ကျူးကျော်မှုထပ်လုပ်လျှင် တုန့်ပြန်မှု ပိုပြင်းထန်မည်ဟု အမေရိကန်ကို အီရန် သတိပေး

ဇွန် ၂၇၊ ၂၀၁၉
M-Media

-နိုင်ငံရဲ့ နယ်စပ်တွေကို ကျူးကျော်မှု ဆက်လုပ်မယ်ဆိုရင် ဒရုန်းလေယာဉ် ပစ်ချမှုထက် ပိုမိုပြင်းထန်တဲ့ တုန့်ပြန်မှုတွေ ကြုံတွေ့ရလိမ့်မယ်လို့ အီရန်လွှတ်တော် ဥက္ကဌ အလီ လာရီဂျာနီက အမေရိကန်ကို သတိပေးလိုက်ပါတယ်။

အီရန်ဟာ ဇွန်လ ၂၀ ရက်နေ့က နိုင်ငံတောင်ပိုင်း နယ်နမိတ်အတွင်း ၀င်ရောက်လာတဲ့ အမေရိကန် မောင်းသူမဲ့ Global Hawk လေယာဉ်ကို ဒုံးခွင်းနဲ့ ပစ်ချခဲ့တာပါ။ လာရီဂျာနီက ဒီလိုပစ်ချမှုဟာ နောက်ထပ် ကျူးကျော်မှုတွေကို ရှောင်ရှားဖို့ မှတ်သားလောက်တဲ့ ပညာပေးမှု ဖြစ်တယ်လို့ ဆိုပါတယ်။

“ကျွန်တော်တို့ရဲ့တိုင်းပြည်ရဲ့ နယ်နမိတ်ကို ကျူးကျော်တဲ့ အမှားမျိုး ထပ်လုပ်မယ်ဆိုရင် အီရန်က ပိုမို ပြင်းပြင်းထန်ထန် တုန့်ပြန်သွားမှာပါ” လို့ လာရီဂျာနီရဲ့ ပြောကြားမှုကို Tasnim သတင်းဌာနက ဖော်ပြခဲ့ပါတယ်။

ဒရုန်းလေယာဉ်ပစ်ချမှုနဲ့ပတ်သက်လို့ အမေရိကန်က အီရန်ကို ပြင်းပြင်းထန်ထန် ရှုတ်ချခဲ့ပြီး အီရန်နိုင်ငံအတွင်းက ပစ်မှတ်တစ်ချို့ကို တုန့်ပြန်တိုက်ခိုက်ဖို့ စီစဉ်ခဲ့ပေမယ့် သမ္မတထရမ့်က နောက်ပိုင်းမှာ ဒီအစီအစဉ်ကို ပြန်လည်ရုပ်သိမ်းခဲ့ပါတယ်။ ဒါပေမယ့် အီရန်ရဲ့ ဒုံးကျည်ထိန်းချုပ်မှု ကွန်ပျူတာကွန်ယက်ကို ဆိုက်ဘာတိုက်ခိုက်မှု ပြုလုပ်ခဲ့တယ်လို့ အမေရိကန်က ထုတ်ပြန်ပါတယ်။ အီရန်ကတော့ အဲဒီ ဆိုက်ဘာတိုက်ခိုက်မှုဟာ မအောင်မြင်ဘူးလို့ ပြောကြားခဲ့ပါတယ်။

အီရန်သမ္မတ ဟာဆန်ရူဟာနီက အမေရိကန်နဲ့ စစ်မဖြစ်ချင်ဘူးလို့ အင်္ဂါနေ့မှာ ပြောကြားခဲ့ပါတယ်။ ထရမ့်ကလည်း အီရန်နဲ့ စစ်ဖြစ်မယ့် အခြေအနေဟာ ပိုမိုမြန်ဆန်လာနေတယ်လို့ မနေ့မှာ ပြောကြားခဲ့ပေမယ့် စစ်မဖြစ်လိုဘူးလို့ ဆိုပါတယ်။

Ref: Aljazeera