လူအုပ်ကို ကားဖြင့်တိုက်သည့် လူဖြူအစွန်းရောက် ထောင်ဒဏ်တစ်သက် နှစ်ထပ်ကွမ်း ချမှတ်ခံရ

ဇူလိုင် ၁၆၊ ၂၀၁၉
M-Media

-၂၀၁၇ ခုနှစ် သြဂုတ်လက ဆန္ဒပြလူအုပ်ကို ကားနဲ့ဝင်တိုက်ခဲ့တဲ့ လူဖြူအစွန်းရောက်ကို အမေရိကန်တရားရုံးက ဒုတိယမြောက် တစ်သက် တစ်ကျွန်းပြစ်ဒဏ် ချမှတ်လိုက်ပါတယ်။

အသက် ၂၂ နှစ်အရွယ် ဂျိမ်းစ် အဲလက် ဖီးလ်ဒ်ဟာ ချားလော့စ်ဗီလီမြို့က ဖက်ဆစ်ဆန့်ကျင်ရေး ဆန္ဒပြလူအုပ်ကို ကားနဲ့ ၀င်တိုက်ခဲ့တာဖြစ်ပါတယ်။ ဒီတိုက်ခိုက်မှုအတွင်း အသက် ၃၂ နှစ်အရွယ် ဟီသာဟေယာဆိုတဲ့ အမျိုးသမီး သေဆုံးခဲ့ပြီး လူတစ်ချို့ ဒဏ်ရာရခဲ့ပါတယ်။

ဖီးလ်ဒ်ဟာ ပြီးခဲ့တဲ့နှစ် ဒီဇင်ဘာလက အပြစ်ရှိကြောင်း ၀န်ခံခဲ့တဲ့အတွက် မတ်လမှာ ပြည်ထောင်စုတရားရုံးက သူ့ကို လွတ်ငြိမ်းချမ်းသာခွင့်မဲ့ ထောင်ဒဏ်တစ်သက် ချမှတ်ခဲ့ပါတယ်။

မနေ့မှာတော့ ပြည်နယ်တရားရုံးက လူသတ်မှု၊ ဆိုးဆိုးဝါးဝါး ဒဏ်ရာရရှိစေမှု စွဲချက် ၈ ခုအတွက် ဖီးလ်ဒ်ကို ထောင်ဒဏ်တစ်သက်နဲ့ ၄၁၉ နှစ် ထပ်မံချမှတ်ခဲ့ပါတယ်။ တရားသူကြီး ရစ်ချက်မိုးက ဒီပြစ်ဒဏ်ဟာ ဖီးလ်ဒ်လုပ်ခဲ့တဲ့ အကြမ်းဖက်လုပ်ရပ်နဲ့ ထိုက်တန်တဲ့ ပြစ်ဒဏ်မျိုး ဖြစ်တယ်လို့ ပြောကြားခဲ့ပါတယ်။

ခွဲထွက်ရေးလိုလားတဲ့ ခေါင်းဆောင်တစ်ဦးရဲ့ ရုပ်တုကို ဖယ်ရှားဖို့ ချားလော့ဗီလီမြို့ တာဝန်ရှိသူတွေက ဆုံးဖြတ်ခဲ့ပြီးတဲ့နောက် ၂၀၁၇ ခုနှစ် သြဂုတ်လအတွင်း အမေရိကန်နိုင်ငံတစ်ဝှမ်းက လူဖြူအစွန်းရောက်တွေနဲ့ နာဇီလက်သစ် အုပ်စုတွေဟာ ချားလော့ဗီလီကို လာရောက်ပြီး Unite the Right ခေါင်းစဉ်နဲ့ ချီတက်ဆန္ဒပြမှုတွေ လုပ်ဆောင်ခဲ့ပါတယ်။

ဒေသခံတွေကလည်း ဖက်ဆစ်ဆန့်ကျင်ရေး ဆန္ဒပြမှုကို တန်ပြန်လုပ်ဆောင်ခဲ့ပြီး လူဖြူအစွန်းရောက်တွေနဲ့ တန်ပြန်ဆန္ဒပြသူတွေအကြား ထိပ်တိုက်တွေ့ဆုံမှုတွေ ရှိခဲ့ပါတယ်။

၂၀၁၇ ခုနှစ်အတွင်း လူဖြူအစွန်းရောက်တွေရဲ့ သတ်ဖြတ်မှုကြောင့် အမေရိကန်နိုင်ငံတစ်ဝှမ်း လူ ၁၈ ဦး သေဆုံးခဲ့ပြီး၊ အမုန်းခြေပြု ရာဇ၀တ်မှုတွေလည်း ၁၇ ရာခိုင်နှုန်းအထိ မြင့်တက်လာတယ်လို့ FBI က ထုတ်ပြန်ခဲ့ပါတယ်။

လူဖြူအစွန်းရောက်တွေဟာ ပြီးခဲ့တဲ့နှစ်ကလည်း Unite the Right ခေါင်းစဉ်နဲ့ ဝါရှင်တန်မှာ ချီတက် ဆန္ဒပြခဲ့ကြပြီး တန်ပြန်ဆန္ဒပြသူတွေနဲ့ ရင်ဆိုင်ခဲ့ရပါတယ်။

Ref: Aljazeera