သီရိလင်္ကာက ပထမဆုံး ပြည်တွင်းဖြစ် ဂြိုဟ်တုကို အောင်မြင်စွာ လွှတ်တင်

ဇွန် ၂၀၊ ၂၀၁၉
M-Media

-နိုင်ငံရဲ့ ပထမဆုံး ပြည်တွင်းဖြစ်ဂြိုဟ်တု Ravana-1 ကို အောင်မြင်စွာ လွှတ်တင်နိုင်ခဲ့တယ်လို့ သီရိလင်္ကာနိုင်ငံက ကြေငြာလိုက်ပါတယ်။

အလျား ၁၁.၃ စင်တီမီတာ၊ အနံ ၁၀ စင်တီမီတာ၊ အမြင့် ၁၀ စင်တီမီတာရှိပြီး အလေးချိန် ၁.၀၅ ကီလိုဂရမ်လေးတဲ့ အဲဒီ ဂြိုဟ်တုကို ဂျပန် အာကာသ စူးစမ်းရှာဖွေရေး အေဂျင်စီရဲ့ အကူအညီနဲ့ အမေရိကန် အာကာသယာဉ် Cygnus-1 က နိုင်ငံတကာ အာကာသစခန်းကို ဇွန်လ ၁၇ ရက်နေ့မှာ ပို့ဆောင်ခဲ့တာပါ။

အဲဒီနောက်မှာတော့ ကမ္ဘ္ဘာပတ်လမ်းကြောင်းထဲကို အောင်မြင်စွာ ပို့ဆောင်နိုင်ခဲ့ပါတယ်။

Ravana-1 ကို ဂျပန်နိုင်ငံ Kyushu နည်းပညာတက္ကသိုလ်မှာ အာကာသအင်ဂျင်နီယာပညာကို လေ့လာဆည်းပူးနေတဲ့ သီရိလင်္ကာနိုင်ငံသား သာရင်ဒူ ဒါယာရတ္တနီနဲ့ ဒူလာနီ ချာမီကာတို့က ဒီဇိုင်းဆွဲ တည်ဆောက်ခဲ့တာ ဖြစ်ပါတယ်။ ဂြိုဟ်တုကို အခုနှစ် ဖေဖော်ဝါရီ ၁၈ ရက်နေ့က ဂျပန် အာကာသ စူးစမ်းရှာဖွေရေး အေဂျင်စီကို လွှဲပြောင်း ပေးခဲ့ပါတယ်။

ဂြိုဟ်တုဟာ သီရိလင်္ကာနဲ့ ပတ်ဝန်းကျင်ဒေသတွေက ပုံရိပ်တွေကို ရိုက်ကူးမှုအပါအ၀င် စုစုပေါင်း လုပ်ငန်း ၅ ခုကို လုပ်ဆောင်ပေးမှာ ဖြစ်ပါတယ်။ ဂြိုဟ်တုရဲ့ အနိမ့်ဆုံးသက်တမ်းကို ၁ နှစ်ခွဲလို့ သတ်မှတ်ထားပေမယ့် ၅ နှစ်အထိ အသုံးပြုနိုင်ဖို့ မျှော်လင့်ထားပါတယ်။

Ref: Indian express