပါတယ်။

S-400 စနစ်ဟာ F-35 ကိုယ်ပျောက်လေယာဉ်အတွက် ခြိမ်းခြောက်မှုတစ်ရပ် ဖြစ်လာနိုင်တာကို အမေရိကန်က စိုးရိမ်နေတာပါ။ တူရကီအနေနဲ့ ဒီအစီအစဉ်ကို ရှေ့ဆက်တိုးရင် စီးပွားရေးပိတ်ဆို့မှု လုပ်ဆောင်မယ်လို့လည်း အမေရိကန်က သတိပေးထားပါတယ်။

အာဒိုဂန်ကတော့ F-35 ရောင်းချမှု၊ လေယာဉ်မှုတွေ သင်တန်းပေးမှုကို အမေရိကန်က ရပ်ဆိုင်းခြင်းဟာ တရားနည်းလမ်းမကျဘဲ တူရကီဟာ လေယာဉ်ဝယ်ယူသူသာမက ဒီစီမံကိန်းရဲ့ မိတ်ဖက်တစ်ဦးလည်းဖြစ်တယ်လို့ တုန့်ပြန် ပြောကြားခဲ့ပါတယ်။ ဒီလို ၀ယ်ယူခွင့် ပိတ်ပင်ခံရမှုကို ကျော်လွှားနိုင်ရေး အဖြေရှာသွားမယ်လို့လည်း သူက ဆိုပါတယ်။

Ref: Aljazeera