ကယ်လီဖိုးနီးယားတွင် ၂ ရက်အတွင်း အကြိမ် ၈၀ ကျော် ငလျင်လှုပ်

ဇူလိုင် ၆၊ ၂၀၁၉
M-Media

-ကြာသာပတေးနေ့က ၂၅ နှစ်အတွင်း အပြင်းဆုံးငလျင်ဒဏ်ကို ခံစားခဲ့ရတဲ့ ကယ်လီဖိုးနီးယား ပြည်နယ်မှာ မနေ့က အင်းအားပြင်း ငလျင်တစ်ခု ထပ်လှုပ်ခဲ့ပါတယ်။

ပြင်းအား ၆.၄ မဂ္ဂနီကျုရှိတဲ့ ကြာသာပတေးနေ့က ငလျင်ကြောင့် ဂက်စ်ပိုက်လိုင်းပေါက်ကာ နေအိမ်နှစ်လုံး မီးလောင်ခဲ့ပြီး၊ လူတစ်ချို့ ဒဏ်ရာရခဲ့ပါတယ်။ အဆောက်အဦးနံရံတွေ အက်ကွဲမှု၊ ကားလမ်းတွေ အက်ကွဲကာ မြေအောက်ရေပိုက်တွေ ပေါက်ပြီး ရေစိမ့်ထွက်မှုလည်း ဖြစ်ပွားခဲ့ပါတယ်။ ငလျင်ဒဏ်ကို လူ သန်း ၂၀ လောက်ခံစားခဲ့ရပြီး လူ ၂၈၀၀၀ လောက်ကို ဘေးလွတ်ရာ ပြောင်းရွှေ့ပေးခဲ့ရပါတယ်။

ဒါဟာ လူ ၅၇ ဦး သေဆုံးပြီး ဒေါ်လာ ဘီလီယံချီ ပျက်စီးဆုံးရှုံးခဲ့တဲ့ ၁၉၉၄ ခုနှစ် ငလျင်နောက်ပိုင်း ကယ်လီဖိုးနီးယားပြည်နယ်မှာ အပြင်းဆုံး ငလျင်လည်း ဖြစ်ပါတယ်။ ကြာသာပတေးနေ့နောက်ပိုင်း နောက်ဆက်တွဲငလျင်ပေါင်း ၈၀ လောက်လှုပ်ခတ်ခဲ့ပြီး ပြင်းအား ၅.၄ မဂ္ဂနီကျုရှိတဲ့ မနေ့က ငလျင်ဟာ အပြင်းဆုံး ဖြစ်ပါတယ်။

ငလျင်ဒဏ်ကို အဓိကခံစားခဲ့ရတဲ့ ရစ်ဂ်ျခရက်စ်မြို့ မြို့တော်ဝန် ပစ်ဂျီ ဘရီဒန်က ငလျင်ဒဏ်ကြောင့် ပျက်စီးဆုံးရှုံးမှု အတိုင်းအတာကို အာဏာပိုင်တွေက ဆန်းစစ်နေပြီး ရှင်းလင်းရေးလုပ်ငန်း၊ အကူအညီပေးရေး လုပ်ငန်းတွေကိုလည်း လုပ်ဆောင်နေတယ်လို့ ပြောကြားခဲ့ပါတယ်။

Ref: Reuters