သမိုင်းတွင်မည့် အာကာသယာဉ် လွှတ်တင်မှုကို ၅၆ မိနစ်အလိုတွင် အိန္ဒိယက ရပ်ဆိုင်း

ဇူလိုင် ၁၅၊ ၂၀၁၉
M-Media

-အာကာသသမိုင်းမှာ သမိုင်းတွင်မယ့် ခရီးစဉ်အတွက် အာကာသယာဉ် လွှတ်တင်ရေးကို စက်ပိုင်းဆိုင်ရာပြဿနာကြောင့် လွှတ်တင်ဖို့ ၅၆ မိနစ်အလိုမှာ အိန္ဒိယက ရပ်ဆိုင်းလိုက်ပါတယ်။

အိန္ဒိယဟာ လပေါ်ဆင်းသက်မယ့် Chandrayaan-2 အာကာသယာဉ်ကို ဇူလိုင်လ ၁၅ ရက်နေ့ ဒေသစံတော်ချိန် မနက် ၂ နာရီ ၅၁ မိနစ်မှာ အန်ဒရာပရာဒက်ရ်ှပြည်နယ် Satish Dhawan အာကာသစခန်းကနေ လွှတ်တင်ဖို့ စီစဉ်ထားတာပါ။

ဒါပေမယ့် စက်ပိုင်းဆိုင်ရာ ပြဿနာကြောင့် လွှတ်တင်ဖို့ ၅၆ မိနစ်နဲ့ ၂၄ စက္ကန့်အလိုမှာ အစီအစဉ်ကို ရပ်ဆိုင်းလိုက်ပြီး၊ လွှတ်တင်မယ့်ရက်ကို နောက်ပိုင်းမှာ ထပ်မံကြေငြာမယ်လို့ အိန္ဒိယ အာကာသ စူးစမ်းရှာဖွေရေးအဖွဲ့ ISRO က ဒီကနေ့မှာ ထုတ်ပြန်ခဲ့ပါတယ်။ ချို့ယွင်းမှုဟာ လွှတ်တင်မယ့်စနစ်မှာ ဖြစ်ပွားခဲ့တာလို့ ISRO တာဝန်ရှိသူတွေက ထည့်သွင်းပြောကြားခဲ့ပါတယ်။

အိန္ဒိယရဲ့ Chandrayaan-2 ခရီးစဉ်မှာ လပေါ်ကို ဆင်းသက်ကာ အရင်က လူသားတွေ မလေ့လာဘူးသေးတဲ့ လမျက်နှာပြင်မှာ သုတေသနပြုလုပ်မှာ ဖြစ်ပါတယ်။ ဆင်းသက်မှု အောင်မြင်ခဲ့ရင် အိန္ဒိယဟာ အမေရိကန်၊ ရုရှားနဲ့ တရုတ်တို့နောက်ပိုင်း လပေါ်ကို အာကာသယာဉ် ဆင်းသက်နိုင်တဲ့ စတုတ္ထမြောက်နိုင်ငံအဖြစ် မှတ်တမ်းဝင်မှာ ဖြစ်ပါတယ်။

Chandrayaan-2 အာကာသယာဉ်၊ အာကာသယာဉ်က သယ်ဆောင်သွားမယ့် လဆင်းယာဉ်ငယ် အားလုံးနီးပါးကို အိန္ဒိယက ကိုယ်တိုင် ထုတ်လုပ်တာ ဖြစ်ပါတယ်။ လွှတ်တင်မယ့် GSLV Mk III ဒုံးပျံကလည်း အိန္ဒိယက တီထွင်ထားတဲ့ အားအကောင်းဆုံး ဒုံးပျံဖြစ်ပါတယ်။ ဒီစီမံကိန်းအတွက် ကန်ဒေါ်လာ သန်း ၁၄၀ ကုန်ကျပြီး လပေါ်ကို အာကာသယာဉ် လွှတ်တင်မှုသမိုင်းမှာ ဈေးအသက်သာဆုံး ခရီးစဉ် ဖြစ်ပါတယ်။

၁၉၆၀ ပြည့်နှစ်တွေနဲ့ ၁၉၇၀ ပြည့်နှစ်တွေမှာ အမေရိကန်က လွှတ်တင်ခဲ့တဲ့ အပိုလို အာကာခရီးစဉ်တွေဟာ စုစုပေါင်း ကန်ဒေါ်လာ ၂၅ ဘီလီယံ ကုန်ကျခဲ့ပြီး ဒီနေ့ငွေဈေးနဲ့ဆိုရင် ဒေါ်လာ ဘီလီယံ ၁၀၀ လောက်ရှိပါတယ်။

အိန္ဒိယဟာ သူတို့ရဲ့ ပထမဆုံး လသွား အာကာသခရီးစဉ်အတွက် ၂၀၀၈ ခုနှစ်က Chandrayaan-1 အာကာသယာဉ်ကို လွှတ်တင်ခဲ့ပြီး လပေါ်ကို ဆင်းသက်ခြင်းမပြုဘဲ ဂြိုဟ်ပတ်လမ်းမှာနေကာ လကို လေ့လာစူးစမ်းခဲ့ပါတယ်။ လူသားလိုက်ပါမယ့် အာကာသခရီးစဉ်ကို
၂၀၂၂ ခုနှစ်မှာဆောင်ရွက်ဖို့၊ အဲဒီနောက်ပိုင်း ကိုယ်ပိုင် အာကာသစခန်းတစ်ခု တည်ဆောက်သွားဖို့လည်း အိန္ဒိယက စီမံကိန်းချထားပါတယ်။

အိန္ဒိယဟာ အင်္ဂါဂြိုဟ်ကိုလည်း လေ့လာစူးစမ်းမှုတွေ ပြုလုပ်နေပါတယ်။ ၂၀၁၄ ခုနှစ်အတွင်း အင်္ဂါဂြိုဟ်ပတ်လမ်းထဲ ဂြိုဟ်တုတစ်စင်း ပို့ဆောင်နိုင်တာကြောင့် အင်္ဂါဂြိုဟ်ကို ဂြိုဟ်တုလွှတ်တင်နိုင်တဲ့ စတုတ္တမြောက်နိုင်ငံအဖြစ် မှတ်တမ်းဝင်ခဲ့ပါတယ်။

Ref : CNA