အင်အားကြီးနိုင်ငံများ အပြုသဘောမဆောင်လျှင် ၂၀၁၅ နျူစာချုပ်ကို မလိုက်နာတော့ဟု အီရန်ပြော

ဇွန် ၁၅၊ ၂၀၁၉
M-Media

-၂၀၁၅ နျူသဘောတူညီချက်မှာ လက်မှတ်ရေးထိုးထားတဲ့ အခြားနိုင်ငံတွေက အပြုသဘောဆောင်တဲ့ လက္ခဏာမျိုး မတွေ့ရဘူးဆိုရင် စာချုပ်ပါ စည်းကမ်းတွေ လိုက်နာတာကို ရပ်ဆိုင်းမှု ဆက်လက်လုပ်ဆောင်သွားမယ်လို့ အီရန်သမ္မတ ဟာဆန်ရူဟာနီက ဒီကနေ့မှာ ပြောကြားလိုက်ပါတယ်။

စာချုပ်ကနေ အမေရိကန်နှုတ်ထွက်သွားပြီး တစ်နှစ်အကြာ ပြီးခဲ့တဲ့မေလမှာ အီရန်က ယူရေနီယံသန့်စင်မှု ကန့်သတ်ချက် အပါအ၀င် စာချုပ်ပါ အချို့အချက်တွေကို လိုက်နာတော့မှာ မဟုတ်ဘူးလို့ ကြေငြာခဲ့ပါတယ်။ ထရမ့်ဦးဆောင်တဲ့ အမေရိကန်အစိုးရဟာ ၂၀၁၈ ခုနှစ် မေလမှာ စာချုပ်ကနေ နှုတ်ထွက်ကြောင်း ပြောကြားခဲ့ပြီး အီရန်အပေါ် စီးပွားရေးပိတ်ဆို့မှုတွေ ပြန်လည်လုပ်ဆောင်ခဲ့တာပါ။

အီရန်နဲ့ အီရန်က ကျောထောက်နောက်ခံပြုထားတဲ့ အဖွဲ့တွေရဲ့ တိုက်ခိုက်လာနိုင်ဖွယ်ရှိမှုကို ပြန်လည်တုန့်ပြန်ဖို့ဆိုကာ ပင်လယ်ကွေ့ဒေသမှာ အမေရိကန်က ပြီးခဲ့တဲ့မေလအတွင်း တပ်တွေ ထပ်တိုးချထားခဲ့ပြီးတဲ့နောက်မှာတော့ အီရန်နဲ့ အမေရိကန်တို့အကြား တင်းမာမှုဟာ ပိုမို ပြင်းထန်လာခဲ့ပါတယ်။

“အီရန်ကပဲ တစ်ဖတ်သက် စာချုပ်လိုက်နာရမယ်ဆိုတာမျိုး လုံးဝ အဖြစ်မခံပါဘူး။ စာချုပ် ဆက်လက်အကျုံးဝင်ဖို့ဆိုရင် လက်မှတ်ထိုးထားသူတွေအားလုံးက လိုက်နာဖို့ လိုအပ်ပါတယ်” လို့ ဒီကနေ့ တာဂျီကစ္စတန်နိုင်ငံမှာ ပြုလုပ်တဲ့ Conference on Interaction and Confidence Building Measures ထိပ်သီးအစည်းအဝေးမှာ အီရန်သမ္မတ ဟာဆန်ရူဟာနီက ပြောကြားခဲ့ပါတယ်။

အဲဒီအစည်းအဝေးကို တရုတ်၊ ရုရှားတို့အပြင် အခြား အာရှခေါင်းဆောင် တော်တော်များများ တက်ရောက်ခဲ့ကြပါတယ်။ ၂၀၁၅ ခုနှစ် နျူသဘောတူညီချက်ကို အမေရိကန်၊ ရုရှား၊ တရုတ်၊ ဗြိတိန်၊ ပြင်သစ်၊ ဂျာမနီနဲ့ ဥရောပသမဂ္ဂတို့က လက်မှတ်ရေးထိုးထားကြတာ ဖြစ်ပါတယ်။

ရူဟာနီကတော့ လက်မှတ်ထိုးထားတဲ့ အခြားနိုင်ငံတွေထံကနေ အပြုသဘောဆောင်တဲ့ လက္ခဏာမျိုး မြင်ချင်တယ်လို့ ထည့်သွင်းပြောကြားခဲ့ပါတယ်။ ဘယ်လို အခြေအနေမျိုးကို မြင်ချင်တယ်၊ စာချုပ်ပါ ဘယ်အချက်တွေကို မလိုက်နာဘူး ဆိုတာတွေကိုတော့ ရူဟာနီက တိတိကျကျ မပြောခဲ့ပါဘူး။

ပြင်သစ်နဲ့ ဥရောပနိုင်ငံတွေက စာချုပ်ပါ သတ်မှတ်ချက်အတိုင်း ဆက်လက်လိုက်နာမယ်လို့ ပြောကြားထားပေမယ့် အမေရိကန်ရဲ့ ဖိအားကြောင့် ဥရောပမှာ အခြေစိုက်ထားတဲ့ စီးပွားရေးလုပ်ငန်းတွေဟာ အီရန်နဲ့ အဆက်အသွယ် ဖြတ်တောက်မှုတွေ ရှိနေပါတယ်။

ပြီးခဲ့တဲ့ သီတင်းပတ်တွေအတွင်း ပင်လယ်ကွေ့ဒေသမှာ ရေနံတင်သင်္ဘောတွေ တိုက်ခိုက်ခံရမှု ၂ ကြိမ်ဖြစ်ပွားခဲ့ပြီးတဲ့နောက် အမေရိကန်နဲ့ အီရန်တို့အကြား အပြန်အလှန် ပြစ်တင်ပြောဆိုမှုတွေ မြင့်တက်လာခဲ့ပါတယ်။

ကြာသာပတေးနေ့က အိုမန်ပင်လယ်ကွေ့မှာ ရေနံတင်သင်္ဘော ၂ စင်း တိုက်ခိုက်ခံရပြီး၊ မေလအစောပိုင်းကလည်း ယူအေအီးနိုင်ငံ ဖူဂျိုင်ရာ ကမ်းလွန်မှာ ရေနံတင်သင်္ဘော ၄ စင်း တိုက်ခိုက်ခံခဲ့ရပါတယ်။ ဒီတိုက်ခိုက်မှုဟာ အီရန်လက်ချက်ဖြစ်တယ်လို့ အမေရိကန်က စွပ်စွဲထားပေမယ့် အီရန်ကတော့ ဒီစွပ်စွဲမှုတွေကို ငြင်းဆိုပါတယ်။

Ref: Aljazeera