မျှော်လင့်ချက်ကင်းမဲ့မှုနှင့် စိတ်ပိုင်းဆိုင်ရာ ပြဿနာများကို ရင်ဆိုင်လာရသည် ထိုင်းနိုင်ငံမှ မြန်မာဒုက္ခသည်များ

ဇွန် ၂၃၊ ၂၀၁၉
M-Media

-ထိုင်းနယ်စပ်မှာ ခိုလှုံနေရတဲ့ မြန်မာနိုင်ငံက ဒုက္ခသည်တွေကို ထောက်ပံ့နေတဲ့ အကူအညီတွေကို နိုင်ငံတက အသိုင်းအဝိုင်းက သိသိသာသာ လျှော့ချလိုက်တာကြောင့် ဒုက္ခသည်တွေကြားမှာ မျှော်လင့်ချက်ကင်းမဲ့မှုတွေ ဖြစ်ပေါ်ကာ ကိုယ့်ကိုယ်ကို သတ်သေမှုလို စိတ်ပိုင်းဆိုင်ရာ ပြဿနာတွေ မြင့်တက်လာမှုကို ကြုံတွေ့နေရတယ်လို့ အရပ်ဖက်အဖွဲ့အစည်းတွေက ပြောကြားလိုက်ပါတယ်။

ကြာသာပတေးနေ့က ကျရောက်ခဲ့တဲ့ ‘ကမ္ဘ္ဘာ့ဒုက္ခသည်များနေ့’ မှာ ထိုင်း-မြန်မာနယ်စပ်က အရပ်ဖက်အဖွဲ့ ၁၅ ခု စုပေါင်းပြီး There Is No One Who Does Not Miss Home (အိမ်ကိုမလွမ်းသူမရှိ) ဆိုတဲ့ ခေါင်းစဉ်နဲ့ အစီရင်ခံစာတစ်စောင် ထုတ်ပြန်ခဲ့ပြီး ထိုင်းနယ်စပ်က မြန်မာဒုက္ခသည်တွေ ခံစားနေရတဲ့ ပြဿနာတွေကို အသေးစိတ် ဖော်ပြထားပါတယ်။

နော်ဝေနဲ့ ဆွီဒင်တို့အပါအ၀င်း ထိုင်း-မြန်မာနယ်စပ်က ဒုက္ခသည်တွေကို အဓိက ထောက်ပံ့ပေးနေတဲ့ နိုင်ငံတွေဟာ ပြီးခဲ့တဲ့ နှစ်အနည်းငယ်အတွင်း ငွေကြေးထောက်ပံ့မှုကို ရပ်ဆိုင်းလိုက်ပြီး ဥရောပသမဂ္ဂကလည်း ထောက်ပံ့မှု လျှော့ချလိုက်တာကြောင့် ဒုက္ခသည် တစ်သိန်းလောက်ဟာ နေ့စဉ် ရိက္ခာရရှိမှု လျော့ကျသွာပါတယ်။ ၂၀၁၂ ခုနှစ်ကထက်စာရင် ငွေကြေးထောက်ပံ့မှုက ထက်ဝက်လောက် လျော့သွားခဲ့တာ ဖြစ်ပါတယ်။

အစီရင်ခံစာမှာ ဒီလို အကူအညီတွေ လျော့သွားတာကြောင့် မြန်မာနိုင်ငံကို ပြန်ရတော့မယ်ဆိုတဲ့ ဖိအားတွေ ဒုက္ခသည်တွေမှာ ၀င်လာပြီး ဒုက္ခသည်စခန်းတွေမှာ ‘စိတ်ဓာတ်ကျမှုနဲ့ ကိုယ့်ကိုယ်ကို သတ်သေမှုနှုန်း မြင့်မားလာတယ်’ လို့ ဖော်ပြထားပါတယ်။

‘ရိက္ခာဖြတ်တောက်မှုကြောင့် အသက်ဆက်ရှင်ဖို့ မဖြစ်နိုင်တော့တဲ့အတွက် သတ်သေရတာဖြစ်ကြောင်း သတ်သေသူတစ်ချို့က စာရေးထားခဲ့တယ်’ လို့ အမည်မဖော်လိုတဲ့ အကူအညီပေးသူတစ်ဦးက အလ်ဂျာဇီးရား သတင်းဌာနကို ပြောကြားခဲ့ပါတယ်။ ဒါပေမယ့် အဲဒီလို သတ်သေမှုတွေဟာ ထောက်ပံ့မှုလျော့ကျသွားတာ တစ်ခုတည်းကြောင့် မဟုတ်ဘဲ အခြား အကြောင်းအရင်းတွေ ရှိသေးတယ်လို့လည်း အကူအညီပေးရး အဖွဲ့တွေက ပြောပါတယ်။

There Is No One Who Does Not Miss Home အစီရင်ခံစာအတွက် ထိုင်း-မြန်မာ နယ်စပ်က ဒုက္ခသည်စခန်းတွေမှာ နေထိုင်နေကြတဲ့ မြန်မာနိုင်ငံက တိုင်းရင်းသားမျိုးစုံ ၃၃၈ ဦးကို တွေ့ဆုံမေးမြန်းခဲ့တာ ဖြစ်ပါတယ်။

အနာဂတ်မသေချာမှု

လူ ၅ သောင်းရှိပြီး ထိုင်းနယ်စပ်က စခန်း ၁၀ ခုမှာ အကြီးဆုံး ဖြစ်တဲ့ Mae La ဒုက္ခသည်စခန်းမှာ မိမိကိုယ်ကိုယ် သတ်သေမှုနှုန်းဟာ ကမ္ဘ္ဘာ့ ပျမ်းမျှနှုန်းထက် ၃ ဆ ပိုများလာတယ်လို့ နိုင်ငံတကာ ရွှေ့ပြောင်းလုပ်သားများဆိုင်ရာအဖွဲ့ International Organization for Migration က ၂၀၁၇ ခုနှစ်မှာပြုလုပ်တဲ့ လေ့လာမှုမှာ တွေ့ခဲ့ရပါတယ်။

၂၀၁၅ ခုနှစ်ကနေစပြီး ၂ နှစ်အတွင်း အဲဒီစခန်းမှာ ဒုက္ခသည် ၂၈ ဦး သတ်သေခဲ့ပြီး သတ်သေဖို့ကြိုးစားမှု ၆၆ ခု ရှိခဲ့ပါတယ်။ အစီရင်ခံစာရေးသားမှုမှာ ပါဝင်တဲ့ ကရင်အမျိုးသမီး အဖွဲ့( Karen Women’s Organization) တွဲဖက်အတွင်းရေးမှူး Ta Mla Saw က ဒုက္ခသည်စခန်းတွေက အခြေအနေတွေဟာ အဆိုးဝါးဆုံး အနေအထားကို ရောက်နေပြီး၊ တတိယနိုင်ငံမှာ ပြန်လည်အခြေချရေး အစီအစဉ်ကိုလည်း ရပ်ဆိုင်းလိုက်တာကြောင့် ဒုက္ခည်တွေမှာ မျှော်လင့်ချက်တွေ မရှိတော့ကြောင်း၊ သေချာရေရာတဲ့ အနာဂတ်မျိုး မရှိတော့ဘူးလို့ ခံစားလာရကြောင်း အလ်ဂျာဇီးရား သတင်းဌာနကို ပြောကြားခဲ့ပါတယ်။

ဒုက္ခသည်တွေအကြား အိမ်တွင်းအကြမ်းဖက်မှု၊ မူးယစ်ဆေးစွဲမှုတွေ မြင့်တက်လာပြီး၊ ရိက္ခာဖြတ်တောက်မှုကြောင့် စေတနာ့ဝန်ထမ်း ကျောင်းဆရာတွေနဲ့ လုံခြုံရေးဝန်ထမ်းတွေလည်း အလုပ်ကနေ နှုတ်ထွက်သွားကြကာ အခြေခံ စောင့်ရှောက်မှုတွေ ထိခိုက်လာတာကို စစ်တမ်းကောက်ယူမှုမှာ တွေ့ခဲ့ရပါတယ်။

Swedish International Development Cooperation Agency (Sida) အဖွဲ့ရဲ့ လူသားချင်းစာနာထောက်ထားမှုဆိုင်ရာ ဒါရိုက်တာ ဆူဆန်နီ မီခေးလ်က အကူအညီတွေ လျော့ကျသွားတာနဲ့ စိတ်ကျန်းမာရေးပြဿနာတွေ မြင့်တက်လာမှုမှာ ဆက်စပ်မှုရှိမှောကို စိုးရိမ်တယ်လို့ ပြောကြားခဲ့ပါတယ်။ ဒါပေမယ့် သူတို့အဖွဲ့က အကူအညီတွေကို ရပ်ဆိုင်းတာဟာ နိုင်ငံရေးအဖြေရှာမှု လိုအပ်နေတဲ့ ပြဿနာမှာ ပြင်ပ ကူညီထောက်ပံ့မှုကိုပဲ အဖြေတစ်ခုအဖြစ် အမြဲတမ်း အသုံးပြုနေမှာကို စိုးရိမ်တဲ့အတွက်ဖြစ်တယ်လို့ သူမက ဆိုပါတယ်။

လစ်ဟာမှု ရှိနေ

နိုင်ငံတကာ အကူအညီပေးရေး အဖွဲ့တွေဟာ နယ်စပ်က ဒုက္ခသည်စခန်းတွေမှာ ပေးအပ်နေတဲ့ အကူအညီကိုလျော့ချကာ မြန်မာနိုင်ငံအတွင်းက ငြိမ်းချမ်းရေးလုပ်ငန်းစဉ်မှာ ပိုမိုပါဝင် ကူညီပေးနေကြပြီး ဒါဟာ ဒုက္ခသည်တွေ အမြဲတမ်းတည်တံ့မယ့် အဖြေတစ်ခု ရရှိရေးအတွက်ဖြစ်တယ်လို့ ဒီအဖွဲ့တွေက ဆိုပါတယ်။

ဝေဖန်သူတွေကတော့ ဒီလိုဆောင်ရွက်တာဟာ တရုတ်ကို မှီခိုအားထားနေရတဲ့ မြန်မာနိုင်ငံမှာ ခြေကုပ်တစ်ခုရရေး အနောက်နိုင်ငံတွေရဲ့ မဟာဗျူဟာဖြစ်တယ်လို့ ထောက်ပြခဲ့ပါတယ်။

Ta Mla Saw ကတော့ မြေပြင်မှာ အခြေအနေက ဘာမှ ပြောင်းလဲမှု မရှိသေးတဲ့အတွက် ငြိမ်းချမ်းရေးအတွက် ငွေပေးနေသလို၊ လူသားချင်းစာနာထောက်ထားမှု အကူအညီတွေလည်း ဆက်လက်လိုအပ်နေသေးတယ်လို့ ပြောကြားခဲ့ပါတယ်။

ထိုင်းနယ်စပ်မှာ နေထိုင်နေရတဲ့ ဒုက္ခသည်တစ်ချို့ဟာ နှစ်ပေါင်း ၂၀ လောက် ဒီစခန်းတွေထဲမှာ နေထိုင်ခဲ့ရပြီး၊ မြန်မာနိုင်ငံအတွင်း လတ်တလော ဖြစ်ပွားတဲ့ မတည်ငြိမ်မှုတွေကြောင့် ထွက်ပြေးလာရသူတွေလည်း ရှိနေပါတယ်။

There Is No One Who Does Not Miss Home အစီရင်ခံစာကို ရေးသားသူတွေက ကရင်အမျိုးသားအစည်းအရုံး KNU အပါအ၀င် တိုင်းရင်းသားလက်နက်ကိုင်တွေနဲ့ အစိုးရစစ်တပ်တို့ဟာ သဘောတူညီချက်တွေကို ချိုးဖောက်ပြီး တိုက်ပွဲ ဆက်လက် မြင့်တက်အောင် လုပ်ဆောင်နေတယ်လို့ ထောက်ပြထားပါတယ်။

KNU ထိန်းချုပ်တဲ့ ဒေသမှာ စစ်တပ်က လမ်းဖောက်ဖို့ ကြိုးစားရကနေ ဖြစ်ပွားခဲ့တဲ့ ပဋိပက္ခကြောင့် ငြိမ်းချမ်းရေးလုပ်ငန်းစဉ်မှာ ယုံကြည်မှုကို ထိခိုက်စေကြောင်းလည်း အစီရင်ခံစာမှာ ဖော်ပြထားပါတယ်။

လေ့လာဆန်းစစ်မှုမှာ ပါဝင်ခဲ့တဲ့ လူ့အခွင့်အရေးအဖွဲ့ Progressive Voice က တာဝန်ရှိသူ ရင် ဖူဂျီမတ်ဆုက ကမ္ဘ္ဘာကြီးဟာ ရိုဟင်ဂျာဒုက္ခသည်အရေးကိုပဲ အာရုံစိုက်နေပေမယ့် အခြားသော တိုင်းရင်းသားဒေသတွေမှာလည်း ရိုဟင်ဂျာတွေလို စနစ်တကျ ညှင်းပမ်းနှိပ်စက်၊ ခွဲခြားခံရပြီး လူမျိုးတုန်းရှင်းလင်းမှုဆီ ဦးတည်နေတဲ့ အဖြစ်အပျက်တွေ ရှိနေတယ်လို့ ထောက်ပြခဲ့ပါတယ်။

နေရပ်ပြန်ပြီး နေထိုင်ရမယ့် ဒေသတွေအနီး လတ်တလော တိုက်ပွဲတွေဖြစ်နေမှု သတင်းအချက်အလက်တွေကို UNHCR နဲ့ အခြား အကူအညီပေးရေးအဖွဲ့တွေက လုံလုံလောက်လောက် အသိပေးခြင်း မရှိတဲ့အတွက် ဒုက္ခသည်တွေဟာ လက်ရှိအခြေအနေမှန်ကို မသိကျဘူးလို့လည်း ဝေဖန်ခဲ့ပါတယ်။

ဘင်္ဂလားဒေ့ရ်ှက ရိုဟင်ဂျာဒုက္ခသည်တွေ နေရပ်ပြန်ရေး အစီအစဉ်အတွက် လုံလောက်တဲ့ အကြံဉာဏ်ပေးမှု မရှိဘူးဆိုပြီး UNHCR ဟာ ဝေဖန်မှုတွေနဲ့ ရင်ဆိုင်နေရပါတယ်။ အဖွဲ့တာဝန်ရှိသူ ဂျနီဖာ ဟာရစ်ဆန်က ထိုင်းနိုင်ငံမှာ ရှိနေတဲ့ ဒုက္ခသည်တွေ နေရပ်ပြန်ရေးမှာ မြေပြင်အခြေအနေနဲ့ပတ်သက်ပြီး မှန်ကန်တိကျတဲ့ သတင်းအချက်အလက်တွေကို မျှဝေပေးနေတယ်လို့
ပြောကြားခဲ့ပါတယ်။

Ref: Aljazeera