ရခိုင်ပြည်နယ်ကို ခရီးမသွားရန် စင်ကာပူက နိုင်ငံသားများကို သတိပေးထား

ဇူလိုင် ၁၃၊ ၂၀၁၉
M-Media

-လက်နက်ကိုင် ပဋိပက္ခတွေ အချိန်မရွေး ဖြစ်လာနိုင်တဲ့အတွက် ရခိုင်ပြည်နယ်မြောက်ပိုင်းနဲ့ ချင်းပြည်နယ်က နေရာတစ်ချို့ကို သွားရောက်ခြင်းမပြုဖို့အတွက် စင်ကာပူနိုင်ငံခြားရေး ၀န်ကြီးဌာနက သူ့နိုင်ငံသားတွေကို သတိပေးလိုက်ပါတယ်။

သတိပေးချက်ကို ဇူလိုင်လ ၁ ရက် ရက်စွဲနဲ့ ထုတ်ပြန်ခဲ့တာဖြစ်ပြီး ရခိုင်ပြည်နယ်က ဘူးသီးတောင်၊ ကျောက်တော၊ မောင်တော၊ မင်းပြား၊ မြောက်ဦး၊ ပုဏ္ဏားကျွန်းနဲ့ ရသေ့တောင်မြို့နယ်တွေ၊ ချင်းပြည်နယ်က ပလက်ဝမြို့နယ်တွေ ပါဝင်ပါတယ်။

“လုံခြုံရေးအခြေအနေက မငြိမ်သေးဘဲ၊ အလျင်အမြန် ဆိုးရွားနိုင်တာကြောင့် ရခိုင်ပြည်နယ်က အခြားဒေသတွေကို သွားရောက်မယ့် ခရီးစဉ်တွေကိုလည်း အရေးမကြီးရင် စင်ကာပူနိုင်ငံသားတွေအနေနဲ့ ရွှေ့ဆိုင်းသင့်ပါတယ်” လို့ စင်ကာပူ နိုင်ငံခြားရေးဝန်ကြီးဌာန MFA က ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ရခိုင်ပြည်နယ်မှာ ရှိနေတဲ့ စင်ကာပူနိုင်ငံသားတွေအနေနဲ့ သတိဝိရိယနဲ့ နေကြဖို့၊ ဘေးအန္တရာယ်ကင်းရှင်းရေးအတွက် လိုအပ်တဲ့ ကြိုတင်ပြင်ဆင်မှုတွေ လုပ်ဆောင်ထားဖို့၊ ဒေသတွင်းသတင်းတွေ၊ အာဏာပိုင်တွေရဲ့ ညွှန်ကြားမှုတွေကို စောင့်ကြည့်နားထောင်ကြဖို့၊ ခရီးသွားအာမခံတွေ၊ ကျန်းမာရေးအာမခံတွေ ၀ယ်ယူထားကြဖို့၊ မိသားစုတွေ၊ မိတ်ဆွေတွေနဲ့ အနီးကပ်ရှိနေကြဖို့လည်း MFA က တိုက်တွန်းထားပါတယ်။

ဝန်ကြီးဌာနနဲ့ အလွယ်တကူဆက်သွယ်နိုင်ဖို့အတွင် MFA မှာ အီလက်ထရောနစ် မှတ်ပုံတင်ထားဖို့နဲ့ မြန်မာနိုင်ငံက စင်ကာပူသံရုံး လိပ်စာတွေ၊ ဖုန်းနံပါတ်တွေကိုလည်း ကြေငြာချက်မှာ ထည့်သွင်းဖော်ပြထားပါတယ်။

စင်ကာပူဟာ ပြီးခဲ့တဲ့ရက်ပိုင်းအတွင်းကပဲ ရခိုင်လူမျိုးတစ်ချို့ကို ဖမ်းဆီးခဲ့ပြီး၊ ပြည်နှင်ဒဏ်ပေးခဲ့ပါတယ်။ အဲဒီအထဲမှာ ရခိုင်လက်နက်ကိုင်အဖွဲ့ AA အကြီးအကဲ ထွန်းမြတ်နိုင်ရဲ့ညီ၊ ရခိုင်အသင်း (စင်ကာပူ) က လူတစ်ချို့ ပါဝင်ပြီး သူတို့ဟာ AA အတွက် ရန်ပုံငွေရှာတာ၊ လော်ဘီလုပ်တာတွေ ဆောင်ရွက်တာကြောင့်ဖြစ်တယ်လို့ ထုတ်ပြန်ခဲ့ပါတယ်။

Ref: CNA