ရခိုင်ပြည်နယ်အား ဘင်္ဂလားဒေ့ရ်ှထဲထည့်ရန် အဆိုပြုချက်ကို ရှိခ်ဟာဆီနာ ဝေဖန်

ဇူလိုင် ၉၊ ၂၀၁၉
M-Media

-ရခိုင်ပြည်နယ်ကို ဘင်္ဂလားဒေ့ရ်ှနိုင်ငံထဲ သွတ်သွင်းဖို့ အမေရိကန်လွှတ်တော်အမတ်ရဲ့ ပြောဆိုမှုဟာ ‘မှားယွင်းတဲ့ အဆိုပြုမှု’ ဖြစ်တယ်လို့ ဘင်္ဂလားဒေ့ရ်ှဝန်ကြီးချုပ် ရှိခ်ဟာဆီနာက ပြောကြားလိုက်ပြီး မြန်မာနိုင်ငံရဲ့ အချုပ်အခြာအာဏာကို မိမိတို့က အလေးထားတယ်လို့ ဆိုပါတယ်။

ဇွန်လ ၁၃ ရက်နေ့ အမေရိကန်လွှတ်တော်အစည်းအဝေးအတွင်း အာရှပစိဖိတ်ဆိုင်ရာ ဆပ်ကော်မတီရဲ့ ဥက္ကဌ ဘရက်ဒလေ ရှားမန်းက မြန်မာနိုင်ငံအနေနဲ့ ရိုဟင်ဂျာတွေကို မလိုချင်ဘူးဆိုရင် ရိုဟင်ဂျာတွေရဲ့ဒေသကို ဘင်္ဂလားဒေ့ရ်ှနိုင်ငံထဲ ထည့်ပေးသင့်တယ်လို့ ပြောကြားခဲ့တာ ဖြစ်ပါတယ်။

တရုတ်နိုင်ငံကအပြန် ပြုလုပ်တဲ့ မနေ့က သတင်းစာရှင်းလင်းပွဲမှာ ဘင်္ဂလားဒေ့ရ်ှဝန်ကြီးချုပ် ရှိခ် ဟာဆီနာက ရှားမန်ရဲ့ ဒီပြောကြားမှုကို ဝေဖန်ခဲ့ပါတယ်။ ဘင်္ဂလားဒေ့ရ်ှဟာ ပြည်တွင်းစစ်ဒဏ် ခံစားခဲ့ရပြီး၊ ဒေသတွင်း ငြိမ်းချမ်းရေးနဲ့ တည်ငြိမ်အေးချမ်းရေးကို ထိခိုက်စေမယ့် အလုပ်မျိုးကို မိမိတို့က ဘယ်တော့မှ လုပ်ဆောင်မှာ မဟုတ်ဘူးလို့ သူမက ပြောပါတယ်။

ရခိုင်ပြည်နယ်ဟာ မြန်မာနိုင်ငံရဲ့ အစိတ်အပိုင်းဖြစ်တယ်ပြီး ဘင်္ဂလားဒေ့ရ်ှက မြန်မာနိုင်ငံရဲ့ အချုပ်အခြာအာဏာကို လေးစားကြောင်း၊ မိမိတို့ လိုချင်တာက ရိုဟင်ဂျာတွေ သူတို့ရဲ့ဇာတိမြေကို အန္တရာယ်ကင်းစွာ ပြန်ရေးဖြစ်ကြောင်း ဟာဆီနာက ထည့်သွင်း ပြောဆိုခဲ့ပါတယ်။

ရှားမန်ရဲ့ ဒီပြောဆိုချက်ဟာ ‘မှားယွင်းတဲ့ အဆိုပြုမှု’ ဖြစ်တယ်လို့လည်း သူမကဆိုပြီး ရိုဟင်ဂျာတွေ နေရပ်ပြန်နိုင်ရေး လှုံ့ဆော်ပေးဖို့လည်း တိုက်တွန်းခဲ့ပါတယ်။

“ဒီမှတ်ချက်ဟာ မှားယွင်းတဲ့ အဆိုပြုမှုပါ။ စကွဲယားကီလိုမီတာ ၅၄၀၀၀ ရှိနေတဲ့ နယ်နမိတ်နဲ့တင် ကျွန်မတို့ အဆင်ပြေပါတယ်”

ရိုဟင်ဂျာတွေကို လူသားချင်းစာနာထောက်ထားမှုဆိုင်ရာ ရှုထောင့်နဲ့ အကူအညီပေးနေတာဟာ ရခိုင်ပြည်နယ်ကို တိုင်းပြည်ထဲ သွတ်သွင်းချင်လို့ မဟုတ်ဘူးလို့လည်း ၀န်ကြီးချုပ် ရှိခ်ဟာဆီနာက ထပ်လောင်း ပြောကြားခဲ့ပါတယ်။

ရိုဟင်ဂျာလက်နက်ကိုင်အဖွဲ့က ရဲကင်းစခန်းတွေကို ၀င်ရောက်တိုက်ခိုက်ပြီးနောက် ၂၀၁၇ ခုနှစ် သြဂုတ်လမှာ မြန်မာစစ်တပ်က ပြုလုပ်ခဲ့တဲ့ စစ်ဆင်ရေးအတွင်း ရိုဟင်ဂျာ ၇ သိန်းကျော် ဘင်္ဂလားဒေ့ရ်ှဖက်ကို ထွက်ပြေးခဲ့ရပါတယ်။ ဒီစစ်ဆင်ရေးမှာ စစ်သားတွေက အစုလိုက်အပြုံလိုက် သတ်ဖြတ်တာ၊ အုပ်စုဖွဲ့ အဓမ္မကျင့်တာ၊ ရွာတွေကို မီးရှို့ဖျက်ဆီးတာတွေ လုပ်ဆောင်ခဲ့ပြီး၊ ‘လူမျိုးတုန်းသတ်ဖြတ်လိုတဲ့ ရည်ရွယ်ချက်နဲ့’ ကျူးလွန်ခဲ့တာ ဖြစ်တယ်လို့ ကုလက ပြောကြားထားပါတယ်။

နိုင်ငံတိုင်းမှာ အချုပ်အခြာအာဏာ ပိုင်ဆိုင်မှုရှိပြီး ရှားမန်းဟာ လူတွေ သူ့ကို ပိုသိလာအောင် ဒီလို အဆိုပြုတာဖြစ်ကြောင်း၊ အင်္ဂလားဒေ့ရ်ှဟာ မြန်မာနိုင်ငံနဲ့ ဆက်ဆံရေးကောင်းကို ထိန်းသိမ်းထားပေမယ့် မြန်မာနိုင်ငံကတော့ နိုင်ငံသားတွေကို မောင်းထုတ်ခြင်းအားဖြင့် မိမိတို့
ဝန်ထုပ်ဝန်ပိုးဖြစ်အောင် လုပ်ဆောင်နေကြောင်း ဟာဆီနာက ထည့်သွင်း ပြောကြားခဲ့ပါတယ်။

ရိုဟင်ဂျာတွေကို မြန်မာနိုင်ငံက ပြန်ခေါ်ရေး ဖိအားပေးဖို့ တရုတ်ခရီးစဉ်အတွင်း ပြောကြားခဲ့ပြီး တရုတ်ခေါင်းဆောင်တွေကလည်း ရိုဟင်ဂျာတွေ နေရပ်ပြန်နိုင်ရေးကိစ္စမှာ ဘင်္ဂလားဒေ့ရ်ှဖက်ကနေ ရပ်တည်မယ်လို့ အာမခံခဲ့ကြောင်း သူမက ဆိုပါတယ်။

“ဒါဟာ ကျွန်မတို့အတွက် သတင်းကောင်းပဲ မဟုတ်လား”

Ref: NDTV