အာဏာရပါတီ ကန့်ကွက်၍ ပြန်လုပ်ခဲ့ရသည့် အစ္စတန်ဘူလ်ရွေးကောက်ပွဲတွင် အတိုက်အခံက ပြန်အနိုင်ရ

ဇွန် ၂၄၊ ၂၀၁၉
M-Media

-သမ္မတ အာဒိုဂန်ရဲ့ အာဏာရ AK ပါတီက ကန့်ကွက်မှုကြောင့် ပြန်လည်ပြုလုပ်ခဲ့ရတဲ့ အစ္စတန်ဘူလ်မြို့တော်ဝန် ရွေးကောက်ပွဲမှာ အရင်ကနိုင်ခဲ့တဲ့ အတိုက်အခံအမတ်ကပဲ ပြန်လည်အနိုင်ရသွားခဲ့ပါတယ်။

မနေ့က ရွေးကောက်ပွဲအတွက် မဲပုံးအားလုံးနီးပါး ရေတွက်မှုအပြီးမှာ အတိုက်အခံ CHP ရဲ့ ကိုယ်စားလှယ် Ekrem Imamoglu က မဲအရေအတွက် ၅၄ ရာခိုင်နှုန်း ရရှိခဲ့ပြီး AK ပါတီ ကိုယ်စားလှယ် ၀န်ကြီးချုပ်ဟောင်း Binali Yildirim က ၄၅ ရာခိုင်နှုန်းသာ ရရှိခဲ့ကာ ရှုံးနိမ့်ကြောင်း
ဝန်ခံခဲ့ပါတယ်။ Imamoglu က နိုင်ငံရဲ့ အကြီးဆုံးနဲ့ စီးပွားရေးအချက်အချာ အစ္စတန်ဘူလ်မြို့အတွက် ခေတ်သစ်တစ်ခု အစပျိုးသွားမယ်လို့ ကတိပြု ပြောကြားခဲ့ပါတယ်။

Imamoglu က နိုင်ငံရဲ့ အကြီးဆုံးနဲ့ စီးပွားရေးအချက်အချာ အစ္စတန်ဘူလ်မြို့အတွက် ခေတ်သစ်တစ်ခု အစပျိုးသွားမယ်လို့ ကတိပြု ပြောကြားခဲ့ပါတယ်။

“တူရကီရဲ့ ဂုဏ်သိက္ခာနဲ့ ဒီမိုကရေစီကို ခင်ဗျားတို့ ပြည်သူတွေက ကာကွယ်လိုက်တာ ဖြစ်ပါတယ်” လို့ ရွေးကောက်ပွဲအနိုင်ရအပြီးမှာ ထောက်ခံသူတွေကို ပြောကြားခဲ့ပါတယ်။

အစ္စတန်ဘူလ်မြို့ရဲ့ မြို့တော်ဝန်ရွေးကောက်ပွဲကို မတ်လ ၃၁ ရက်နေ့မှာ ကျင်းပပြုလုပ်ခဲ့ပြီး Imamoglu က ထောက်ခံမဲ အရေအတွက် ၄၈.၈ ရာခိုင်နှုန်းနဲ့ အနိုင်ရခဲ့ကာ Binali Yildirim က ၄၈.၅၅ ရာခိုင်နှုန်းသာ ရခဲ့ပါတယ်။ ဒါပေမယ့် AK ပါတီက ဒီရလဒ်ကို ကန့်ကွက်ကာ ရွေးကောက်ပွဲ ပြန်လုပ်ပေးဖို့အတွက် တူရကီ ဗဟိုရွေးကောက်ပွဲကောင်စီ YSK ကို တိုင်ကြားပြီးတဲ့နောက် မနေ့က ရွေးကောက်ပွဲ ပေါ်ပေါက်လာတာ ဖြစ်ပါတယ်။

အာဏာရ AK ပါတီဟာ အစ္စတန်ဘူလ်မြို့တော်ဝန်နေရာကို ၁၇ နှစ်ဆက်တိုက် ထိန်းသိမ်းထားနိုင်ခဲ့ပြီးနောက် အခုနှစ်မှာတော့ ပထမဆုံးအကြိမ် လက်လွှတ်ခဲ့ရပါတယ်။

တူရကီ နိုင်ငံရေး လေ့လာဆန်းစစ်သူတွေက အစ္စတန်ဘူလ်ရွေးကောက်ပွဲဟာ တိုင်းပြည်ရဲ့ ဒီမိုကရေစီနည်းကျမှုကို ဆန်းစစ်လိုက်တဲ့ ရွေးကောက်ပွဲတစ်ဖြစ်ပြီး နှစ်ပေါင်း ၂၀ ကြာ အာဏာဆုပ်ကိုင်ထားတဲ့ AK ပါတီနဲ့ သမ္မတ အာဒိုဂန်တို့အတွက် ထိုးနှက်မှုတစ်ခုဖြစ်တယ်လို့ သုံးသပ်ခဲ့ကြပါတယ်။

Ref: Aljazeera