အရှေ့အလယ်ပိုင်းတွင် စစ်ပွဲအသစ်ကို ကမ္ဘ္ဘာကြီးက ရင်မဆိုင်နိုင်တော့ဟု ကုလအတွင်းရေးမှူး သတိပေး

ဇွန် ၁၄၊ ၂၀၁၉
M-Media

-ပင်လယ်ကွေ့ဒေသမှာ နောက်ထပ် စစ်ပွဲဖြစ်ပွားမှုကို ရင်ဆိုင်ဖို့ ကမ္ဘ္ဘာကြီးက မတတ်နိုင်တော့ဘူးလို့ ကုလသမဂ္ဂ အထွေထွေအတွင်းရေးမှူး အန်တိုနီယို ဂူတာရက်စ်က ပြောကြားလိုက်ပြီး အိုမန်ပင်လယ်ကွေ့မှာ ရေနံတင်သင်္ဘောနှစ်စင်း မနေ့က တိုက်ခိုက်ခံရမှုကြောင့် တင်းမာမှုတွေ မြင့်တက်လာတာကို ရည်ညွှန်းတာ ဖြစ်ပါတယ်။

စင်ကာပူနဲ့ ထိုင်ဝမ်တို့ကို သွားရောက်မယ့် အဲဒီ သင်္ဘောနှစ်စင်းဟာ ဟော်မုဇ်ရေလက်ကြားအနီး အိုမန်ပင်လယ်ကွေ့မှာ မနေ့က တိုက်ခိုက်ခံလိုက်ရတာဖြစ်ပြီး တစ်စီးက မီးလောင်ခဲ့ပါတယ်။ ဟော်မုဇ် ရေလက်ကြားဟာ ကမ္ဘ္ဘာ့ ရေနံတင်ပို့မှုမှာ အဓိကကျတဲ့လမ်းကြောင်း ဖြစ်ပါတယ်။

အမေရိကန်နိုင်ငံခြားရေးဝန်ကြီး မိုက် ပွမ်ပီယိုက ဒီတိုက်ခိုက်မှုနောက်ကွယ်မှာ အီရန်နိုင်ငံရှိနေတယ်လို့ စွပ်စွဲပြောကြားခဲ့ပြီး အီရန်ကတော့ သံသယဖြစ်ဖွယ် တိုက်ခိုက်မှုဖြစ်တယ်လို့ ထုတ်ပြန်ခဲ့ပါတယ်။

ကုလအတွင်းရေးမှူး ဂူတာရက်စ်က တိုက်ခိုက်မှုကိုရှုတ်ချကြောင်း မနေ့က လုံခြုံရေးကောင်စီ အစည်းအဝေးမှာ ပြောကြားခဲ့ပြီး၊ သက်သေအထောက်အထားတွေကို အခြေခံကာ လုပ်ဆောင်သူတွေကို ဖော်ထုတ်ဖို့ တိုက်တွန်းခဲ့ပါတယ်။

အီရန်ကို အပြစ်တင်

မနေ့က ဝါရှင်တန် သတင်းစာရှင်းလင်းပွဲမှာ အမေရိကန်နိုင်ငံခြားရေးဝန်ကြီး မိုက် ပွမ်ပီယိုက ထောက်လှမ်းရေးသတင်းအချက်အလက်တွေ၊ အသုံးပြုတဲ့ လက်နက်အမျိုးအစား၊ လုပ်ဆောင်နိုင်တဲ့အဆင့်တွေ၊ ရေနံတင်သင်္ဘောတွေကို မကြာခင်က အီရန်ရဲ့ တိုက်ခိုက်မှု စတာတွေကို ဆက်စပ်လိုက်ရင် ဒီကိစ္စကို အီရန်က လုပ်ဆောင်တာဖြစ်တယ်လို့ ယူဆထားကြောင်း ပြောကြားခဲ့ပါတယ်။

ဒါပေမယ့် ဒီစွပ်စွဲမှုအတွက် ခိုင်မာတဲ့ သက်သေအထောက်အထားတွေကိုတော့ ပွမ်ပီယိုက မပေးခဲ့ပါဘူး။

အီရန် နိုင်ငံခြားရေးဝန်ကြီး ဂျာဗဒ်ဖာရစ်ဖ်က အမေရိကန်နဲ့ အီရန်တို့အကြား တင်းမာမှု ဖြေလျော့ရေး ကြားဝင် စေ့စပ်ပေးဖို့အတွက် ဂျပန်ဝန်ကြီးချုပ် ရှင်ဇိုအာဘေး တိုင်းပြည်ကို ရောက်နေတဲ့အချိန်မှာ တိုက်တိုက်ဆိုင်ဆိုင် ဖြစ်ပေါ်လာတဲ့ ဒီတိုက်ခိုက်မှုဟာ သံသယဖြစ်စရာကောင်းနေတယ်လို့ မနေ့က မနက်ပိုင်းမှာ ပြောကြားခဲ့ပါတယ်။

မေလ ၁၂ ရက်နေ့ကလည်း ယူအေအီးနိုင်ငံ ဖူဂျိုင်ရာဒေသ ကမ်းလွန်မှာ ရေနံတင်သင်္ဘော ၄ စင်း တိုက်ခိုက်ခံခဲ့ရပြီး ဒီကိစ္စအတွက် အမေရိကန်က အီရန်အပေါ် စွပ်စွဲပြောဆိုခဲ့ပါတယ်။ အီရန်ကတော့ ဒီပြောဆိုမှုတွေဟာ အဓိပ္ပါယ်မရှိတဲ့ စကားတွေလို့ တုန့်ပြန်ခဲ့ပြီး ဒေသတွင်း စိုးရိမ်စရာကောင်းတဲ့ လုံခြုံရေးအခြေအနေတွေအတွက် ဆွေးနွေးကြဖို့ ပင်လယ်ကွေ့နိုင်ငံတွေကို တိုက်တွန်းခဲ့ပါတယ်။

၂၀၁၅ ခုနှစ် နျူသဘောတူညီချက်ကနေ နှုတ်ထွက်ကြောင်း ထရမ့်အစိုးရက ပြီးခဲ့တဲ့နှစ် မေလမှာ ကြေငြာခဲ့ပြီးတဲ့နောက် အီရန်နဲ့ အမေရိကန်တို့အကြား တင်းမာမှုတွေ ပြန်လည် မြင့်တက်လာခဲ့ပါတယ်။ အမေရိကန်ဟာ အီရန်အအပေါ် စီးပွားရေး ပိတ်ဆို့မှုတွေ ပြန်လည်ပြုလုပ်ခဲ့သလို မေလအတွင်းမှာ ပင်လယ်ကွေ့ဒေသမှာ စစ်တပ်အင်အားကို ထပ်မံ တိုးချဲ့ခဲ့ပါတယ်။

Ref: Aljazeera