ရခိုင်နှင့် ချင်းပြည်နယ်တွင် အင်တာနက်ဖြတ်တောက်မှု အကူအညီပေးရေးကို ထိခိုက်ဟု HRW ပြော

ဇွန် ၂၈၊ ၂၀၁၉
M-Media

-ရခိုင်ပြည်နယ်နဲ့ ချင်းပြည်နယ်က မြို့နယ်အချို့မှာ အင်တာနက် ဖြတ်တောက်ထားတာဟာ
အတိဒုက္ခရောက်နေတဲ့သူတွေအတွက် အကူအညီပေးရေးလုပ်ငန်းကို ထိခိုက်စေတယ်လို့ လူ့အခွင့်အရေး စောင့်ကြည့်အဖွဲ့ Human Rights Watch က ဒီကနေ့မှာ ပြောကြားလိုက်ပြီး ပိတ်ပင်မှုချက်ခြင်း ရပ်တန့်ဖို့လည်း တောင်းဆိုလိုက်ပါတယ်။

ရခိုင်လက်နက်ကိုင်တပ်ဖွဲ့ AA နဲ့ အစိုးရစစ်တပ်တို့ တိုက်ပွဲတွေ ဖြစ်ပွားနေတဲ့ ရခိုင်ပြည်နယ်မြောက်ပိုင်း ပုဏ္ဏားကျွန်း၊ ကျောက်တော်၊ မောင်တော၊ ဘူးသီးတောင်၊ ရသေ့တောင်၊ မြောက်ဦး၊ မင်းပြား၊ မြေပုံမြို့နယ်တွေ၊ ချင်းပြည်နယ်က ပလက်ဝ မြို့နယ်တွေမှာ အင်တာနက်ဝန်ဆောင်မှုကို ဖြတ်တောက်ထားဖို့ အစိုးရက အမိန့်ပေးထားတယ်လို့ ဆက်သွယ်ရေး လုပ်ငန်းတွေက ပြီးခဲ့တဲ့တစ်ပတ်မှာ ထုတ်ပြန်ခဲ့ပါတယ်။

Human Rights Watch အဖွဲ့ရဲ့ အာရှဆိုင်ရာ ဒါရိုက်တာ ဘရဒ် အဒမ်က ဒီလို အင်တာနက် ပိတ်ပင်တာဟာ လူ့အခွင့်အရေး စောင့်ကြည့်သူတွေ၊ အကူအညီပေးသူတွေကို ခက်ခဲသွားစေတယ်လို့ ပြောကြားခဲ့ပါတယ်။

“ပဋိပက္ခဖြစ်နေတဲ့ ဒီလိုအချိ်န်မှာ ရခိုင်နဲ့ ချင်းပြည်နယ်အတွင်း မြန်မာ အာဏာပိုင်တွေက အင်တာနက် ဖြတ်တောက်လိုက်တာဟာ အကူအညီပေးရေးလုပ်သားတွေ၊ လူ့အခွင့်အရေး စောင့်ကြည့်သူတွေရဲ့ အရေးပါတဲ့ ဆက်သွယ်ရေး နည်းလမ်းတွေကို ထိခိုက်စေပါတယ်။ ပြည်သူလူထု လုံခြုံရေးအတွက် အရေးပါတဲ့ အင်တာနက် အသုံးပြုခွင့်ကို အပြည့်အ၀ ပြန်ပေးဖို့ နိုင်ငံတကာ အစိုးရတွေနဲ့ ကုလတို့က မြန်မာအစိုးရကို ဖိအားပေးသင့်ပါတယ်”

မြောက်ဦး၊ မင်းပြားနဲ့ ကျော်တော်တို့မှာ အကူအညီပေးရေး လုပ်ငန်းတွေ လုပ်ဆောင်နေတဲ့ အဖွဲ့တွေက အင်တာနက် အသုံးပြုခွင့်မရတာကြောင့် သူတို့လုပ်ငန်းတွေ အခက်အခဲ ဖြစ်လာတယ်လို့ ထုတ်ဖော် ပြောကြားထားပါတယ်။ အကူအညီပေးရေး အဖွဲ့တွေဟာ WhatsApp ကို အဓိကထား သုံးစွဲကြတာ ဖြစ်ပါတယ်။

အင်တာနက် ဖြတ်တောက်မှုဟာ ဘယ်လောက်ကြာမြင့်မလဲဆိုတာကို အစိုးရ တိတိကျကျ ထုတ်ဖော်ပြောဆိုတာမျိုး မလုပ်သေးပါဘူး။ ဆက်သွယ်ရေး အော်ပရေတာဖြစ်တဲ့ Telenor က ဒီကိစ္စအတွက် အသေးစိတ် ရှင်းလင်းပေးဖို့ အစိုးရကို တောင်းဆိုထားကြောင်း၊ ပဋိပက္ခတွေဖြစ်နေတဲ့ အခုလို အချိန်မျိုးမှာ ဆက်သွယ်ရေး ၀န်ဆောင်မှုတွေကို အသုံးပြုခွင့်ပေးခြင်းဟာ လွတ်လပ်စွာ ထုတ်ဖော် ပြောဆိုခွင့်ကို အလေးထားတာ ဖြစ်ကြောင်း ပြောကြားခဲ့ပါတယ်။

ကန့်သတ်ခံရ

ရခိုင်ပြည်နယ်နဲ့ ချင်းပြည်နယ်တို့မှာ ရခိုင်လက်နက်ကိုင်အဖွဲ့ AA နဲ့ အစိုးရစစ်တပ်တို့အကြား ၂၀၁၈ ခုနှစ် နှစ်ကုန်ပိုင်းကတည်းက တိုက်ခိုက်မှုတွေ အဆက်မပြတ် ဖြစ်ပွားခဲ့ပြီး အနည်းဆုံး လူပေါင်း ၃၃၀၀၀ လောက် အိုးအိမ်စွန့်ခွာ ထွက်ပြေးခဲ့ရပါတယ်။ ဒါ့အပြင် အဲဒီဒေသတွေကို မီဒီယာတွေ ၀င်ရောက်ခွင့်၊ အကူအညီပေးရေး အဖွဲ့တွေ ၀င်ရောက်ခွင့်ကိုလည်း အစိုးရက တင်းတင်းကြပ်ကြပ် တားမြစ်ထားပါတယ်။

“တစ်ချို့သော လုံခြုံရေးဆိုင်ရာ စိုးရိမ်မှုတွေအတွက် လိုအပ်ပြီး သင့်လျော်တဲ့ အင်တာနက် ကန့်သတ်မှုမျိုးသာ မြန်မာအစိုးရက လုပ်သင့်ပါတယ်။ အခုကိစ္စကတော့ ဒီလိုအနေအထား မျိုးမဟုတ်ပါဘူး။ လူသားချင်း စာနာထောက်ထားမှုဆိုင်ရာ ပြဿနာ ဖြစ်နေတဲ့အချိန်မျိုးမှာ လူ့အသက်တွေအတွက် အရေးကြီးတဲ့ သတင်းအချက်အလက် စီးဆင်းတာကို အဟန့်အတားဖြစ်စေတဲ့ သိမ်းကြုံး ပတ်ပင်တာမျိုး အာဏာပိုင်တွေက မလုပ်သင့်ပါဘူး” လို့ အဒမ်က ထည့်သွင်းပြောကြားခဲ့ပါတယ်။

Ref: Human Rights Watch