နှလုံးခုန်နှုန်းကို လေဆာဖြင့်ဖတ်၍ ဘယ်သူဘယ်ဝါဟု ဖော်ထုတ်နိုင်တော့မည်

ဇွန် ၂၈၊ ၂၀၁၉
M-Media

-နှလုံးခုန်နှုန်းကို အဝေးကနေ လေဆာရောင်ခြည်နဲ့တိုင်းတာကာ ဘယ်သူဘယ်ဝါဖြစ်ကြောင်း
ဖော်ထုတ်နိုင်တဲ့ နည်းပညာတစ်ခုကို အမေရိကန်စစ်တပ်က အောင်မြင်စွာ စမ်းသပ် တီထွင်နိုင်ခဲ့ပါတယ်။

Jetson လို့ခေါ်တဲ့ အဲဒီနည်းပညာမှာ အနီအောက်ရောင်ခြည်ကို အသုံးပြုထားပြီး မီတာ ၂၀၀ (၆၅၀ ပေ) အကွာအဝေးကနေ လူတစ်ယောက်ရဲ့ နှလုံးခုန်နှုန်းကို တိုင်းတာနိုင်မှာ ဖြစ်ပါတယ်။ လက်ရှိမှာတော့ ဒီနည်းပညာဟာ နမူနာအဆင့်မှာသာ ရှိသေးပြီး စမ်းသပ်မှုတွေအရ လူတွေကို ဖော်ထုတ်မှုမှာ ၉၅ ရာခိုင်နှုန်း မှန်ကန်တာကို တွေ့ရပါတယ်။

ဒါပေမယ့် ထူထဲတဲ့အ၀တ်အထည်တွေကို လေဆာက မဖောက်ထွင်းနိုင်တာ၊ လူတစ်ဦးချင်းစီရဲ့
နှလုံးခုန်မှု အချက်အလက်တွေကို သိမ်းဆည်းထားတဲ့ ဒေတာဘေ့စ်မျိုး လိုအပ်နေတာ၊ ရွေ့လျားနေတဲ့အချိန်မှာ မှန်ကန်စွာ မဖော်ထုတ်နိုင်တာ စတဲ့ အားနည်းချက်တွေလည်း ရှိနေပါတယ်။

ပညာရှင်တွေကတော့ နှလုံးခုန်နှုန်းကို အခြေခံတဲ့ ဒီနည်းပညာကို အနာဂတ်မှာ လက်ဗွေ၊
မျက်နှာအနေအထားနဲ့ မျက်ကြည်လွှာတွေလို လူတွေရဲ့ ထူးခြားတဲ့ အခြား အမှတ်အသားတွေကို အခြေခံပြီး သုံးနိုင်ဖို့ မျှော်လင့်ထားကြပါတယ်။

အရာဝတ္ထုတွေရဲ့ တုန်ခါမှုကို တိုင်းတာပြီး တွက်ချက်တဲ့ နည်းပညာကို လက်ရှိ နယ်ပယ်စုံမှာ
တွင်တွင်ကျယ်ကျယ် အသုံးပြုနေကြတာ ဖြစ်ပါတယ်။

နှလုံးခုန်နှုန်းကို လေဆာနဲ့ တိုင်းတာပြီး ဘယ်သူဘယ်ဝါဖြစ်ကြောင်း ဖော်ထုတ်မယ့် အခု နည်းပညာဟာ အကွာအဝေး ကန့်သတ်ချက် ရှိပေမယ့် နောက်ပိုင်းမှာ ပိုမိုဝေးကွာတဲ့ နေရာတွေအထိ
အသုံးပြုလို့ရအောင် ဆောင်ရွက်ဖို့ ရှိနေပါတယ်။

“အာကာသကနေ လှမ်းတိုင်းလို့ရတာမျိုး မဟုတ်ပေမယ့် အခုထက်ပိုဝေးတဲ့ အကွာအဝေးကနေ
တိုင်းတာနိုင်တာမျိုး ဖြစ်နိုင်ပါတယ်”

မျက်နှာအနေအထား၊ လက်ဗွေရာတွေကို ပြင်ဆင် ပြောင်းလဲနိုင်ပေမယ့် နှလုံးခုန်နှုန်းကို ပြောင်းလဲဖို့ မဖြစ်နိုင်တဲ့အတွက် အခုနည်းပညာမှာ သိသိသာတဲ့ အားသာချက်မျိုး ရှိနေပါတယ်။

Ref: Bussiness Insider