တောင်တရုတ်ပင်လယ်တွင် တရုတ်က ဒုံးကျည်စမ်းသပ်မှု အမေရိကန် ဝေဖန်

ဇူလိုင် ၃၊ ၂၀၁၉
M-Media

-အငြင်းပွား တောင်တရုတ်ပင်လယ်မှာ တရုတ်က ဒုံးကျည် စမ်းသပ်ပစ်လွှတ်မှုအတွက် စိတ်ပျက်မိပြီး ဒါဟာ ပိုင်နက်အငြင်းပွားနေတဲ့ ဒေသမှာ စစ်ဖက်ဆိုင်ရာနေရာ မလုပ်ဘူးဆိုတဲ့ ကတိက၀တ်တွေကို ဆန့်ကျင်ရာရောက်တယ်လို့ အမေရိကန်က မနေ့မှာ ပြောကြားလိုက်ပါတယ်။

ကုန်သွယ်ရေးစစ်ပွဲ၊ စီးပွားရေးပိတ်ဆို့မှုနဲ့ ထိုမ်ဝမ်ကိစ္စတွေအပါအ၀င် တရုတ်နဲ့ အမေရိကန်တို့အကြား တင်းမာမှုတွေ ဖြစ်ပွားနေတဲ့ အဓိက အကြောင်းအရာတွေထဲမှာ တောင်တရုတ်ပင်လယ် ပိုင်ဆိုင်မှု အငြင်းပွားတဲ့ကိစ္စလည်း ပါဝင်ပါတယ်။ တရုတ်ဟာ ဘရူးနိုင်း၊ မလေးရှား၊ ဖိလစ်ပိုင်၊ ထိုင်ဝမ်နဲ့ ဗီယက်နမ်တို့အပါအ၀င် ပတ်ဝန်းကျင်နိုင်ငံတွေနဲ့ တောင်တရုတ်ပင်လယ်မှာ
ပိုင်ဆိုင်မှု အငြင်းပွားနေတာပါ။

အငြင်းပွားကျွန်းတစ်ချို့မှာ စစ်ဖက်ဆိုင်ရာ အဆောက်အဦးတွေ ဆောက်လုပ်တာ၊ ကျွန်းအတုတွေ ဆောက်လုပ်တာတွေကို တရုတ်က လုပ်ဆောင်နေပြီး ဒီကိစ္စနဲ့ပတ်သက်လို့ အမေရိကန်နဲ့ မကြာခဏ အပြန်အလှန် ပြစ်တင်ပြောဆိုမှုတွေ ရှိနေပါတယ်။

အမေရိကန်စစ်တပ်ရဲ့ ပြောရေးဆိုခွင့်ရှိသူ ဒုတိယဗိုလ်မှူးကြီး ဒေ့ဗ် အီတ်စ်ဘန်းက တရုတ်ဟာ အငြင်းပွား Spratly ကျွန်းမှာ ပြီးခဲ့တဲ့တစ်ပတ်က သင်္ဘောဖျက်ဒုံးကျည်တွေ စမ်းသပ် ပစ်လွှတ်ခဲ့တယ်ဆိုတာကို မိမိတို့ သိရှိခဲ့ကြောင်း၊ ဒါဟာ ဒေသတွင်း ငြိမ်းချမ်းအောင် ဆောင်ရွက်ချင်တဲ့ဆိုတဲ့ တရုတ်ရဲ့ ပြောကြားမှုတွေနဲ့ ကွဲလွဲကာ အငြင်းပွားနေတဲ့ အခြားနိုင်ငံတွေကို စိန်ခေါ်တာမျိုး ဖြစ်ကြောင်း ပြောကြားခဲ့ပါတယ်။

တရုတ်က တောင်တရုတ်ပင်လယ်မှာ ဒုံးကျည် စမ်းသပ်ခဲ့တယ်ဆိုတဲ့ သတင်းကို NBC သတင်းဌာနက ပထမဆုံး ဖော်ပြခဲ့တာဖြစ်ပြီး၊ တရုတ်အစိုးရကတော့ ဒီအတွက် မှတ်ချက်မပေးသေးပါဘူး။

Ref: Reuters