ကမ္ဘ္ဘာ့ အာကာသသမိုင်းတွင် ဂျပန်နိုင်ငံက မှတ်တိုင်သစ်တစ်ခု စိုက်ထူ

ဇူလိုင် ၁၂၊ ၂၀၁၉
M-Media

-ဂျပန်နိုင်ငံက လွှတ်တင်လိုက်တဲ့ အာကာသယာဉ်တစ်ခုဟာ ကမ္ဘ္ဘာနဲ့ ကီလိုမီတာ သန်းပေါင်း ၃၀၀ လောက်ဝေးတဲ့ ဂြိုဟ်သိမ်တစ်ခုမှာ အောင်မြင်စွာဆင်းသက်ကာ ကျောက်တုံးနမူနာ ရယူနိုင်ခဲ့ပြီး ဒါဟာ အာကာသ လေ့လာစူးစမ်းမှုသမိုင်းမှာ ဂျပန်နိုင်ငံက သမိုင်းမှတ်တိုင်တစ်ခု စိုက်ထူလိုက်နိုင်တာလည်း ဖြစ်ပါတယ်။

Ryugu လို့ အမည်ပေးထားတဲ့ ဂြိုဟ်သိမ်မှာ Hayabusa2 အာကာသယာဉ်က ရယူနိုင်ခဲ့တဲ့ အဲဒီ မြေကြီး နမူနာဟာ လွန်ခဲ့တဲ့ နှစ်သန်းပေါင်း ၄.၆ ဘီလီယံက ဖြစ်တည်ခဲ့တဲ့ နေအဖွဲ့အစည်းရဲ့ စတင်ပေါ်ပေါက်ရာ အခြေအနေကို လေ့လာဖော်ထုတ်နိုင်မယ်လို့ သိပ္ပံပညာရှင်တွေက ယူဆထားပါတယ်။ Hayabusa2 အာကာသယာဉ်ဟာ ဂြိုဟ်သိမ်မှာ တွင်းတစ်ခုတူးကာ အာကာသဓာတ်ရောင်ခြည်နဲ့ အခြား သက်ရောက်မှုတွေ မရှိတဲ့ ကျောက်တုံးတွေကို ယူဆောင်ခဲ့တာ ဖြစ်ပါတယ်။

ဒါဟာ အာကာသသမိုင်းမှာ ကမ္ဘ္ဘာနဲ့ အလွန်ဝေးကွာတဲ့ ဂြိုဟ်သိမ်တစ်ခုက မြေအောက်ကျောက်တုံးနမူနာတွေကို ပထမဆုံးအကြိမ် အောင်မြင်စွာ ရယူနိုင်ခဲ့တာ ဖြစ်ပါတယ်။ အမေရိကန် အာကာသအေဂျင်စီ NASA ဟာ ဒီလိုစီမံကိန်းမျိုးကို Bennu လို့ အမည်ပေးထားတဲ့ ဂြိုဟ်သိမ်မှာ ထပ်လုပ်ဖို့လည်း စီစဉ်ထားပါတယ်။

ဂျပန် အာကာသ စူးစမ်းရှာဖွေရေး အေဂျင်စီက Hayabusa2 အာကာသယာဉ်ဟာ ဂြိုဟ်ပေါ်ကို နှစ်ကြိမ်တိုင်တိုင် ဆင်းသက်ခဲ့ရပြီး ပထမအကြိမ်က တွင်းတူးဖို့နဲ့ ဒုတိယအကြိမ်က ကျောက်တုံးနမူနာ ယူဖို့ဖြစ်ကြောင်း၊ အောင်မြင်မှုဟာ မျှော်မှန်းထားတာထက်ကို ပိုခဲ့ပြီး၊ ဘေးအန္တရာယ်ကင်းကင်းနဲ့ ဂြိုဟ်ပေါ်ကနေ ပြန်တက်နိုင်ခဲ့ကြောင်း ထုတ်ပြန်ခဲ့ပါတယ်။

“ကျွန်တော်တို့ သမိုင်းရေးထိုးနိုင်ခဲ့ပါပြီ” လို့ အေဂျင်စီက သုတေသန ဒါရိုက်တာ တာကာရှီ ကူဘိုတာက ပြောကြားခဲ့ပါတယ်။

Hayabusa2 အာကာယာဉ်ကို ၂၀၁၄ ခုနှစ် ဒီဇင်ဘာလမှာ လွှတ်တင်ခဲ့တာဖြစ်ပြီး လာမယ့်နှစ်မှာ ကမ္ဘ္ဘာမြေပေါ်ကို ပြန်ရောက်လာဖို့ ရှိနေပါတယ်။ ဒီအစီအစဉ်အတွက် အမေရိကန်ဒေါ်လာ သန်း ၂၇၀ ကုန်ကျခဲ့ပါတယ်။ သိပ္ပံပညာရှင်တွေက ဒီစီမံကိန်းကနေ ကမ္ဘ္ဘာတည်ရှိရာ နေအဖွဲ့အစည်းရဲ့ မူလဘူတကို ပိုမိုနားလည်နိုင်လိမ့်မယ်လို့ မျှော်လင့်နေကြပါတယ်။

Ref: Aljazeera