အင်ဒိုနီးရှားတွင် အင်အားပြင်းငလျင်လှုပ်၊ ၁ ဦးသေ

ဇူလိုင် ၁၅၊ ၂၀၁၉
M-Media

-အင်ဒိုနီးရှားနိုင်ငံအရှေ့ပိုင်းမှာ မနေ့ညပိုင်းက အင်အားပြင်းငလျင်တစ်ခု လှုပ်ခတ်ခဲ့တာကြောင့် အနည်းဆုံး လူ ၁ ဦးသေဆုံးခဲ့ပြီး နေအိမ်တွေ၊ အဆောက်အဦးတွေ ပျက်စီးဆုံးရှုံးမှု ရှိခဲ့တယ်လို့ အာဏာပိုင်တွေက သတင်းထုတ်ပြန်ပါတယ်။

နော့သ်မာလူကူပြည်နယ် မြို့တော် တာရ်နာတီရဲ့ အရှေ့တောင်ဖက်ကို ဗဟိုပြု လှုပ်ခတ်ခဲ့တဲ့ ဒီငလျင်ဟာ ပြင်းအား ၇.၃ မဂ္ဂနီကျု ရှိပါတယ်။ ငလျင်ဗဟိုချက်နဲ့ နီးတဲ့ ဆောက်သ်ဟာလ်မာဟီရာ ခရိုင်မှာတော့ နေအိမ်၊ အဆောက်အဦးပေါင်း ၁၆၀ လောက် ပြိုကျခဲ့ပါတယ်။ သေဆုံးသူဟာ
အမျိုးသမီးဖြစ်ပြီး နေအိမ်ပြိုကျစဉ် အပျက်အစီးတွေ ပိမိခဲ့တာဖြစ်တယ်လို့ အာဏာပိုင်တွေက ပြောပါတယ်။

ငလျင်ကြောင့် ဆူနာမီဖြစ်နိုင်ခြေ မရှိပေမယ့် နောက်ဆက်တွဲငလျင်တွေကို ကြောက်ရွံ့တဲ့အတွက် ပြည်သူတွေဟာ စာသင်ကျောင်းတွေ၊ အစိုးရအဆောက်အဦးတွေနဲ့ ဗလီတွေမှာ သွားရောက်လိုလှုံနေကြပါတယ်။

နော့သ်မာလူကူပြည်နယ်မှာ ပြီးခဲ့တဲ့တစ်ပတ်တုန်းကလည်း ပြင်းအား ၆.၉ မဂ္ဂနီကျုရှိတဲ့ ငလျင်တစ်ခု လှုပ်ခတ်ခဲ့ပြီး သေဆုံးဒဏ်ရာရမှု၊ ကြီးကြီးမားမား ထိခိုက်ပျက်ဆီးမှုတွေ မရှိခဲ့ပါဘူး။ ပြီးခဲ့တဲ့နှစ်က ဆူလာဝေစီပြည်နယ် ပါလူမြို့ကိုဗဟိုပြုတဲ့ ပြင်းအား ၇.၅ မဂ္ဂနီကျု ငလျင်ကြောင့် လူ ၂၂၀၀ ကျော် သေဆုံးခဲ့ပြီး၊ တစ်ထောင်လောက် ပျောက်ဆုံးခဲ့ပါတယ်။

၂၀၀၄ ခုနှစ် ဒီဇင်ဘာ ၂၆ ရက်နေ့က ဆူမားတြားကျွန်းမှာ လှုပ်ခတ်ခဲ့တဲ့ ပြင်းအား ၉.၁ မဂ္ဂနီကျု ငလျင်ကြောင့် အိန္ဒိယသမုဒ္ဒရာက ဒေသတစ်ဝှမ်း လူပေါင်း ၂ သိန်း ၂ သောင်းကျော် သေဆုံးခဲ့ပြီး အင်ဒိုနီးရှားက ၁ သိန်း ၇ သောင်းလောက် ပါဝင်ခဲ့ပါတယ်။

Ref: CNA